Əgilye 20:5 - Bible en Guidar

⁵ Kədappu' abet ɓa, kədawgəɗ sit wəza ɓa, vi intə Yawe Maŋgəlva noko, Maŋgəlva məskotorok məzəŋɗan mambray net efiŋgiɗit kirin en dəzelnən aket kirtit gap sayit hoku də poɗo

Əgilye 20:5 ပူးပေါင်းရင်းမြစ်များ

2Samiyel 21:1

May agəɗək diyɗa aka məlĩ na Davit, əzva hoku ammba zəni. Davit assohõnək Yawe, yaŋ Yawe amna: «Aka batam Sawlu də gəla nan məbay gəbayəŋki, vi abeyik mə Gabawənɗe.»

2Samiyel 21:6

məpsim zel buhul səmmbet kirtini, məlewgin aba Yawe a Gibeya, walaŋgəla na Sawlu, muwele na Yawe.» Məlĩ anah sit na: «Wanipsukum.»

1Milyeŋge 19:10

Yaŋ amna: «Əŋglu nəŋglu Yawe Maŋgəlva net məzəlpaŋ na disiŋ: vi mə Israyelɗe azganənək wənmiyna noko, aɓzluwinik matuyaɗe noko, gəm abeyinik məskəleŋɗe nok də masalam, in takərgu nəpələ, naw van zlaŋ met aka əzan zeŋgilewa.»

1Milyeŋge 21:29

«Kulak va Akab ataf mambray nan abaw sa? Adan avoŋgən kiyən abawa, nəki na wəray aka pay nan ɓa; aka pay na wətəni nədawki wəray aka gəla nani.»

2Milyeŋge 17:35

Də Yawe aziwgin wənmiyna dənɗaŋ lahəŋka, aɗi sit wən nan lahəŋ dawnəh na: «Kədawgeslne'eŋ sitin meŋgilveɗ meɓɓet ɓa, kədappu'oŋ abet ɓa, kədaɗɗaŋ sitin wəza ɓa, kədawzaɓaŋ sitin Maŋgəlva ɓa.

2Milyeŋge 17:41

Va ɗiy-ɗariŋ ageslne'eŋ sənən Yawe dazbetin maŋgilveɗ neti'e. Va efiŋgiɗit aɗɗaŋgə, kirtit dit dəhiŋgiɗit pak vas adaɗɗaŋ hã dəpaŋka.

2Milyeŋge 23:26

Də as pak makra Yawe dəffet səka ədagədəv nan aka Yuda ɓa, vi ədagədəv Manase adan sənəŋ ɓa.

2Milyeŋge 5:18

Vi wənaŋkəŋ na, kəta Yawe dəvvuyon sən balam noko: an daya naw awtoŋ addəv gəla na Rimmon, kagduko: aka vaw adawges dagduko, də in məstaka mədogduko, wəɗɗa nədaɗɗa vaskəs na, kamə Yawe dəvvuyon sən zəgas sən balam noko.»

2Milyeŋge 5:27

Kokolo na Na'aman wagor azok də mazlalwõk hã faɗə.» Yaŋ agil səzan də kokolo bar va ɓeɓrezlerizze.

2Alabaraɗe Də Mabərkiziti 25:14

Dawmilyen sə dərɓaga aska wəlet mə Edomɗe na, Amatsiya akiyik meŋgilveɗ net mə Se'irɗe, aɗi ka meŋgilveɗ nani, appu' abeti, azlə sit tursan.

2Alabaraɗe Də Mabərkiziti 7:19

Ya hara kan na, an kəmilyoŋguk səmmbawa, kəzgetinik mahenziŋɗe nawa gəm an məs nəɗi sukum abokum, yaŋ kəddoŋ kəɗɗaŋ wəza sit meŋgilveɗ meɓɓeti, kəppu'oŋ abeti,

Ɗerewel na Yob 21:19

Kawnah na Maŋgəlva waɗi mambray na efit kirin aket kirtin sa? Dəmndan sən anan tusso asna dəttəmani.

