Əgilye 18:11 - Bible en Guidar

¹¹ Nəsənək kakaŋ na, Yawe adayək kiyit meŋgilveɗi, arbanək aka mə Eziptiɗ asilyoŋ aket mə Israyelɗe.»

Əgilye 18:11 ပူးပေါင်းရင်းမြစ်များ

1Milyeŋge 17:24

Guluk nak təɓsən Eliya na: «Ha'aw, kakaŋ nəsənək na, ɗəf na Maŋgəlva kənani, wəpel na Yawe yi amok gesiŋ gesiŋgi.»

2Milyeŋge 5:15

Ndən buryok aza ɗəf na Maŋgəlva nak dit ɗiy nan pakə. Ndən toŋ ziw abani, amna: «Kakaŋ nəsənək na, dələv gboŋ maŋgəlva tay abbər ki a Israyel ɓa. Ya kamə ataf əvəl na gawla nok yaŋka.»

1Alabaraɗe Də Mabərkiziti 16:25

Vi Yawe metiŋgi, nawgagdakani diyɗa. Adahək nawgeslne' səni, adayək kiyit meŋgilveɗ pakə:

2Alabaraɗe Də Mabərkiziti 2:5

Ya naway nawwɓap ərkəsən gəla di? Vi disiŋ də disiŋ an balsən disiŋ pak atafən na ɓa. Naw nawa nan nərkəsəngən gəla an nawzlə sən tursan abani ɓa di?

Nehemi 9:10

Kəgəɗək zəga narba gəm sekeneɗ aka Farawən may aket gewleɗ nan beymeti gəm aket ɗiy naka dələv nan baymeti. Vi kəsənək na tahəŋ əɗɗa daraw aketi. Kəɗiyək ki iya nok va asan pay dəpaŋkəŋka.

Nehemi 9:16

Ya ndəɗaŋ dit efiŋgiɗim pak aɓoŋgoŋko, aɓɓəlanənək kiyti, dəzbanən mahenziŋ nok ɓa.

Nehemi 9:29

Kəsəɓ sitike, vi dəmulyoŋgən aka mahenziŋ noko, yaŋ net adaɗɗaŋ zəga nawkaɓa, dəɓe'eŋ sitin mahenziŋɗe nok ɓa, may dəzbetin tiveɗnanziya nok məs ɗəf adazba ka dəsangən madaran viyit ɓa. Aɓəlanənək kiyti, aktuhunək gəɓeti, dəprəmaŋ ɓa.

Gəlyaɗe 119:21

Kəhẽyẽtik məzukaɓaŋ məreygit məzuzaŋ faraɗa səzet wəsəɓɗe noko.

Gəlyaɗe 135:5

Vi naw nəsənək na: Yawe metiŋgini yi; Daya nam adayək kiyit meŋgilveɗ pakə.

Gəlyaɗe 31:23

Yaŋ naw nənah addəv əttap naw na: «Məzawi səma horoko.» Mbara na kəprəmək əkkam naw gala nəhəm suk nabbah suwa.

Gəlyaɗe 95:3

Vi Yawe Maŋgəlva metiŋgini, məlĩ metiŋgin aket meŋgilveɗ pakə.

Gəlyaɗe 97:9

Vi istə Yawe, Məsəɗəɗə naka dəlvafuŋ pakə, məzəm məlĩ hã sə disiŋ aket meŋgilveɗ pakə.

Əgilye 1:10

Mərah səm keket moggon aketi, adawwanən kiyit ɓa. An əgay agəɗəka, wasapaŋ dit məzuzelɗe namə, wagayaŋ də mənamə, wagilyoŋ səka dələv aŋka.»

Əgilye 1:16

«An munokum tat uwenin gil net mə Ibriɗeŋ na, mula ba muzliya vani, An wiyni, məbaya. An waŋtə na, məppata.»

Əgilye 1:22

Farawən aɗi wən nan sit ɗiy pak də wənah na: «Wiyin muwan pak məzgan a Nil, waŋ pak na, məppat madarata!»

Əgilye 10:3

May Moyis də Aron, atoŋgoŋgək aza Farawən, anahaŋ sənən na: «An Yawe, Maŋgəlva net mə Ibriɗe anah yaŋka: Gap pay gbəŋgbar kədawɓoŋ dawɓegən kiyuk abaw di? Appet ɗiy naw dəmbataŋ əgəɗ su wəza.

Əgilye 12:12

Dəfəɗ nan na wanətoŋ dəka dələv na Eziptə. Wanəbay uwa maddaabəŋ na ɗəf titir də an na zəga mamayã naka dələv na Eziptə pakə. Ya in Yawe wanətaw wən aket meŋgilveɗ na Eziptə.

Əgilye 14:18

Vasna mə Eziptiɗ wasənnən na, intə Yawe, an nəgagdakanək kizu aka Farawən, aket mawteɗ nan dit dulaɗe nalpa nani.»

Əgilye 14:8

Yawe aɓɓəlanək makra Farawən, məlĩ na Eziptə, yas azbet mə Israyelɗe dəgilyoŋ kivet ɗohɗoh naka.

Əgilye 15:11

Yawe sə weleŋgit meŋgilveɗ na naway va is di? Naway məs gagdak na salala nan va is Nawgeslne' sən də wəgagdakani di? Məgəɗ zəga naggət akan di?

Əgilye 5:2

Farawən amna: «Naway Yawe hara nəprəmgən man kappet mə Israyelɗe dəmbataŋgən di? Nəsən Yawe ɓa, ya lah na, nəppet na mə Israyelɗe dəmbataŋgən ɓa.»

Əgilye 5:7

«Kədapsitin mə Israyelɗe tərɗa nawbay menekeɗe va nafɗaŋga, nabes nafɗaŋga əmpa ɓa. Ndəɗaŋ zək net dədaddoŋ əksoməni.

Əŋɗa 33:4

aka mə Eziptiɗ vet tahəŋ ədawndikinin magaziɗe net məs Yawe abay vi kawtaw wən aket meŋgilveɗ neti.

Luka 1:51

Apparək gbogboŋ na vani, andolik məs əɗɗum nawkaɓ aketi.

Yakob 4:6

Ya gbogboŋ məs Maŋgəlva apsukuməŋka ndən dayki zəga pak də metiŋgini. Vi ɗerewel na Maŋgəlva anahək na: Maŋgəlva atokuk ki haran sit ɗiy məzəgakdakanən ziti, ya tay əpsit gagdak sit ɗiy məzuɓe'gənən ziti.

1Piyer 5:5

Gewleɗi, nokum pak məprəm met ɗiy məsɓeti. Məɓe' sən zukum addəv ənziya a walaŋ zukum pakə. Va Əver anahə: Maŋgəlva tay əbay gagay sit məgagdakanən ki ziti, ya wapsit mbəlembəle sit ɗiy məɓe'gənən ki ziti.

1Samiyel 2:3

Kədanzlərgənən əpel nawkaɓ sə mokum ɓa, vi Maŋgəlva məsən zəga ndəni Yawe, ndən məzusla zəga naɗɗa net ɗiy pakə.