Əgilye 19:9 - Bible en Guidar

⁹ Yawe aɓsən Moyis na: «Awle, wanəde azok addəv slay buna, vi ɗiy dəprəmnəngən gala nədawpel də isi ka dətafnəngən wən nok hã faɗə tamə.» Yaŋ Moyis aboton əpel net ɗiy sən Yawe.

Əgilye 19:9 ပူးပေါင်းရင်းမြစ်များ

1Milyeŋge 8:12

Yaŋ Salomoŋ anahə: «Yawe aynanək nawsan addəv guzliyo!

2Alabaraɗe Də Mabərkiziti 20:20

Ɗiy asilyoŋguk pum addoŋ a kapta-muyã na Tekowa. Dawtoŋ na, Yosafat le'i, amna: «Əŋga məprəmuɗa, mənokum ɗiy na Yuda dit na Yerusalem! Məppan mokrokum sən Yawe, Maŋgəlva nokum, asna, zəga tay naska wəlokum ɓa! Məppan mokrokum sit məskəleŋɗe nani, asna, wadaw ambokum!»

2Alabaraɗe Də Mabərkiziti 6:1

Yaŋ Salomoŋ amna: «Yawe amna wasan addəv guzli titire.

Gəlyaɗe 97:2

Guzli də slaybuwən gbigbim asərətənka; təstəs də gesiŋ ndəɗaŋgə gabba mazaŋga na məlĩ nani.

Gəlyaɗe 99:7

Addəv slaybuwən adawpel siti. Azbanənək an aŋgələ, gəm əsərəkɗe en apsiti.

Əgilye 14:31

Israyel awlak gbogboŋ an va Yawe agəɗ aka Eziptə. Ɗiy ageslne'eŋ sənən Yawe, atafən Yawe gəm gawla nan Moyis.

Əgilye 19:16

Aka mazayin bew taka nak də mopumo na, geŋgere də əwiɗ na buna də slaybuwən gbimgbim aɗɗaŋgək aka mossorgo gəm ɓaɓəlma mohõ holoŋ holoŋgu, yas ɗiy sə dibirgidik pak akkereŋgi.

Əgilye 20:21

Ɗiy aziweŋgək ɓuhu, Moyis azarək go'o aza guzli tiɗimtiɗim a təki Maŋgəlva asani.

Əgilye 34:5

Yawe aprikik addəv slaybuwən aziwik dəndən adaka, Moyis ayak iya na Yawe.

Əgilye 4:31

Ɗiy atafənək wən nani. Aprəmənək na Yawe akək wən ammbet mə Israyelɗe, awlak ərba wil neti. Ndəni agdukoŋ appu'oŋgu.

Əgilye 4:5

«Vi dətafəngən na, Yawe, Maŋgəlva net afiŋgiɗit arbanək zən azoko, Maŋgəlva na Abraham, Maŋgəlva na Isak, Maŋgəlva na Yakob.»

Isaya 19:1

Əpel aka Eziptə. Daya yaŋka tay əzzan a Eziptə, də kakara aka slaybuwna. Meŋgilveɗ na Eziptə tahəŋ əzbəraŋ səbani. Mekret ɗiy na Eziptə aɓohko.

Isaya 7:9

Vi ki Efrayim na Samari yi, ki Samari na wətən Remalya yi; an ətaf nokum tay ɓəlɓəl ɓa na kəziweŋ na ɓa.

Əŋɗa 12:5

Yawe prik dəddəv dədəka na slaybuna, ndən ziw a metive na gizlirke nalma də Maŋgəlva; aye may Aron dət Miryam, ndəɗaŋ sulegit pak viteŋgi.

Matiye 17:5

Aka adawpele, slaybuwən məzuwiɗ adeke, asirite, ɓaɓəlma adek səddəv slaybuwən naka, amna: Aŋki wətu an nəŋgələ, in tat ənneken zu dəndən sawɓa. Məprəm mani.

Markus 9:7

Slaybuwən adeke asəritike, aprəmənək wəla əpel sit səddəv slaybuwən naka, amna: Aŋki wətu an nəŋgələ. Məprəm mani.

Luka 10:16

Yaŋ anah sit na: Ɗəf dəprəm mokum maw aprəmə, məs dəzgokum, anaw azgə, məs dəzgaw tamə, ana ɗəf məs dəslənu azgə.

Əmsak aka Mahenziŋ 4:10

Gala pay kəziw aba Yawe Maŋgəlva nok a Horeb, gala Yawe adawnah su na: «Akkelet su ɗiy aŋka, nəprəman sitgən əpel nawa, dəyaganəngən əgeslne' su pay nanziya net aka dələv pakə, gəm dəyagan sitingin kirtiti.»

Əmsak aka Mahenziŋ 4:36

Sə disiŋgi aprəman suk wəlani vi kawyogoko; arban sukuk offo nan metiŋgin aka dəlvafuŋ, səddəv offo kəprəm əpel nani.

Hənhən 1:7

Awla tay əzan aka slaybuwna, ɗiy pak wawlanəni, gəm ɗiy məs dəmpanən zlaŋ wawlanəni. Ɗiy naka dəlvafuŋ pak waskaŋ morkoyo aka wən nani. Vaski wagəɗ vaska.