Əgilye 20:3 - Bible en Guidar

³ Meŋgilveɗ nok meɓɓet adassoŋ abbəru ɓa.

Əgilye 20:3 ပူးပေါင်းရင်းမြစ်များ

1Milyeŋge 11:4

Aza wəgal na Salomoŋ, gil nan akkpaŋganənək makran dəzet meŋgilveɗ meɓɓeti; makran tay aka Yawe Maŋgəlva nan təstəs va makra Davit afən ɓa.

Gəlyaɗe 29:2

Məɗi ki gagdak na iya na Yawe! Məgul lukuɗe salala məvereti məppu' aba Yawe!

Gəlyaɗe 73:25

Naway naw a disiŋ an istə ɓa di? Nənneken na zu aka dəlvafuŋ ɓa.

Gəlyaɗe 81:10

maŋgəlva molhõyõ adawsan anokda ɓa, kədappu' aba maŋgəlva məza məsənni ɓa ɓa.

Gəlyaɗe 81:9

Ɗiy nawa məprəma, wanəssak suko! Israyel, va is tat əprəmu na,

Əgilye 15:11

Yawe sə weleŋgit meŋgilveɗ na naway va is di? Naway məs gagdak na salala nan va is Nawgeslne' sən də wəgagdakani di? Məgəɗ zəga naggət akan di?

Əgilye 20:23

Kədawɗiwən va meŋgilveɗ na təbəz babar gəm na meleŋge ɓa, nokum kədawvotnin ɓa.

Əgilye 22:19

Məs dətaw wəla zəga nawzaɓ-Maŋgəlva sit meŋgilveɗi, kazgani; an sən Yawe yi kaka ɓa ɓa.

Əgilye 23:24

kədappu' abet meŋgilveɗ net ɓa, kədawgəɗ sit wəza ɓa, kədaɗɗa zev wəzeɗe net ɓa, dərəŋ na əbzluw kədaɓzluwti, əkkrep kədekrep gərmeŋge məs ampaŋgə.

Əgilye 32:8

Amzlahaŋgək də kakara ləŋ səka tive məs nəɗi sit wən nani, aɗɗaŋgək wət wasli mbərwək na təbəz məhəsən sən kiyti, appu'oŋ sənənka, aɗɗaŋ sənənək matuya, yaŋ aɓɗaŋ na: Israyel, eŋkiŋ meŋgilveɗ noko, məs dəgilgukun səka dələv na Eziptə.

Əgilye 34:14

Kədappu' sən maŋgəlva maɓɓan ɓa, vi Yawe Maŋgəlva məskotoroki, tay də kotoroku.

Isaya 26:4

Məppan ki zukum pay pak sən Yawe, ha'aw sən Yawe, Yawe milɓe an faɗi yi.

Isaya 42:8

Intə Yawe, vaski iya nawa. Nəpsən na gagdak naw sən ɗəf maɓɓan ɓa, əɗi kiya naw sit zəgeɗkamaŋgəlva ɓa.

Isaya 43:10

Mənokumtə məziweɗe nawa, Yawe aɗiymani; məɗɗaŋ wəza nawa, məs nəweli. Vi kəsənnəngəni, kətafwəngəni gəm kəprəməngən na, naw intə Maŋgəlva. Daabəŋ kiwa, maŋgəlva tay mərkan ɓa, tay nassan abbəru ɓa'a.

Isaya 44:8

Kədakkerəŋ ɓa, kəgeslne'eŋ ɓa, nəprəman sukum far, gəm nəboton sukum mənokum miziweɗe naw ɓa sa? Dabərkiyu na, Maŋgəlva tay sa? Milɓe tay məza nəsən ɓa ɓa.

Isaya 46:9

Məɗɗum aket zəgeɗ maddaabəŋ en farə: Intə Maŋgəlva, tay mbərən ɓa. Maŋgəlva tay va in ɓa.

Yeremiya 25:6

Kədezbetin meŋgilveɗ meɓɓet ɓa, kadawgəɗ sitin wəza ɓa, kədappu'oŋ abet ɓa, kədawdan səwən gədəvu də wəza mbərayən na vokum ɓa, asna nəgəɗ sukum na mbərayən ɓa.

