Əgilye 20:18 - Bible en Guidar

¹⁸ Ɗiy pak tahəŋ əprəmən gaŋgəlma gəm ɓaɓəlma gozloro. Tahəŋ uwlenin əwiɗ na buwən gəm enene aka mossorgo ɗəkɗəkə; səza ɗiy awlanəni, akkereŋke, aziweŋgək faraɗa.

Əgilye 20:18 ပူးပေါင်းရင်းမြစ်များ

Va'Atəŋ 15:17

Pay atəpka, movoro məs enene yaŋ ara guzliyo, offo məzulorro atoŋguk pəɗak net zəgeɗ memeyẽɗi.

Va'Atəŋ 3:10

Yaŋ amna: «Wəlok nəprəm a guli net wəleŋɗe, nəgeslne'i, vi zuw mekeleŋ nani, yaŋ nəɗamə.»

Gəlyaɗe 81:7

niprikgənək zəga nawsla səkki vani, van atehgənək kekele.

Yeremiya 23:23

Maŋgəlva an gu'o nənan kaka' sa? Yawe aɗiymani, məza Maŋgəlva an faraɗa ɓa sa?

Əmsak aka Mahenziŋ 18:16

Aski kpak kəssõhon Yawe Maŋgəlva nok aka gərəm na Horeb pay əkkal na mahenziŋ; kəmna: «Maw tay aka əprəm wəla Yawe Maŋgəlva naw ɓa, maw tay aka ula offo mə zilimziliməŋ əmpa ɓa: vi nədamta ɓa!»

Əmsak aka Mahenziŋ 4:36

Sə disiŋgi aprəman suk wəlani vi kawyogoko; arban sukuk offo nan metiŋgin aka dəlvafuŋ, səddəv offo kəprəm əpel nani.

Əmsak aka Mahenziŋ 5:23

Gala kəprəmənən wəla ɗəf dawpel səra guzliyo, gəm səka mossorgo məzuzla, deyeɗe net mahəlfaɗe dit ɗiy məsɓet nokum pak azaraŋgək azawa.

Əmsak aka Mahenziŋ 5:25

Kakaŋ na, mə dəray offo metiŋginiŋ adahhətəm məmtəgən di? An mənam tat əzban əprəm wəla Yawe Maŋgəlva naməŋka'e na, vasna waməmtə.

Əmsak aka Mahenziŋ 5:27

Azar go'o, aprəm an Yawe Maŋgəlva nam adawpele, nok na, kənah səmgən an Yawe Maŋgəlva nam anah suko, waməprəma, waməgəɗ wəza dəndəni.»

Əmsak aka Mahenziŋ 5:5

naw dəpas na, in tat a walaŋkum də Yawe, vi kawman sukum əpel na Yawe, vi geslne adukumuk sən offo, kəpeŋgeŋ aka mossorgo ɓa, yas amna: