15 Kədawhãl ɓa.
Məs dəhãl ɗəfa vi kawvələn awaniɓa dəsangən avani, əmta adamta.
Məsləgagdak na zəga an də vurum na, zəga daryawi aza Yawe, məsləgagdak na zəga an təstəs na, neki azani.
Kədawhalaŋ ɓa, kədawaŋ wən ɓa, ɗəf adawbəɗan meggen ɓa.
Kədappət meggok ɓa, kədawhalən ɓa; əfaɗ na məgəɗ wəza adawsan a vok gap pummo ɓa;
Dəsənaŋ əɗɗa moggon ɓa «ndəɗaŋ məkkalanən zəga mərəhən də gagay gəm də popoho addivit gəleɗe net moggetiŋki.» Yawe aɗiymani.
Vet tay əɗɗa zəga daryawə. Kaɗɗa moggon na, ɗiy gugriɗ tay əŋglaŋ zəga, Mətawaŋwən na vi kawrəha, ɗiy gagdakɗe tahəŋ əpel vi kaknahan əsim zəga neti, gəm tay əzəmaŋ kiyit ɗiyi.
Vi sə makra ɗəfi, əɗɗumɗe mbəreyti, əbay gəbaya, əku a gizbe, polkoyo, əhãla, uwawəna gəm əpel mbərayən aket ɗiy adawgilyoŋ.
Assohõnək Yesu, awet di? Yesu azlan sən na: Kədawbay gəbay ɓa, kədaku a gizbe ɓa, kədawhal ɓa, kədawa wən aka ɗəf ɓa,
Aɓsit na: Məverni na: Kawyani Gəla naw na, gəla nakkama, yaŋ nokum kəkkpaŋganən ka bətəŋ net məvoŋgoŋ tive.
Anah vasna, sasahĩt məssehẽŋɗe awəl ɓa, vi məhãlayi. Mərəm gabal net deleɗi, tay əhãl deleɗ məziyit addəvən.
Vi mahenziŋɗe: Kədakuh a gizbe ɓa, kədawbay gəbay ɓa, kədaw hãl ɓa, kədawsim zəga ɓa. Mahenziŋɗe meɓɓet pak tay əsapaŋ addəv əpeliŋka: Aŋglu meggok va kəŋglu kiyko.
məhãlɗe, məŋglaŋ deleɗ diyɗa, məs mbazla adawbaya, məraŋ ɗəfa, məvoŋgoŋ tive, atoŋgoŋ na məlĩ na Maŋgəlva ɓa.
An ɗəf məhãlãy yi, adawhãl əmpa ɓa, ya ɗəɗah dərəŋ dəgəɗ wəza devan va an dəslə, vi dərahgən an napsən ɗəf an də wəraya.
An mərahi ɗəf dəhãl ɗəf səret milmiŋgiɗin mə Israyelɗe, kawɗiyən ka balamə, may kawvəlni, vasna kawbayni mahãlaska, vas kədawgilgin mbərayən sə walaŋkum.
Kədawhãl ɓa.
Ɗəf adawgəɗ sən mbərayən sən məlmən aka wənəs də ətak an dəsan nan ɓa, vi Daya wataw wən aket ɗiy məɗɗaŋ zev mambray vaska, va mənah sukum lahəŋka, yaŋ mənah sukumək əmpa.
