Əgilye 20:4 - Bible en Guidar

⁴ Kədawzaɓ zəgakamaŋgəlva ɓa, may zəga dəgil səɗek va zəga na disiŋ gəm naka dəlvafuŋgu awaniɓa neret iŋkile ammba dəlvafuŋ ɓa.

Əgilye 20:4 ပူးပေါင်းရင်းမြစ်များ

1Milyeŋge 12:28

Məlĩ arahək əɗɗum mbərən, avotuk kirit wasliɗe mezeŋgleket na meleŋge sula, yaŋ aɓsit ɗiy na: «Ədda nokum a Yerusaleməŋ məki; meŋgilveɗ nok yeŋ məs dəgilgukun səka dələv na Eziptə Israyel.»

2Milyeŋge 17:12

Aɗɗaŋgək wəza sit tuyeŋge, məs Yawe anah na: «kədaɗɗaŋ zəga vas ɓa naka!»

2Alabaraɗe Də Mabərkiziti 33:7

Azaɓək zəgakamaŋgəlva, aɗi addəv gəla na Yawe məs Maŋgəlva anah sən Davit gəm sən Salomoŋ wətən na: «Addəv gəlaŋka gəm a Yerusalem məs nəwel sə weleŋgit mahəlfaɗe na Israyel pakəŋ nədawɗi iya naw dəsangən adak faɗə.

Gəlyaɗe 78:58

Adansənənək gədəvən dit gəleɗe-nettuyeŋge neti; zəgakamaŋgəlva net asilgənək kotorok nani.

Gəlyaɗe 97:7

«Məgagdeketin zəgakamaŋgəlva pak dərban wili, məzukaɓaŋ dit meŋgilveɗ ɗar pak wil areti; meŋgilveɗ pak tay əppu'oŋ abani!»

Əgilye 20:23

Kədawɗiwən va meŋgilveɗ na təbəz babar gəm na meleŋge ɓa, nokum kədawvotnin ɓa.

Əgilye 32:1

Ɗiy awlanən na Moyis aliyək dəpriken səka mossorgo, yaŋ ɗiy akkalaŋ aza Aron, aɓsənən na: «Asili, azaɓ səm meŋgilveɗ dədawdawaŋ abamə, vi Moyis ɗəf dəgilgəm səka dələv na Eziptəŋ məsən an dəɗɗa ɓa.»

Əgilye 32:23

Aɓsuwənən na: «Agəɗ səm meŋgilveɗ dədawaŋgən abamə, ɗəf Moyis dəgilgəm səka dələv na Eziptəŋ, məsən an dəgəɗ sən ɓa.»

Əgilye 32:4

Atafək səveti, azaɓək mbərwək va wət wasli na təbəz məhəsən də mabəl. Aɓɗaŋ na: «Eŋkiŋ meŋgilveɗ nok məs dəgilgukun səka dələv na Eziptə Israyel.»

Əgilye 32:8

Amzlahaŋgək də kakara ləŋ səka tive məs nəɗi sit wən nani, aɗɗaŋgək wət wasli mbərwək na təbəz məhəsən sən kiyti, appu'oŋ sənənka, aɗɗaŋ sənənək matuya, yaŋ aɓɗaŋ na: Israyel, eŋkiŋ meŋgilveɗ noko, məs dəgilgukun səka dələv na Eziptə.

Əgilye 34:17

«Kədaɗɗa meŋgilveɗ mbərwək na təbəz məhəsən ammba kizuk ɓa.

Isaya 42:17

Wil aket ɗiy məzaɓaŋ zəgakamaŋgəlva, aket məzuyenin zəgeɗ məhəsit na: meŋgilveɗ neti wamndoŋ dərɓe addəv ərba wili.

Isaya 42:8

Intə Yawe, vaski iya nawa. Nəpsən na gagdak naw sən ɗəf maɓɓan ɓa, əɗi kiya naw sit zəgeɗkamaŋgəlva ɓa.

Isaya 45:16

Wil wadenini məzaɓaŋ zəgakamaŋgəlva warbaŋ wili baymeti wassoŋ sap pak addəv ərba wili.

Ezekiyel 20:7

Nəɓsit na: Naway pak dəzgan zəga daryaw sə maharani; kərnokonən zukum dit meŋgilveɗ na Eziptə ɓa; intə Yawe Maŋgəlva nokum.

