Əgilye 20:12 - Bible en Guidar

¹² Agagdakan afuk dət moko, vi əvoŋ nok dəzzekgən aka dələv məs Yawe, Maŋgəlva nok apsuko.

Əgilye 20:12 ပူးပေါင်းရင်းမြစ်များ

Va'Atəŋ 48:12

Yosef agilgit sə walaŋ təl afəni, appu'u afuŋgu.

Va'Atəŋ 50:12

Kirtin aɗɗaŋ sənənək vaska, va aɗi sit wən nani.

1Milyeŋge 2:19

Batseba, toŋ aza məlĩ Salomoŋ, kawnah sən wən na Adoniya. Məlĩ le' ələm səta, ndən guduk a bata; ndən həmsak ɗew aka mazaŋga a gəlani, aɗi mazaŋga maɓɓan dəka dəzəŋ nan sət mani; ndət ɗew akani.

2Milyeŋge 2:12

Adan Elisa awla, ndən vaŋvəl: «Əbba nawa! Əbba nawa! Mawta nawgay na Israyel dit məpeŋgeŋ pilseŋge nani!» Siske na dula əmpa ɓa. Yaŋ arme lukutɗe nani, aŋgeret sek sula.

Əgilye 21:15

Ɗəf dərga afən dət mani, əmta adamta.

Əgilye 21:17

Ɗəf dəran afəni awaniɓa mani, əmta adamta.

Wənməkkpaŋga 15:5

Dərwa dədawzelen əzga' na afəni; ɗəf an dətaf əzga' na, petpeti yi.

Wənməkkpaŋga 17:6

Mətərkiya net mezzeɗ na, ndəni kirtit kirtini; gagdak net kirin na, ndəni efiŋgiɗti.

Wənməkkpaŋga 20:20

Dəzelen afən dət man na, lalam nan wamtə ara guzliyo.

Wənməkkpaŋga 28:24

Məhãl səmmba afən dət man də ənəh na «zəga mbərayni ɓaŋ na», makkaya ɗəf məraygən zəga yi.

Wənməkkpaŋga 3:16

Zezek na əvoŋgo ammba van dəzəŋ, arya gəm gagdaka, ammba van zlaɓay.

Wənməkkpaŋga 30:11

Sayit ɗiy tay məzeletin efiŋgiɗti, awɗinən kiyit may met ɓa!

Wənməkkpaŋga 30:17

Məmas aka afəni may məgəsat man na, gaŋgrekeɗ na məlpa waksolonəni, kirtin kopo wazlornəni.

Yeremiya 35:18

Yaŋ Yeremiya anah sit mə Rekabɗe na: Vaŋ Yawe Məzuɓappak Maŋgəlva na Israyel anahə: Adan kəprəmənək an afukum Yonadab aɗi sukum wən nani, kərmanənək an aɗi naɗɗa pak kəɗɗanən va aɗi sukum wən nan pakə,

Yeremiya 35:7

Kədarkaŋ gəla ɓa, kədazlgaŋ ɓa, kədampaŋ megezlembirke ɓa, kədassoŋ də arya ɓa. Vi addivit gizlirkeɗe kədassoŋ ənziya egge nokum pakə; vi kəssoŋgən əzva kpototo aka dələv məs kəssoŋ adak əga paya.

Ezekiyel 22:7

Tay əzeletin may efit dət met anokda; tay əsərnən ma molhõyõ anokda, tay əsərnən met may mitiwe dət gagəbay anokda.

Məsdəlveŋge 19:3

Naway suwalaŋkum pak dəgeslne sət man də afəni, gəm dəɓe'sən payɗe naffet nawa. Intə Yawe, Maŋgəlva nokum.

Məsdəlveŋge 19:32

Asil aba ɗəf ki babara, aɓe' sən mazza; vaski kədawgeslne' sən Maŋgəlva noko intə Yawe.

Malakiya 1:6

Wəyin wagagdakan afəni, məgəɗ wəza tamə daya nani. Ya, an afən wəyin nan na, ngay gagdak naw di? Ya an daya nan na, ngay əɓe' kədawɓe'eŋ suwən di? Yawe Məzuɓappak anah sukum mənokum məsdəlveŋge məzuzelenən iya nawa. Mənokum tat ənahaŋ na: «Mbarmbar məzelen iya nok di?»

Matiye 19:19

agagdakan afuk dət moko, aŋglu meggok va kəŋglu ki zuko.

