Əgilye 23:1 - Bible en Guidar

¹ Kədabbalan tepelke ɓa. Kədawaŋ wən kabbah sən ɗəf mbərayən ɓa.

Əgilye 23:1 ပူးပေါင်းရင်းမြစ်များ

Va'Atəŋ 39:17

Təpel sənək zev əpeləŋka, də wənah na: «Balam mə Ibri kəki səmən adek azaw vi kasmayawa.

2Samiyel 16:3

Məlĩ amna: «Ya ngay wətən daya nok di?» Siba aɓsən məlĩ na: «Asanək a Yerusalem, vi amna: Kakaŋ mə Israyelɗe wamndan suwən məlĩ na duwa.»

2Samiyel 19:27

Yaŋ amna: «Daya naw məlyã, balam naw dəfãyãwa, vi balam nok anahək dərəŋ na: Waniynan mazaŋga na koro nawa, wanəpeŋ kaddaw də məlyã. Vi balam nok vədali.

Gəlyaɗe 101:5

Məndə gabba ɗəfa, wanəmpan man kpuɓu. Məsfərka də məɗi kizən pak nəɓis na ɓa.

Gəlyaɗe 120:3

Is hərzləm məgəɗ turufturufu, mi adapsuk di? Mi adawtər suk kpak di?

Gəlyaɗe 15:3

Awpel mbərayən aket ɗiy ɓa, aɗɗa mbərayən sən meggen ɓa, awran meggen ɓa.

Gəlyaɗe 27:12

Kəppaw avet məzuseɓɗe naw ɓa, vi muwaŋ wən asilyoŋguk akawa, əbayaŋ suwən gagayə.

Gəlyaɗe 35:11

Məziwweɗe mbəreyit asilyoŋko, tay əssohõwən zəga məs nəsən ɓa.

Əgilye 20:16

Kədawa wən aka meggok ɓa.

Əgilye 23:7

Azar faraɗa səza əpel na uwawəna. Kədawbay ɗəf də mazlibezlibe na man may ɗəf təstəs ɓa, vi nənah na, ana ɗəf məs mambray na təstəs yi ɓa.

Wənməkkpaŋga 10:18

Ma na uwa tepelke yi məzuɗaman əzele, məzakiyən ɓa məzəppasan wən mbərayən.

Wənməkkpaŋga 12:17

Ɗəf məzupel wən an gesiŋ na, zəga təstəs adarbani; məziwe net tepelkeɗ tamə, əmbəɗan ɗəfi.

Wənməkkpaŋga 14:5

Məziwe an təstəs awa wən ɓa; məziwe an ɗar nan uwawəni wəza nani.

Wənməkkpaŋga 17:4

Məgəɗ mambray dədazga sləma aka əpel mbərayən; məwə wən dədawpak sləman ammba əpel nawraygən təkiya.

Wənməkkpaŋga 19:28

Məziwe mbərayən na, wamas aka wən an təstəsə; met məsdarawɗe sirsir adawsan aka əɗɗa mambraya.

Wənməkkpaŋga 19:5

Ɗəf asan na məziwe net tepelkeɗ məza ərəh wən ɓa ɓa. Məstepelke akõh na ɓa.

Wənməkkpaŋga 19:9

Ɗəf awsan məziwe net tepelkeɗ məza ərəh wən ɓa ɓa; məstepelke wazə.

Wənməkkpaŋga 21:28

Məziwe net tepelkeɗ wamtə; ɗəf dəsən əpak sləman na, pay pak wapeli.

Wənməkkpaŋga 24:28

Kədassok məziwe na wən ɗar narma meggok ɓa, mok aka əmbəɗeɗ ɗiy də mok sa?

Wənməkkpaŋga 25:18

Tandaŋ, maslalam, har məs mani, vaski ɗəf məziwe net tepelkeɗ aka meggen asani.

Wənməkkpaŋga 25:23

Səmyã na kəla disiŋ dədawki buna, əpel sekeseke awros kiheret ɗiyi.

Wənməkkpaŋga 6:19

məziwe məwə tepelke gəm məsilgin əgay a walaŋ məlma.

Yeremiya 20:10

Vi in tat əprəm əpel mbərayən sə met ɗiy diyɗa; əyəwən na: «Geslne tərwəslə.» Məssak akani, waməssak akani. Bayneŋgiɗu pak tahəŋ heret ɗəhərra ammba əzlzlaɓ nawa, kuzuŋ wappan zən sən ərak soko, məskagən wəlani, məmpəlgən kiya.

Məsdəlveŋge 19:11

Kədawhalaŋ ɓa, kədawaŋ wən ɓa, ɗəf adawbəɗan meggen ɓa.

Məsdəlveŋge 19:16

kədawraygən iya na məlmuk ɓa, kədataw wən nawbay məlmuk ɓa. Intə Yawe.

Matiye 19:18

Assohõnək Yesu, awet di? Yesu azlan sən na: Kədawbay gəbay ɓa, kədaku a gizbe ɓa, kədawhal ɓa, kədawa wən aka ɗəf ɓa,

Luka 19:8

Yaŋ Zakayus aziw aba Məman Daya, amna: Daya wanəpsit wəɗak na arya naw sit məssehẽŋɗe. An ɗəf tay məs nəgəm zəga nan də vurum wanəmndagan sən təl poɗo.

Luka 3:14

Məzəlpaŋ tam assohõnənək dawnəh na: Nam tam awani dəslə azam naɗɗa di? Azlan sitik na: Kədawtafaŋ arya net ɗiy də gagay ɓa mãy ərma wən ɗar sən ɗəf ɓa, ya mənnek də əfaɗ na iya nokum.

Yohanna 7:51

Mahenziŋ nam apələk tive nawtaw wən aka ɗəf məza əprəmən daabəŋ gəm də əsən an məs agəɗ ɓa sa?

Roma 3:8

Ya vimi mawnəh va ɗiy məɓɓet məpeleŋ mbərayən aka ɗəf adawnəhaŋ na, mənam tat ənəh na: Məgəɗ səm mambraya ka moggon dədegini ɓa di? Ɗiyiski adahək nawtaw wən aketi.

Efesus 4:25

Vi vaski məppan uwa wəna! Ɗəf pak dəpel gesiŋ aza meggeni, vi gəɓa zəm taka mənani.

Əmsak aka Mahenziŋ 5:20

Kədawa wən aka meggok ɓa.

2Timote 3:3

Əŋgla tay azet ɓa, awlaŋ sahã ɓa, muɗeketin ɗiyi, armanən zit ɓa, məsdarawɗe, məzelin zəga moggoni.

1Piyer 3:16

Ya məzlan sit ɗiy məzəssohokumən də makra zazaya, də wəɓe'gən kikum, də wəɗɗum na makrokum moggoni, vi wil dədeningin məzupeleŋ mbərayən aka wədaw nokum moggon addəv Kristu əŋka.

Hənhən 12:10

Yaŋ nəprəm wəla ɗəf sə disiŋ dayadaya məzunah na: Pay nawkõh yaŋka, na əɓapa, na əzəm məlĩ na Maŋgəlva namə gəm na gagdak na Kristu wətəni; vi məslaŋgani məzəmkiyit milmiŋgiɗmə, ndən məzəmkiyit aza Maŋgəlva nam dəfəɗ də kapay pakə.