Ɗerewel na Yob 5:4

«Kirtin adawrahaŋ əbbah ɓa, wən dərme a təki nawtaw wəna məza ɗəf əka wən ammbet ɓa.

Gəlyaɗe 109:14

Kəta dəɗɗumon sənən mambray net efiŋgiɗin sən Yawe, kəta heslepe nat man adavvuy ɓa.

Gəlyaɗe 78:58

Adansənənək gədəvən dit gəleɗe-nettuyeŋge neti; zəgakamaŋgəlva net asilgənək kotorok nani.

Gəlyaɗe 79:8

Kədaɗɗumet heslepeɗe en far akam ɓa. Agəm zuko, ula sasãh nok dəde abamə, vi məddakəm mənan diyɗa.

Gəlyaɗe 81:15

də kakara nədawvoŋgən kiyit məzuzelɗe net kəta, wanəslan vaw aket məzuseɓɗe neti.

Əgilye 23:24

kədappu' abet meŋgilveɗ net ɓa, kədawgəɗ sit wəza ɓa, kədaɗɗa zev wəzeɗe net ɓa, dərəŋ na əbzluw kədaɓzluwti, əkkrep kədekrep gərmeŋge məs ampaŋgə.

Əgilye 34:14

Kədappu' sən maŋgəlva maɓɓan ɓa, vi Yawe Maŋgəlva məskotoroki, tay də kotoroku.

Wənməkkpaŋga 8:36

Ɗəf dəgəɗ su mambray hara na, mbərayən adaɗɗa aka zəni, məs dəzelwən pak na, əmta adaŋlaŋgə.

Isaya 44:15

Wasan sit ɗiy zəga narma offo. Wandaŋ səret nawluho awaniɓa kawda way neti. Yas adawzaɓən ka maŋgəlva ka kappu' abani, tahəŋ əzaɓən zəgakamaŋgəlva ka kakkamani.

Isaya 44:19

Ɗəf tay məzəɗɗum təttaka ɓa, tay də əsən moggon akan təttaka ɓa tay məs maɗɗula akan nawnah na: pəɗak nan na nəzlak akoffo ɓa; nədak way aka slayoffo nani nuya'ək sluwa, nəzəmka. An nədaɗɗaŋ na mambray yi ɗarə. Aba wəlaŋga nədappu'o!

Yeremiya 2:9

Vini nəsaw də dolgoy akokum, dolgoy naw wasan aket kirtit kirtukum Yawe aɗiymani.

Yeremiya 32:18

Is məzəɗɗa moggon nok hã gap sayit ɗiy gabalə gəm məmndagan heslepe net efiŋgiɗit kirin aket kirtit dərɓegeti, Maŋgəlva metiŋ məs gbogboŋgo, iya nok na Yawe Məzuɓappakə.

Ezekiyel 18:19

Yaŋ kəɓɗaŋ na: Vimi wətən dəslan heslepe na afən ɓa di? Ya wiyən van agəɗək zəga an də tiveni, təstəsə, azbetik mahenziŋɗe naw pakə, armeke: wasan madarani.

Ezekiyel 18:2

«Vimi kədawpeleŋ wən məkkpaŋgaŋ aka dələv na Israyel dawnəh na: Efiŋgiɗit kirin ampəraŋgək megezlembirkeɗ məgelti, yaŋ abay sleyit kirtiti di?

Ezekiyel 20:7

Nəɓsit na: Naway pak dəzgan zəga daryaw sə maharani; kərnokonən zukum dit meŋgilveɗ na Eziptə ɓa; intə Yawe Maŋgəlva nokum.

Ezekiyel 39:25

Vini yi, an Daya Yawe anah yaŋka: Kakaŋ wanəzaɓan wən na Yakob, wanəwəl sãhã aket mə Israyelɗe baymeti, wanərban kotorok vi iya naw salala.

