Əgilye 17:7 - Bible en Guidar

⁷ Yas alvan təki van na Masa gəm Meriba va wənəh na Wəsla gəm ərma mama vi ərma mama net mə Israyelɗe gəm vi aslanən naza Yawe dawnəh na: «Yawe tay a walaŋgəm sa, tay ɓa?»

Əgilye 17:7 ပူးပေါင်းရင်းမြစ်များ

Gəlyaɗe 106:32

Adan sənənək gədəv Maŋgəlva a met iŋkile na Meriba, ndəni dəkkpaŋ əray aza Moyis aka wən neti,

Gəlyaɗe 78:18

Aslanən Maŋgəlva wawa'ə, də əssõh əzəm va mawəlet aŋgələ.

Gəlyaɗe 81:7

niprikgənək zəga nawsla səkki vani, van atehgənək kekele.

Gəlyaɗe 81:8

Kəŋgəzlək vaŋvəl pay nawzəm sahã, nəbitkuko, nəzlan sukuk də mahaɗamma na əhãy na buna; nəslukuk a met iŋkile na Meriba. Əziwe

Gəlyaɗe 95:8

Kədaɓɓəlanən mokrokum va a Meriba, va pay na Masa a kapta-muyã ɓa,

Əgilye 17:2

Ɗiy armaŋgək mama aza Moyis: «Aɓɗaŋ na apsəm iŋkile nawsa». Moyis aɓsit na: «Vimi kədarmaŋ mama azaw di? Vimi kədawslanən Yawe di?»

Əgilye 34:9

Amna: «An kəɗɗak moggon nok viyu na Yawe, kəta dok a walaŋmə kamə, vi ɗiyiŋ kiyit ɓəli yi, wakəvvuyon səm heslepe nam də mambray namə, kəɗiyəmgən ka ɗiy nawray noko.»

Isaya 12:6

Ɗiy na Siyon, mərban ənnek nokum, məŋgəsl vaŋvəl sən ənneke, vi Salala na Israyel metiŋgini yi, awalaŋkum.

Mika 3:11

Ɗiy gugriɗ tay ətawənwən ammba əraha; məsdəlveŋge tahəŋ ərbanən wən ammba ərəha məskəleŋɗe tahəŋ əskaŋ helig vi kawrah koɓeɗi. Də as pak tahəŋ əziw aka Yawe də ənah na: Yawe tay a walaŋgəm ɓa sa? Tatwãh ade na akam ɓa!

Əŋɗa 14:22

taka tay səmmbet ɗiyiŋ dulanən gagdak naw may sekeneɗ naw məs nəgəɗ a Eziptə gəm a kapta-muyã, məs dulanən nazaw təl kəlaw məza əprəm maw ɓaŋka,

Əŋɗa 20:13

Eskiŋgə iŋkile na Meriba va ənəh na əklopo. Adaki mə Israyelɗe akayaŋ əklop də Yawe, arban təstəs nan adaka.

Əŋɗa 20:24

«Abe aŋ na, Aron wamtə kazbet migilni, vi adawtoŋ aka dələv məs nədapsit mə Israyelɗe ɓa, adan kəɓoŋgoŋ dazban əpel naw a met iŋkile na Meriba.

Əŋɗa 27:14

Asan vasna, vi a kapta-muyã na Sin, gala əsap net ɗiy akayanən mawã, kəprəmənən maw aka nədawnah sukum kərbanəngən gagdak naw dawɓih iŋkile a maheret ɓa.» As aka wən net iŋkile na Meriba na Kedes a kapta-muyã na Sin adawpele.

Yohanna 1:14

Əpel nak akkpaŋgək ɗəf də gəɓa zəni, asanək də gəla a walaŋgəmə. Mulak gagdak nani, gagdak va na Karmalay dəknah də mbəlembəle gəm də gegesiŋ arah səza Afəni.

Əmsak aka Mahenziŋ 31:17

Makraw wassaw aket pay nani. Wanəppeti, wanəktuh dəɓaw səzeti. Kawzeti; wəray də wəzəmsahã diyɗa warəhe. Wanahaŋ pay nan na: “Vi Maŋgəlva nam tay də mənam ɓaŋki əray ade akaməŋka.”

Əmsak aka Mahenziŋ 33:8

Anah aka Levi na: Tummim də Urim nok sit ɗiy dədaprəmən mokəŋ, məs kula nazan a Masa, məs kətawən wən aket a met iŋkile na Meriba,

Əmsak aka Mahenziŋ 6:16

Kədawslanən naza Yawe Maŋgəlva nokum va kəslanən a Masa ɓa.

Əmsak aka Mahenziŋ 9:22

Kədan sənənək gədəv Daya a Tabera, a Masa, a Kibrot-Ta'awa.

Yosuwa 22:31

Pinhas wətən məsdələv Ele'azar aɓsit kirtin Ruben dit kirtin Gad gəm kirtin Manase na: «Məsənək pay dəpaŋ na, Yawe tay a walaŋmə adan kəraygənən matuya na Yawe ɓaŋka. Mbaraka, kəɗɗaŋ zəga nawki ədagədəv na Yawe aket mə Israyelɗe ɓa.»