Əgilye 23:19 - Bible en Guidar

¹⁹ Kəkiygən zəgeɗ na mabardaw na guli nok en maddaabəŋ pak addəv gəla na Yawe, Maŋgəlva noko. Kədawda wət hãw də moŋvo na man ɓa.

Əgilye 23:19 ပူးပေါင်းရင်းမြစ်များ

Nehemi 10:35

Mənam məsdəlveŋge, mə leviɗe, may ɗiy-ɗar pak na, məgəɗək vẽpəlwa a walaŋmə, vi kaɗɗa əvəl dit seseme nawki addəv gəla na Maŋgəlva, aza məlma na zəmə, də pay va məɗiyən aza wəzva pakə, vi kasɗa offo aka matuya na Yawe Maŋgəlva namə, va məverin addəv mahenziŋ.

Nehemi 10:36

Gəm əmpa kawki zəga na mabardaw məs dəsəɓ daabəŋ sə guli namə, gəm uwa na wəlaŋga awandi pak dəsəɓ daabəŋ aza wəzva addəv Gəla na Yawe.

Əgilye 22:28

Kəki sugən zəga na mabardaw dit iŋkile net megezlembirkeɗ noko. Uwa maddaabəŋ naret kirtuk mezeŋgleketi, Kəpsugəni.

Əgilye 22:29

Vas kədaɗɗa dit wasliɗe noko, gəm gilew noko; dəsangən lumu taka də mani; aka pay madodopoɗon na, kəpsugəni.

Əgilye 34:26

Zəga na guli nok dəsəɓ maddaabəŋ pak kəkiygən addəv gəla na Yawe Maŋgəlva noko, kədawda wət hãw də moŋvo na man ɓa.»

Wənməkkpaŋga 12:10

Ɗəf an təstəs awsən wəray na zəga məmayã nani; ya makra məsdaraw awla sahã ɓa.

Wənməkkpaŋga 3:9

Aɗi ki Yawe də zəga voko, də zəga an daabəŋ na zev ərəh nok pakə.

Yeremiya 10:3

Əzba net ɗiyiski atərna ɓa. Vi wabəlaŋ wəlaŋga sura məzaɓ-zəga wazaɓ də məsseɗe.

Ezekiyel 44:30

Dadabya an moggon na zəga pakə gəm zəga an məgəmən na zəga pak səret zəgeɗ pak səka an kəgəmaŋ ambaw na, wasan net məsdəlveŋge; gəpa kukuɗ moggon nokum maddaabəŋ pakə, kəpsitingən məsdəlveŋge, vi wəzaɓ dəprikgən aka gəla nokum.

Ezekiyel 48:13

Dəwəl sit mə leviɗe na, dələv net dəsangən məstaka də an net məsdəlveŋge: zezek nan metər gabal kəlaw kiyən sula də mani, slosloprok nan metər gabal sle'i. Təki pak zezek nan dəsan metər gabal kəlaw kiyən sula də mani, slosloprok nan metər gabal sle'i.

Ezekiyel 48:14

Adawvəlaŋ səzan ɓa: kaddəɗani ɓa, kapsəni ɗəf maɓɓan ɓa, vi məpsəni sən Yawe.

Əŋɗa 15:21

Səza gəpa an mətəŋ əda pak na, kəpsənəngən haran na Yawe, vas adawsan ammba saykum pakə.»

1Korintus 15:20

Ya kakaŋ na, Kristu asilik sə walaŋgit ɗiy mimtiti, ndəni dadabya net ɗiy mimtit dəsilyoŋgu.

Əmsak aka Mahenziŋ 14:21

Kədawzəmaŋ zəga mamayãn məmtən ɓa: kəpsənəngən molhõyõ naka dələv nokum dəzəmgəni; awaniɓa kəvəlgən sən malaka. Vi nokum ɗiy məwele kana Yawe Maŋgəlva nokum kənanəni. Kədawdaŋ wət hãw də moŋvo na man ɓa.

Əmsak aka Mahenziŋ 26:10

Ya kakaŋ nəkiyək zəga na mabardaw dəsəɓ daabəŋ naka dələv məs kəvay Yawe.» Kəɗigən aba Yawe Maŋgəlva noko, kəppu'gən aba Yawe Maŋgəlva noko.

Əmsak aka Mahenziŋ 26:2

vasna kəgimgin zəgeɗ dəsɓaŋ daabəŋ pak naddəv guli nok məs kədawki səka dələv məs Yawe Maŋgəlva nok adapsuko. Kəziygin a keŋkele, kəkegin a təki məs Yawe Maŋgəlva nok awel vi iya nan dəsangən adaka.

Hənhən 14:4

Net dərnokonən zit dit gil ɓa, vi tahəŋ gbuɓɓo. Tahəŋ əzbat ndargayãk a təki təmbat pakə. Net məkõhgiti səret ɗiyi vi kepsin Maŋgəlva gəm sət ndargayãk va zəga dəsəɓ maddaabəŋ.