Əgilye 19:6 - Bible en Guidar

⁶ Wakəssoŋ suwən ka məlĩ net məsdəlveŋge, Kirtindələv en salala. Aski əpel an kədawnah sit mə Israyelɗe.»

Əgilye 19:6 ပူးပေါင်းရင်းမြစ်များ

1Milyeŋge 3:8

Gawla nok tay aweleŋgit ɗiy nok məs kəweli, ɗiy nok diyɗaŋ, kawɓapi əŋɗet ɓa, vi əday neti.

1Milyeŋge 8:53

Vi istə kəwel səret ɗiy nammba dələv pak ka dəssoŋgən ɗiy noko. Va kənah də ma balam nok Moyis, pay kəgilgit efiŋgiɗim sə Eziptə, aw! Yawe Maŋgəlva.»

1Alabaraɗe Də Mabərkiziti 17:22

Kəkkpaŋgetik ɗiy na Israyel ka ɗiy nok hã faɗə, Yawe istə Maŋgəlva neti.

Gəlyaɗe 114:2

Yuda kpaŋ təki nassa nan salala, Israyel dəkkpaŋ ka nani.

Əgilye 15:26

Amna: «An kəprəmək ma Yawe, Maŋgəlva nok moggoni, an kaɗɗa zəga təstəs ama harani, an is tat əpak sləmok ammba əpel na ənziya, an is tat ərma wən an aynə pakə, gbəgba nəki aket mə Eziptiɗiŋ ade na akok ɓa, vi intə Yawe nawmbəlguko.»

Əgilye 28:36

Kəvotgən miypa'a na meleŋge saksakə, kətiɗipgən azan va adawɗiyaŋ tampoŋ: «Məpsən Yawe»,

Isaya 43:4

Adan ɗəf na sləma kənan a maharawa, məɗi kiyuk kənani naw nəŋglukuko, ndəni nədawfaɗ də ɗəf titir a guloko, gəm dit ɗiy naket dəlveŋge aguloko.

Isaya 61:6

Kawyukumi na məsdəlveŋge na Yawe, Kawɗikumi məɗɗaŋ wəza na Maŋgəlva namə; wakəzəmən arya net ɗiy-ɗarə, wakəkaɓaŋ də gagdak neti.

Isaya 62:12

Kawyeti na: «Ɗiy salala», «Məbitit na Yawe»; nok kawyuki na: «Məŋgluni», «Walaŋgəla-metiŋ məs məzgani ɓa».

Isaya 66:21

Wanəgəm ɗiy sə weleŋgit ka məsdəlveŋge gəm ka mə leviɗe Yawe anahə.

Yeremiya 13:11

Va ɗəf adaynan helege na gize a gizeni, vaski niynet ɗiy na Israyel gəm ɗiy na Yuda pak Yawe anahə, dəkkpaŋgaŋ suwənəngən ɗiyi, ka sləmawa, ka zəga nawɗi kiywa gəm zəga na gawla nawa, ya dəprəmaŋ ɓa.

Yeremiya 2:3

Israyel məwele na Yawe yi va zəga na mabardaw nan dəsəɓ maddaabəŋgi. Ɗəf an dəzəm pak tay də wən akani; tatwãh warəha, Yawe aɗiymani.

Yeremiya 7:23

An nəpel sit dərəŋ na, dəprəməngən mawa, asna wanəsaw Maŋgəlva nokum ya wakəssoŋ ɗiy nawa. Nəɗi sukumuk wən nan kəzbanəngən tive nawa, ka zazay dəsan sukumgəni.

Məsdəlveŋge 19:2

Apelsən sap net mə Israyelɗe; anah sit na: Məssoŋ salala, vi in Yawe Maŋgəlva nokum salala nani.

Məsdəlveŋge 20:24

Nənah sukumək na: Dələv net ambra vokumiyi, Intə nədapsukum ka nokum, Dələv məs moŋvo də amama asan addəvən diyɗa! Intə Yawe Maŋgəlva nokum, məs duwelkum səret ɗiyi.

Məsdəlveŋge 20:26

Məssoŋ su məza heslepe ɓa vi məza heslepe ɓa nanə, in Yawe nəwelkum səweleŋgit ɗiy vi kəssoŋgən ka nawa.