Ezekiyel 8:3

Yaŋ atəl zəga va va ɗəfa, armu aza muhur kiywa; Əmpəs aslaw aka walaŋ dəlvafuŋ də disiŋ, akiyu a Yerusalem addəv ula temtem na Maŋgəlva a maddamba na kəleŋgil məs haran ta' kəla tapaslay pay də disiŋ, adaki zəgakamaŋgəlva na kotorok məsilgin kotorok na Maŋgəlva asani.

Daniyel 1:2

Yawe appanək Yoyakim məlĩ na Yuda ammba vani gəm andək zəgeɗ naddəv gəla na Maŋgəlva; akek aka dələv na Sine'ar addəv gəla net meŋgilveɗ nani, akek zəgeɗ vet addəv gəla nawɗi zəgeɗ na sləma net meŋgilveɗ nani.

Daniyel 3:18

An dəkõhgəm ɓa, asəna məlyã, məgagdaket meŋgilveɗ nok ɓa, ya məppu' na aba zəgakamaŋgəlva na meleŋge məs kəziwginiŋ ɓa'a.»

Məsdəlveŋge 20:5

in sən kiyu wanəkkpaŋ aka ɗəfəska gəm aka mahəlfa nani, wanərsle səret ɗiy neti, ndəni dit ɗiy nammban məs dəɗɗaŋ polkoyo əzban Molek.

Məsdəlveŋge 26:1

Kədawzaɓaŋ tuyeɗe ɓa, zəgakamaŋgəlva may serek naɗɗa wəza dənɗaŋ ɓa, kədawɗiyaŋ gərəm məzaɓən nappu' aban ɓa; vi intə Yawe Maŋgəlva nokumə.

Məsdəlveŋge 26:29

Wakəzəmən sluwit kirtukum mezeŋgleket dit muguluŋgiti.

Nahum 1:2

Maŋgəlva məskotoroki, Yawe ampəl kini. Yawe ampəl kini; ədagədəv nan gədaki yi. Yawe tay əmpəl kiyən aket məzuseɓɗe nani; herɗe nan addəɗ səket məzuzelɗe nani.

Əŋɗa 14:18

“Intə Yawe, zay aza ədagədəva, məknəhu də moggon məza addəɗ ɓa, məzuɓəs heslepe gəm kiɓəɓəla, məza appa zəga ətoŋ ɓa hara kana, gəm məzbə heslepe net efiŋgiɗit ɗiy aket kirtit gap sayit hoku may poɗo,”

Əŋɗa 14:33

Kirtukum wassoŋ məzuteɗeŋɗe wəzva kaklaw poɗo a kapta-muyã; Waslanən tatwãh na əggbak ma nokum, hã an kəmtaŋgək gərak a kapta-muyãŋka.

Əŋɗa 25:11

«Məsdələv Pinhas, wətən Ele'azar, wətən Aron, affetetik herɗe naw səket kirtin Israyel, adan arban kotorok a gəlaw aweleŋtiŋka. Vini, də herɗe aɗɗuwən pak na, nəzet kirtin Israyel ɓaŋka.

Matiye 4:9

Aɓsən na: Anipsuk pakəski an kukdukuk takkprok kappu' abawa.

Yohanna 15:18

An dələv tay əzelkum, məsən na anaw azel daabəŋ.

Yohanna 7:7

Ənziya egge azelkum na ɓa, ya naw wazelwa, vi in tat ərban na, wəzeɗe nan mbəreytiŋ.

Yohanna 9:2

Gewleɗ nan assohõnənək dawnəh na: Mərbəzəga, naway dəgəɗ mambray di, ndən sa awaniɓa migilin ka muwan daŋgarəŋka?

Roma 1:30

məndaŋ gabba ɗəfəŋ, məzuzel na Maŋgəlvaŋ, məkutiŋ, məɗiyən kizitiŋ, məzuɗoktoŋgoŋgu, məsənaŋ əɗɗa mbərayən, aprəmən met migilit ɓa.

