Əgilye 15:26 - Bible en Guidar

²⁶ Amna: «An kəprəmək ma Yawe, Maŋgəlva nok moggoni, an kaɗɗa zəga təstəs ama harani, an is tat əpak sləmok ammba əpel na ənziya, an is tat ərma wən an aynə pakə, gbəgba nəki aket mə Eziptiɗiŋ ade na akok ɓa, vi intə Yawe nawmbəlguko.»

Əgilye 15:26 ပူးပေါင်းရင်းမြစ်များ

1Milyeŋge 11:33

Adan appawən appu'oŋ abat Astera, maŋgəlvak net mə Sidonɗe, aba Kemos, maŋgəlva na Mo'ab gəm aba Milkom, maŋgəlva net mə Ammonɗe, dədawaŋ aka tive naw ɓa, dəɗɗaŋ zəga təstəs ama haraw va mahenziŋ naw dit wəssərəkɗe naw va na Davit afən Salomoŋ ɓa.

1Milyeŋge 11:38

An kəprəmək məs nədawɗi suk wən nani, an kədawək aka tive nawa, an is tat əɗɗa zəga də tiven ama harawa, kərmek mahenziŋɗe naw gəm wəsəɓɗe naw va gawla naw Davit, asna wanəsaw də isi, wanəɗɗa zevuk dəsangən aka məlĩ va nəziwgən na Daviti; wanepsuk Israyel.

2Milyeŋge 2:21

Ndən vit mbat dəka heret iŋkile neki, andol bətu dawnəh na: «Vaŋ Yawe anahə: Nubburik iŋkile veti; akiyaŋ na əmta ɓa, dəlvafuŋ asan na məmtən əmpa ɓa.»

2Milyeŋge 20:5

«Amndok anah sən Hizkiya, məlĩ net ɗiy naw na: “Aŋki an Yawe Maŋgəlva na afuk Davit anahə: Nəprəmək əkkam noko, nulek sin noko. Wanənzaɗko; addəv əvoŋ hoku, wakəl addəv Gəla na Yawe.

2Milyeŋge 22:2

Agəɗək an dəslə a mahara Yawe, adawək aka təl Davit afəni, dəslokor dəka dəzəŋ may dəka zlaɓay ɓa.

Ɗerewel na Yob 5:18

Vi waɗi vaŋviya, waynani, waŋzlani, van dədanzaɗən.

Gəlyaɗe 103:3

Ndəni məzəvvuyon heslepe nok pakə, ndəni məzənzeɗ gbəgbaɗe nok pakə.

Gəlyaɗe 147:3

Ndəni məzənzeɗ məs mekret dəɓohu gəm məzugip huweɗ neti.

Gəlyaɗe 81:9

Ɗiy nawa məprəma, wanəssak suko! Israyel, va is tat əprəmu na,

Əgilye 12:29

Aka teteŋgit sin na, Yawe abeyik uwa maddaabəŋ naka dələv na Eziptə pakə, təŋ səka Tiz na Farawən məs nawsan aka mazaŋga na məlĩ nani hã gap aka Tiz na mə fərsəna a fərsəna, də an net zəgeɗ memeyẽɗi.

Əgilye 19:5

Ya kakaŋ na, an mənokum tat əprəm maw gəm ərma wənmiyna nawa, asna wakəssoŋ ka naw sə weleŋgit ɗiy pakə adan dələv pak nawi yi.

Əgilye 19:6

Wakəssoŋ suwən ka məlĩ net məsdəlveŋge, Kirtindələv en salala. Aski əpel an kədawnah sit mə Israyelɗe.»

Əgilye 20:2

Intə Yawe, Maŋgəlva noko, məs dəgilguk səka dələv na Eziptə, səka balam.

Əgilye 23:25

Kəɗaŋgən wəza sən Yawe Maŋgəlva nokum, vasna waɗɗa wəzaɓ nan aka peŋ nokum gəm aket iŋkile nokum, wanəzargən gbəgba' suwalaŋkum;

Isaya 55:3

Məpak sləmokum, mide azawa. Məprəma, wakəssoŋ madorokum. Waninə wənmiyna an faɗ vikum, sesel wanəziw aka moggon na Davit.

Isaya 57:18

Nəsənək wəza nani. Ya wanənzaɗa wanərban sən tive, wanəsokon makran ndəni gəm məzuhəmaŋ sap dəndəni.

Yeremiya 11:7

Vi nəsəɓsitik efiŋgiɗukum gala nəgilgit səka dələv na Eziptə, hã gap dəpaŋka, nəppan gabba əsəɓ sit dawnəh na: məprəm əpel nawa ɓa.