Ezekiyel 8:10

In pay təm na, foto net zəgeɗ mədawaŋ də gədəvti gəm en mədawaŋ də təlit poɗo nawgeslne' sit yeŋ temtemi, gəm meŋgilveɗ meɓɓet net mə Israyelɗe məveret baymet aza gəla tərwəslə.

Ezekiyel 8:3

Yaŋ atəl zəga va va ɗəfa, armu aza muhur kiywa; Əmpəs aslaw aka walaŋ dəlvafuŋ də disiŋ, akiyu a Yerusalem addəv ula temtem na Maŋgəlva a maddamba na kəleŋgil məs haran ta' kəla tapaslay pay də disiŋ, adaki zəgakamaŋgəlva na kotorok məsilgin kotorok na Maŋgəlva asani.

Məsdəlveŋge 19:4

Kədakkpaŋgaŋ kəlazet meŋgilveɗ ɗar məɗɗet na təbəz məhəsən ɓa. Intə Yawe, Maŋgəlva nokum.

Məsdəlveŋge 26:1

Kədawzaɓaŋ tuyeɗe ɓa, zəgakamaŋgəlva may serek naɗɗa wəza dənɗaŋ ɓa, kədawɗiyaŋ gərəm məzaɓən nappu' aban ɓa; vi intə Yawe Maŋgəlva nokumə.

Əŋɗa 12:8

Maw də man nədawpel səni də ərban zuwa, məza də əpel haɗamma ɓa; tay ula gəɓa zə Yawe va asan. Ya mbar kan kəgeslne'en dawpel aka məgəɗ wəza naw Moyis ɓa di?»

Wəza net Masləŋɗe 17:29

Adan kan mahəlfa na Maŋgəlva məsamə, mədaɗɗum na Maŋgəlva agilik va meleŋge, va də təbəz babara, awaniɓa va gərəm na sləma məzeɓit də əsəna gəm əɗɗum na ɗəf ɓa.

Roma 1:23

Yaŋ akkpaŋganən gagdak na Maŋgəlva məs amta ɓa, aslanən də zeŋgile zəga məzəmta va ɗəfa, biŋgeɗi, zəgeɗ məs təlit poɗo dit en mədawaŋ də gidivti.

Əmsak aka Mahenziŋ 16:22

Kədampa serek zev awandi dayday ɓa, Yawe Maŋgəlva nok azelike.

Əmsak aka Mahenziŋ 27:15

«Wəray dəsan aka ɗəf məs dəzaɓ zəgakamaŋgəlva awaniɓa dəzaɓ zəŋgile zəga məzaɓən, daryawi aza Yawe, va ɗəfi dəzaɓ ɗarə, watuk a təki zlurro!» Ɗiy pak wazlanən na: «Dəsan vaska!».

Əmsak aka Mahenziŋ 5:8

Kədawzaɓ zəgakamaŋgəlva ɓa, may zəga dəgil va zəga na disiŋ gəm naka dəlvafuŋgu, awaniɓa neret iŋkile ammba dəlvafuŋ ɓa.

Hənhən 16:2

Maslay maddaabəŋ mbat gbo' əggbo' ədagədəv na Maŋgəlva səddəvət huloŋguk nan aka dəlvafuŋgu. Yaŋ kurtiya mbəreyit məsanən ɗəf diyɗa armenin ɗiy məs də voɗoko na zəga mamayã azet məzugagdakanən zeŋgilen neki.

Hənhən 9:20

Ɗiy məs dəmbraŋ tamə, məs dəmtaŋ sit gəbayɗe ɓa, dəɗiyaŋ marava səket wəzaɗe net aɗɗaŋ də vet ɓa, dəzbanən əgagdeket tuyeŋɗe, zəgeɗkamaŋgəlva na meleŋge awaniɓa na təbəz babara, na təbəz pepreŋge, na gərma awaniɓa na wəlaŋga, məs awɓapaŋ ula ɓa, əprəm ɓa, ədaw ɓa.

Mətawaŋwəna 17:3

Ndən məndakgit koɓeɗ na təbəz babar gabal də səkat nek sət mani, yaŋ man təmna: «Əɗi nəɗi koɓeɗ vet ta' ava Yawe dəvaw sən wətu vi kawzaɓ zəgakamaŋgəlva gəm zəga na təbəz məhə̃sən. Yaŋkəŋ na, vas nədamndeget suko.»