Yeremiya 35:15

Nəbew dawslən sukum məskəleŋɗe məɗɗaŋ wəza naw pak azokum ɓa, əslinit dawnəh na: Ɗəf pak dəmil səka tive nan mbərayən, dəzaɓan wəza nan moggoni. Adazbet meŋgilveɗ meɓɓet kawgəɗ sit wəza ɓa. An kətafənka wakəssoŋ də gəla aka dələv məs nəpsukum anokum gəm sit efiŋgiɗkum. Ya kəpakən sləmokum ɓa, kəprəmwən ɓa.

Yeremiya 7:9

Mənokum tat əhala, əbay gəbaya, əɗɗa polkoyo, əsway ɗarə, əzaɓ-Maŋgəlva sən Ba'al, əzbet meŋgilveɗ məs kisinnin ɓa, məs tay dəsopokum dənɗaŋ ɓa.

Daniyel 3:18

An dəkõhgəm ɓa, asəna məlyã, məgagdaket meŋgilveɗ nok ɓa, ya məppu' na aba zəgakamaŋgəlva na meleŋge məs kəziwginiŋ ɓa'a.»

Hose'a 13:4

Intə, Yawe Maŋgəlva nok far səka dələv na Eziptə, Maŋgəlva tay kədawsən abbəru ɓa, məzukõh mbərən tay an intə ɓa ɓa,

Matiye 4:10

Yaŋ Yesu aɓsən na: Azar səzawa Satan. Məverni gesiŋ na: Daya Maŋgəlva noki yi kədawgeslne' səni, anan kədawgəɗ sən wəza.

1Korintus 8:4

Ya dəwəlsən əzəm slu na əzaɓ-maŋgəlva sit zəgeɗkamaŋgəlva na, məsənka zəgakamaŋgəlva tay təttaka aka dələv ɓa, Maŋgəlva tay maɓɓan abbər ki təttaka kaka' ɓa.

1Korintus 8:6

Ya nam na, Maŋgəlva taka kaka məsənə, Afən məs dəɗɗa zəga pakə, azani mədaddamə. Daya taka yi ndəni Yesu Kristu. Dəndəni zəga pak asani, dəndəni məsamə.

Efesus 5:5

vi məsən lewlewi, məgəɗ ɗarɗarə, məgəɗ mambray awaniɓa məs mamayã na zəga, məzaɓ zəgakamaŋgəlva, arah əzəmgəla addəv məlĩ na Kristu də Maŋgəlva ɓa.

Əmsak aka Mahenziŋ 5:7

Meŋgilveɗ nok meɓɓet adassoŋ abbəru ɓa.

Əmsak aka Mahenziŋ 6:14

Kədazbetin meŋgilveɗ meɓɓet səret meŋgilveɗ net ɗiy dətərwəslən kiykuməŋ ɓa,

Əmsak aka Mahenziŋ 6:5

Aŋglu Daya Maŋgəlva nok də mokrok pakə, də magenegenok pakə, də gbogboŋ nok pakə.

Filipi 3:19

Əgrak net na əzay yi, gədəvti maŋgəlva neti, zəga net willi gagdak neti. Əɗɗum net na aka zəga negge yi.

Kolosi 2:18

Ɗəf adawtaw wən akokum aka wən na əɓegən ki zə ɗəfa gəm wən na əgagdaket maslayɗe ɓa, tay əɗiyən kiyit aka ula məs awlaŋgə, yaŋ adagagdakanən zit də tive na əɗɗum na ɗəfa.

Hənhən 19:10

Yaŋ nəkduk ammba tələn kawgagdakani, yaŋ anah su na: Kəɗɗa vas ɓa! Naw pak məgəɗ wəza nan va noko gəm va milmiŋgiɗim məs dərmanən əpel na Yesu. Maŋgəlva yi kədawgagdakani, vi gegesiŋ məs Yesu arbani ndəni əmpəs dəgəɗ kəleŋgə.

Hənhən 22:9

Ya yaŋ aɓsu na: Owwo kədaɗɗa vas ɓa! Naw pak gawla na Maŋgəlva nan va isi gəm va milmiŋgiɗu məskəleŋɗe, va ɗiy məzbanən ɗereweləŋ pak nani. Agagdakan Maŋgəlva!

Mətawaŋwəna 6:10

Nənah sukumək na: intə Yawe, Maŋgəlva nokum, kədaw geslne'eŋ sit meŋgilveɗ net mə Amorɗe məs kəssoŋ aka dələv netiŋ ɓa! Ya kəprəmən maw ɓa.»