Yeremiya 17:24

Yawe aɗiyman na: An kəprəmwənka, Kətoŋgənən zəga nawsla pay naffet kəla maddambeɗe na walaŋgəla-metiŋginiŋ ɓa, gəm kawgagdakan pay naffete məza əɗɗaŋ wəza zəv awandi pak dəpas ɓa na,

Yeremiya 30:17

Də adanzlaŋ vaŋvəl na: Siyon məzgani yi ɗəf tay məzukayan ɓa zlaŋ na, wanəɗɗa huweɗ nok dərmanəngən hereti, wanənzeɗ huweɗ noko Yawe aɗiymani.

Yeremiya 33:6

Wanənzaɗa, əmbilgit nədawmbəlgiti, wanəkolsit tive na zəzay metiŋgin nassa fedeŋgi.

Yeremiya 7:23

An nəpel sit dərəŋ na, dəprəməngən mawa, asna wanəsaw Maŋgəlva nokum ya wakəssoŋ ɗiy nawa. Nəɗi sukumuk wən nan kəzbanəngən tive nawa, ka zazay dəsan sukumgəni.

Yeremiya 8:22

Miha' nawɗan gəla əssa tay a Galad ɓa sa? Awaniɓa zloktor tay adak ɓa sa? Vimi huwwa net ɗiy naw anzaɗ ŋgbəlay ɓa di?

Ezekiyel 18:5

Ɗəf an təstəsə, məgəɗ zəga aka tiveni gəm təstəsə;

Hose'a 11:3

Intə niyagan sən ədaw sən Efrayim, nərma veti. Ya dəsənən na nəzəgək sləma aketi ɓa.

Hose'a 6:1

«Mide, məmndamsəm aza Yawe, vi ndəni dəbakamə, ya wanzaɗmə, argəməka ya waynan səm huwweɗ namə.

Məsdəlveŋge 26:13

In Yawe Maŋgəlva nokumtə, məs dəgilgukum səka dələv na Eziptə, vi kədassoŋ belemɗe net əmpa ɓa; intə nəŋzliw wəleŋɗe na zuk nokum, nədawgukum wəlokum ɗiliwwe.

Məsdəlveŋge 26:3

An mənokum tat ədaw aket mahenziŋɗe nawa, an kərmanənək əpel na ənziya, kəɗɗaŋgək wəza dənɗaŋ,

Əŋɗa 12:13

Yas Moyis ahəm sən Yawe də ənah na: «Kamə Maŋgəlva, ambəlgəta!»

Əmsak aka Mahenziŋ 12:25

Kədawzimit ɓa, vi dəsansukgən moggoni, gəm sit kirtuk dərɓogoko, vi kəgəɗək zəga təstəs a mahara Yawe.

Əmsak aka Mahenziŋ 12:28

Arma, kəgəɗgən wəza də əpel na ənziya nədawɗi suko; vi dəsansukgən moggoni, gəm sit kirtuk dərɓogok hã faɗə, vi kəgəɗək zəga təstəs a mahara Yawe Maŋgəlva noko.

Əmsak aka Mahenziŋ 13:18

Kədawgəm zəga məs wəray akanəŋ kpak ɓa. Vasna, makra Yawe waffeti. Warban gəm wawla sasãhko, wanzlərguk diyɗa va aynan man dit efiŋgiɗkum,

Əmsak aka Mahenziŋ 28:27

Yawe waggbo' məskaɗe na Eziptə, wənslaɗe, kurtiya gəm sel-buwən akoko, anzaɗaŋ na kpak ɓa.

Əmsak aka Mahenziŋ 28:58

Arma əpel na mahenziŋgiŋ pakə, məs məverin addəv ɗereweləŋka, ndəni nawgeslne səni, ndəni Yawe Maŋgəlva nok məs iya nan də gagdaka gəm nakker səni.

Əmsak aka Mahenziŋ 28:60

Wamndeget gəbayɗe mərmaɗe na Eziptə məs kəkkot abet sən geslne, watipeŋ azoko.

Əmsak aka Mahenziŋ 32:39

Mula kakaŋka: intə, abbəru tay ɓa, maŋgəlva maɓɓan tay azaw ɓa, intə nawbay ɗəfa, intə nappan madarani, pay nəŋzluwa, intə nanzaɗni, Ɗəf tay nawmõhən səvaw ɓa.

Əmsak aka Mahenziŋ 5:1

Moyis ayek mə Israyelɗe dəwən neti, aɓsit na: Mə Israyelɗe, məprəm mahenziŋɗe dit tiveɗnanziya, nədaprəman sukum a sləmokum dəpaŋka; miyegeti, mərme məgəɗ wəza dənɗaŋgə.

Əmsak aka Mahenziŋ 7:15

Yawe watek gbəgbaɗe dit gəbeyɗe mərma na Eziptə daryawɗe səzok məs kəsənə; aki na akok ɓa, waggbo' aket məzuzelkuni.