Əgilye 21:1 - Bible en Guidar

¹ Wən məziwgin yaŋ kədawnah siti:

Əgilye 21:1 ပူးပေါင်းရင်းမြစ်များ

1Milyeŋge 6:12

«Gəla kədarkaŋka! An is tat ədaw aka mahenziŋɗe nawa, an is tat əzban tiveɗnanziya nawa, an is tat ərme wəsəɓɗe nawa, də wəzbet va anahaŋgə, asna wanəzban əpel naw va nənah aka wən nok sən Davit afuko.

2Alabaraɗe Də Mabərkiziti 19:10

Dewedi pak, an hilfiŋgiɗkum azoŋguk sə walaŋgəleɗe gugriɗ məs assoŋgu, akiyaŋgək wən abokum dəwəlsən: Əbay gəbaya, may wən aka mahenziŋ, aka an məɗi wən nani may aka tiveɗnanziya na, məprəman siti, vi adassoŋ də wən aket aba Yawe ɓa gəm vi ədagədəv adawteh akokum may aket hilfiŋgiɗkum ɓa. Məɗɗa vaska, vasna kəssoŋ na də wən akokum ɓa.

Nehemi 10:29

Madambərgit ɗiyi, məsdəlveŋge, mə leviɗe, məgaŋ maddamba, məyaŋ gəlya, məɗɗaŋ wəzeɗe meɗmeɗ naddəv gəla na Maŋgəlva, gəm ɗiy-ɗar məs dəgohoŋ səzet ɗiy naka dələv net vi kazban mahenziŋ na Maŋgəlva, may gil neti, kirtit mezeŋgleket dit muguluŋgiti gəm en naprəmaŋ gabba wən pakə.

Gəlyaɗe 147:19

Tay əboton wən nan sən Yakob, wən net əsərəkɗe nan dit ətawwənɗe nan sən Israyel.

Əgilye 19:7

Moyis payə; yas aye ɗiy məsɓet net ɗiyi, aɗiyək wən məs Yawe aɗi sən wən nan pak abeti.

Ezekiyel 20:11

Nəpsitik mahenziŋɗe nawa, nərban sitik tiveɗnanziya naw məs ɗəf adaɗɗa dəsangən madaran dənɗaŋ.

Ezekiyel 20:25

Aka as bas, in sən kiyu nəpsitik mahenziŋɗe məs tahəŋ mogget ɓa dit tiveɗnanziya məs assoŋ na madaret dənɗaŋ ɓa.

Məsdəlveŋge 18:26

Nokumu, məɓesən mahenziŋ naw də wəyak nawa, kədaɗɗaŋ wəza də taka na ədaw daryaw zeŋvit eskis ɓa, wətdələv də molhõyõ məs dəsan də gəla awalaŋkum pakə;

Məsdəlveŋge 18:5

Məɓesən mahenziŋ nawa gəm wəyak naw pakə: də əɗɗa wəza dənɗaŋgi yi ɗəf adawsan madarani. Intə Yawe.

Məsdəlveŋge 19:37

Məzbet mahenziŋɗe naw dit tiveɗnanziya naw temtem pakə, Məgəɗ wəza dənɗaŋ. Məgəɗ wəza dənɗaŋ. Intə Yawe.

Məsdəlveŋge 20:22

Mərme mahenziŋɗe naw dit tiveɗnanziya naw pakə, məgəɗ wəza dənɗaŋ, vi dələv nədawtoŋgukum addəvən kəssoŋgən akanəŋ adaptekkum ɓa.

Əŋɗa 35:24

sap net ɗiy dətawgən wən na walaŋ ɗəf an dərga ɗəfa də məmpəl ki piɗe, əzban azet tiveɗnanziyeŋki.

Əŋɗa 36:13

Eskiŋ wənɗe dit tiveɗnanziya məs Yawe aɗi wən nan sit mə Israyelɗe dəza Moyis, a təki məpəlayya na Mo'ab, ama Yurden dakadaka də Yeriko.

Matiye 28:20

Məyagan sit dərmanəngən an məs nəɗi sukum wən nan pakə. Wanəsaw də munokum pay pak hã əgrak na dəlva.

Əmsak aka Mahenziŋ 15:12

An taka səret milmiŋgiɗuk mə Ibriɗe, ɗəf mizilin awaniɓa gulku, avələk kiyzən ka balam suko, an agəɗ sukuk wəza va balam wəzva sləre, mabuhulon na, appan na kini, dəmbat sənokda.

Əmsak aka Mahenziŋ 4:14

Pay nan dəpas na, Yawe aɗi suwək wən nan kawyeget sukum mahenziŋɗe dit tiveɗnanziya, vi kərmeningin addəv dələv məs kədaddoŋ adak kawmõhən ka nokum.

Əmsak aka Mahenziŋ 4:45

Eŋkiŋ vavyakɗe, mahenziŋɗe dit tiveɗnanziya en Moyis aɗi sit mə Israyelɗe dərɓaga agilyoŋ sə Eziptə,

Əmsak aka Mahenziŋ 4:5

Mula, niyeget sukumək mahenziŋɗe dit tiveɗnanziya, va Yawe Maŋgəlva naw aɗi su wən nani, kəzbetingin aka dələv məs kədaŋgla ətoŋgoŋ adak kawmõhən ka nokum;

Əmsak aka Mahenziŋ 4:8

Ɗiy na dələv metiŋ məwetiŋ məs də mahenziŋɗe gəm dit tiveɗnanziya təstəs, va mahenziŋ nədawyogokuməŋ dəpaŋkəŋ di?

Əmsak aka Mahenziŋ 5:1

Moyis ayek mə Israyelɗe dəwən neti, aɓsit na: Mə Israyelɗe, məprəm mahenziŋɗe dit tiveɗnanziya, nədaprəman sukum a sləmokum dəpaŋka; miyegeti, mərme məgəɗ wəza dənɗaŋgə.

Əmsak aka Mahenziŋ 5:31

Nok na, asok aŋ də ina; nənoh sukgən əpel na ənziya pakə, mahenziŋɗe dit tiveɗnanziya məs kədawyagan sit dəɗɗaŋgən wəza dənɗaŋ addəv dələv an nədapsitiŋka, vi dəgəməngən ka neti.»

Əmsak aka Mahenziŋ 6:1

Əpel na ənziya dit mahenziŋɗe gəm tiveɗnanziya məs Yawe Maŋgəlva nokum aɗi nawyogokum kəɗɗaŋgən wəza dənɗaŋ aka dələv məs kədaddoŋ adak əgəmən ka nokuməŋ yəŋki,

Əmsak aka Mahenziŋ 6:20

An wutuk assohõkun laha dawnəh na: «Vimi Yawe Maŋgəlva nam aɗi sukum an naɗɗa, mahenziŋɗe gəm tiveɗnanziya di?»

1Tesaloniki 4:1

An dəpəl kan na, milmiŋgiɗwa, mənam tat əkkamokum gəm əsɓokum addəv Daya Yesu, va an məs kəprəmaŋ səmam va mbar kədawdawaŋ va an Maŋgəlva aŋgələ di, vas van kədawdawaŋgə, məsok zukum əmbat abe abe.