Markus 10:19

Kəsinik mahenziŋɗe ɓa sa: Kədawbay gəbay ɓa, kədakuh a gizbe ɓa, kədawhal ɓa, kədawa wən aka ɗəf ɓa, kədaɗɗa vurum ɓa, agagdakan afuk dət moko.

Markus 7:10

Vi Moyis anahək na: Agagdakan afuk dət moko, ɗəf an dəran afəni awaniɓa mani, kawbayni.

Luka 18:20

Kəsinik mahenziŋɗe ɓa sa: Kədakuh a gizbe ɓa, kədawbay gəbay ɓa, kədawhal ɓa, kədawa wən aka ɗəf ɓa, agagdakan afuk dət moko.

Efesus 5:21

Məɓe' sən zukum addəv geslne na Kristu.

Əmsak aka Mahenziŋ 11:8

Kərmanəngən əpel na ənziya nəɗi sukum wən nan dəpaŋkəŋ pakə, vi kəssoŋgən gbogboŋ kəmõhnəngən dələv məs kədawtoŋgoŋ addəvən ka nokum,

Əmsak aka Mahenziŋ 11:9

vi kənziyaŋgən aka dələv məs Yawe asway napsit efiŋgiɗkum gəm sit kirtiti, dələv məs moŋvo də amama adawdawaŋ akan lokloku.

Əmsak aka Mahenziŋ 21:18

An ɗəf tay də wətən məɓoŋgun, atemik akani, aprəm ma afən dət man ɓa, an tay əpeleŋ sənəni, aprəm met ɓa,

Əmsak aka Mahenziŋ 25:15

mətəma nawsla zəga təstəs gəm marga an təstəs nawsla zəga kədarma avoko, vi ənziya egge nok dəzzekgən aka dəlvafuŋ məs Yawe Maŋgəlva nok adapsuko.

Əmsak aka Mahenziŋ 27:16

«Wəray dəsan aka ɗəf məzelen afən dət mani!» Ɗiy pak dəzlanəngən na: «Dəsan vaska!».

Əmsak aka Mahenziŋ 32:47

Vi əpel ɗari yi azokum ɓa, əpel van zeŋgilokumi; əpel nan wazzeken ənziya nokum aka dələv məs kədawmõhon ka nokum dəggar ki Yurden əŋka.»

Əmsak aka Mahenziŋ 4:26

ya dəpaŋ na nəɗiyik disiŋ də dəlvafuŋ dəkiyaŋ suwəngən wən akokum: Ɓo' way ta' wakəzaŋ də kakara səka dələv kədaggaraŋ ki Yurden kawmõhən ka nokuməŋka, kənziyaŋ na diyɗa adak ɓa: kawzokumi kakãhə.

Əmsak aka Mahenziŋ 4:40

Kərmeningin mahenziŋɗe gəm əpel na ənziya nəɗi sukum wən nan dəpaŋka vi mokrokum dəvoŋgən də an net kirtukum dərɓogokum, vi ənziya nokum dəzzekgin aka dələv an Yawe, Maŋgəlva nokum apsukum ka nokum Pay pakə.

Əmsak aka Mahenziŋ 5:16

Agagdakan afuk dət moko, va Yawe Maŋgəlva nok aɗi suk wən nani, vi əvoŋ nok dəzzekgəni, kənangən nek aka dələv məs Yawe Maŋgəlva nok apsuko.

Əmsak aka Mahenziŋ 5:33

Kədawaŋgən aka tive an Yawe Maŋgəlva nokum aɗi sukum wən nan pakə, vi kəssoŋgən madarokum gəm zukum neki, vi əvoŋ nokum dəzzekgin aka dələv məs kəŋglaŋ əgəm ka nokuməŋka.

Əmsak aka Mahenziŋ 6:2

vi kəgeslne' səngən Yawe Maŋgəlva noko, pay nanziya egge nok pak kəɓe' sitgin mahenziŋɗe gəm əpel na ənziya en aɗi wən nan suko, sən wutuko gəm duhuko, vi əvoŋ nok dəzzekgəni.

Kolosi 3:20

Munokum kirni məprəm met migilkum addəv zəga pakə, vi as neki aza Daya.

Ɗerewel nat Rut 3:6

Ndət kan prik a kelle, təɗɗak va atət təɗi sət wən nan pakə.

1Samiyel 22:3

Davit ambatək sədak a Mispe na Mo'ab. Aɓsən məlĩ na Mo'ab na: «Kamə appet may əbba dət əmma dəzzoŋ əssoŋ aŋ də mənokum hã gap pay nədawsən an Maŋgəlva adaɗɗa viwa.»