Roma 8:7

Vi əɗɗum na gəɓa zə ɗəf na, əɓoŋ aka Maŋgəlva yi. Awɓe' sən mahenziŋ na Maŋgəlva ɓa, aɓap na əzban lah ɓa.

1Korintus 10:22

Awaniɓa mam aka əsilgin kotorok na Daya sa? Gbogboŋ mənan daykiyən sa?

Əmsak aka Mahenziŋ 32:21

Akkpaŋgawənək məskotorok dit meŋgilveɗ en ɗarə, adan suwənək gədəvu dit ɗarɗarɗe neti. Naw pak, wanəsilgin kotorok neti dit ɗiy en dəgapaŋ ɗiy ɓa, wanədan sit gədəvit dit ɗiy məza maɗɗulet ɓa.

Əmsak aka Mahenziŋ 32:41

An nətakaɗanək masalam naw məzuwiɗe, an vaw tay ətawwən nani, wanəmpəlkiya aket mezuseɓwəni, wanəmndagan sit məzuzelwəni.

Əmsak aka Mahenziŋ 4:24

Vi Yawe Maŋgəlva nok, offo məzuzlay yi, Maŋgəlva məskotoroki yi.

Əmsak aka Mahenziŋ 5:10

Ya məzəŋgluwəni, məzərmanən an nəɗi naɗɗa, wanərban sit moggon naw hã gap sayit gabalə.

Əmsak aka Mahenziŋ 5:9

Kədappu' abet ɓa, kədawgəɗ sit wəza ɓa. Vi intə Yawe Maŋgəlva noko, Maŋgəlva məskotorok məzəŋɗan mambray net efiŋgiɗit kirin en dəzelnən aket kirtit gap sayit hoku də poɗo;

Əmsak aka Mahenziŋ 6:15

vi Yawe Maŋgəlva dəsan addəvuk Maŋgəlva məskotoroki, vi Yawe Maŋgəlva nok adawki herɗe akok ɓa, ka ndən kawzok səka dəlvafuŋ ɓa.

Əmsak aka Mahenziŋ 7:10

ya hara na, alya əmpəlkiya aka məzuzelən ɓa, tay əzani, anziya dampəlkiya aka məzuzel nan ɓa, tay əmndan sən go'u.

Yakob 4:4

Munokum məɓoŋkum aka Maŋgəlva, kəsənən na an kəɗɗaŋgək bayna də ənziya egge na məzuzeleŋ na Maŋgəlva kənanaŋ ɓa sa? Ɗəf məs dəŋgəl wəzban wən negge na wakkpaŋ məzuzel na Maŋgəlva.

Yosuwa 23:16

An kəmzlahaŋgək səka wənmiyna məs Yawe Maŋgəlva nokum aɗi vikum, an kəɓe'eŋ sitinik meŋgilveɗ meɓɓeti, kəppu'oŋguk abeti, ədagədəv na Yawe wasan akokum. Asna wakəzaŋ də kakara səka dələv moggon məs apsukum naka.»

Yosuwa 23:7

Kədawslahaŋ dit ɗiy en dəmmbraŋ awalaŋkuməŋ ɓa; kədawyanən sləmet meŋgilveɗ net ɓa, kədaswayaŋ dindit ɓa, kədaɗɗaŋ sitin wəza ɓa, kədappu'oŋ ebet ɓa.

Yosuwa 24:19

Yosuwa aɓsit ɗiy kan na: «Wakəɓapən əɗɗa wəza sən Yawe ɓa. Maŋgəlva an salala yi, Maŋgəlva məskotoroki yi, məs aɓəs na kiɓəɓəl nokum dit mambrayɗe nokum ɓa.

Mətawaŋwəna 2:19

Ya an mətaw wən amtəka, ndəɗaŋ əmsak əɗɗaŋ mambray daykiyit efiŋgiɗti, əzbetin meŋgilveɗ meɓɓeti, əɗɗaŋ sitin wəza may əppu'oŋ abeti; tay adappaŋ səza zəga naɗɗa neti may səza ədaw na kiɓəɓəl net ɓa.