Məsdəlveŋge 21:23

Ya kan na adadder hã gap aza məzlzlara ɓa, awaniɓa aza təki nawzaɓ-Maŋgəlva ɓa, vi tay dəmbər azani, vi adawraygən gəla naw də zəga naddəvən ɓa, vi intə Yawe məzəkkpeŋget salala.»

Amos 3:2

«Anokum kaka' nəsən səddəv məlma nammba dələv pakə; vini nədawtaw wən akokum aka mbərayən nokum baymani.»

Haggay 2:5

Va niynan a makraw nawgəɗ sukum gala əgilye nokum səka dələv na Eziptə, adan əmpəs naw tay a walaŋkum kədawgeslne'eŋ ɓa!

Əŋɗa 16:3

Akkalaŋgək aket may Moyis gəm Aron, aɓsitin na: «Mək vas də mənokum! Ɗiy naddəv əsap beymet salalaŋgə, Yawe tay aweleŋti; də tive awani kədawɗinən zukum day ki əkkal na Yawe di?»

Roma 12:1

In tat əɓɓəlokum kana milmiŋgiɗwa, də ulasahã na Maŋgəlva kərahaŋgəŋ na, məpsən zukum ka əzaɓ-Maŋgəlva madarani, salala, məs dəslə sən Maŋgəlva. Aski əpəl nokum dəslə na əpalən.

1Korintus 3:17

An ɗəf araygənək gəla na Maŋgəlva, Maŋgəlva waraygəni, vi gəla na Maŋgəlva salala yi. Munokumtə gəla vani.

Əmsak aka Mahenziŋ 14:21

Kədawzəmaŋ zəga mamayãn məmtən ɓa: kəpsənəngən molhõyõ naka dələv nokum dəzəmgəni; awaniɓa kəvəlgən sən malaka. Vi nokum ɗiy məwele kana Yawe Maŋgəlva nokum kənanəni. Kədawdaŋ wət hãw də moŋvo na man ɓa.

Əmsak aka Mahenziŋ 26:19

wakkpaŋgok daykiyit ɗiy pak də gagdaka, sləmok wagili gəm wawiɗguk daykiyit ɗiy azəməɗ pakə, wakəssoŋ ka ɗiy salala na Yawe Maŋgəlva nok va anah suko.

Əmsak aka Mahenziŋ 28:9

Yawe waɗiyuk ka ɗiy salala nawray vani, va asway suko, adan kərme wəsəɓɗe na Yawe Maŋgəlva noko, kəzbet tiveɗ nani.

Əmsak aka Mahenziŋ 7:6

Vi ɗiy salala na va Yawe Maŋgəlva nokum kənanaŋgə; istə Yawe Maŋgəlva nok awel kəsokgən kanan sə weleŋgit ɗiy nammba dəlvafuŋ pakə.

1Tesaloniki 5:27

In tat əkkamokum də iya na Daya, məŋɗan letərəŋ a walaŋgit milmiŋgiɗəm baymeti.

1Piyer 2:5

Nokum van kpakə, va gərmeŋge medereti, məssoŋ mərkukum ka gəla nassa na Zeŋgile Salala, ka əsap net məsdəlveŋge salala napsən əzaɓ-Maŋgəlva na əmpəs sən Maŋgəlva məs adawtaf də Yesu Kristu.

1Piyer 2:9

Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.

Hənhən 1:6

Akkpaŋgamək ka ɗiy naka dələv na məlĩ nani, ka məsdəlveŋge na Maŋgəlva Afəni, gagdaka gəm əɓap nani hã faɗə. Amin.

Hənhən 20:6

Əzaɓi gəm zazayi azet ɗiy məs dədawsilyoŋ səka əmta an daabəŋ. Əmta masula'ən tay də gagdak aket ɓa, wassoŋ məsdəlveŋge na Maŋgəlva gəm na Kristu, wazəmaŋ məlĩ də Kristu wəzva gabalə.

Hənhən 5:10

Yaŋ kəɗɗe dəssoŋgən məlyeŋge gəm məsdəlveŋge na Maŋgəlva, wazəmaŋ məlĩ aka dəlvafuŋgu.