Əgilye 15:16 - Bible en Guidar

¹⁶ Geslne metiŋgin də ezlezle adek aketi. Vi gagdak na vokiy assoŋ sləɓək va gərmeŋge, hã gap ɗiy nok mbataŋgə Yawe, gap ɗiy nammbok mbataŋgə.

Əgilye 15:16 ပူးပေါင်းရင်းမြစ်များ

Va'Atəŋ 35:5

Azaraŋgək sədaka, Maŋgəlva agbo'uk geslne aket walaŋgəleɗe dəsuləkini: ɗəf tay dəzbet kirtin Yakob ɓa.

2Samiyel 7:23

May nawaŋ va mə Israyelɗe ɗiy nok di? Ɗiy meɓɓet tahəŋ aka dələv va ɗiy məs kəbit səvet mə Eziptiɗe də səvet meŋgilveɗ net ka ɗiy nok də əgagdakan iya neti gəm də əɗɗe zəgeɗ gugriɗ viti may zəgeɗ naggət aket vi dələv nokəŋ sa?

Gəlyaɗe 105:38

Zə Eziptə annekik dawgilya neti, vi geslne net armaka.

Gəlyaɗe 74:2

Aɗɗum aket ɗiy nok məs kəlbah lahəŋka, mazlalwã an kəbit nawzəmgəla noko, gəm aka mossorgo metiŋ na Siyon məs kəsok də gəla akani.

Gəlyaɗe 89:14

Vok gboŋgboŋgi, vok ɓəli yi, dəzəŋ nok tay təlla!

Əgilye 11:7

Ya anet mə Israyelɗe da na, kəra aharan na ɗəfa may zəga mamayã ɓa, vi kəsənnəngən na, Yawe wagəɗ uɗak aweleŋgit mə Eziptiɗ dit mə Israyelɗe.

Əgilye 15:13

Də moggon noko, Kədawgitik ɗiy məs kəmeti! Də gbogboŋ noko, kəkek addəv salala noko.

Əgilye 15:5

Məhere atəpgitke, asəreheŋgik ammbet va gərma.

Əgilye 15:6

Yawe, va dəzəŋ nok, gbogboŋgi yi, Yawe, va dəzəŋ nok, tay əŋzlan məzuzele.

Əgilye 18:8

Moyis abotonək zəga an Yawe agəɗ sən Farawən gəm sən Eziptə aka batam Israyel sən dəhni, tatwãhɗe an arahaŋ aka tive, Yawe akõhgiti.

Əgilye 20:2

Intə Yawe, Maŋgəlva noko, məs dəgilguk səka dələv na Eziptə, səka balam.

Əgilye 23:20

«Wanəslən maslay naw aboko, vi dəgukgən aka tive, vi dəgapgukgən a təki nəzaɓ suko.

Əgilye 23:22

An is tat əprəm mani, is tat əɗɗa an nənah pakə, asna wanəzel məzuzelkuni, wanəsaw məzuseɓ net mərmaŋ mama azoko.

Əgilye 23:27

Wanəslən ezlezle naw əmbat aboko, wanəki wəzlzlaɓ aweleŋgit ɗiy məs kədawtoŋ anet da pakə, wanəɗɗa ka məzuzelɗe dəktuhnəngən dəɓet əŋzoŋ suko.

Əgilye 6:7

wanəndəkum kanawa, ka ɗiy nawa ya wanəsaw ka Maŋgəlva nokum. Wakəsənən na, in Yawe, Maŋgəlva nokum tə: məzugilgukum səka wəza na balam sə Eziptə.

Isaya 51:10

Istə kəkkpe' iŋkile sə pehe gəm iŋkile kpukpumɗe məsuzliyə, dəkkpaŋgan gədəv pehe ka tive, vi ɗiy en məpilit dəkaɗaŋgən ɓa sa?

Isaya 63:12

Ngay məs gagdak nan metiŋgin dəsan aka va dəzəŋ na Moyis nak di? Ngay məs dənter iŋkile səbet ɗiy nani, dəgəɗ iya an faɗ sən ki zən nak di?

Yeremiya 31:11

Vi Yawe akõhgənək Yakob, abitik səva gurom məday kiyən.

Ezekiyel 16:8

Nətoŋguk go'o dəzoko, yaŋ nuluko; mbara kəgapək naŋgla ɗəfa. In lukut naw zlazlar akok haɗamgən zuk sirndiwweŋka; nəsway suko, nəziwgin wənmiyna də isi. Daya Yawe aɗiymani, naw kənani.

Wəza net Masləŋɗe 20:28

Məga zukum mənokum sən kiykum, gəm ngaɓa məs Zeŋgile Salala aɗikum akan ka məgaɗe. Məssoŋ məzuteɗeŋge na əsap net məkristuɗe na Maŋgəlva, məs arah də əmta na Wətəni.

Əmsak aka Mahenziŋ 11:25

Ɗəf tay nawziw abokum ɓa, Yawe Maŋgəlva nokum sən kiyin waggbo' wəkker də geslne nokum aka dələv məs təlkum andap adak pak va aynan sukum wən nani.

Əmsak aka Mahenziŋ 2:25

Pay nan dəpaska, wanəggbo' ezlezle gəm geslne nok aket ɗiy nammba dələv pakə; an aprəmənək wən noko, wakkereŋgi, waɗɗaŋ kotkot aboko.»

Əmsak aka Mahenziŋ 2:4

Aɗi wən nan sit ɗiy, is na: «Dəka va net milmiŋgiɗkum kirtin Esaw, dəssoŋ a Se'ir, kədaggaraŋgə. Wageslne'eŋ sukuməni, ya kəslanəngən zukum diyɗa hara:

Əmsak aka Mahenziŋ 32:6

Sən Yawe kədaɗɗaŋ vas sa, ɗiy mətemit məza maɗɗulet ɓa? Ndəni afukum məs dəzəməɗkum ɓa sa? Ndəni dəɗikum ka ɗiy nan ɓa sa?

Əmsak aka Mahenziŋ 32:9

Vi Yawe awelike, ɗiy nanəŋgə, Yakob aɗi ka nawray vani.

Titus 2:14

məs dəppan kiyən viyəm vi kamam səka mambray pakə, abbur ɗiy kanan dəssoŋgən məs kotorokɗe naɗɗa wəza moggoni.

Yosuwa 2:9

Təɓsit na: «Nəsənək na, Yawe apsukumək dəlvəŋka, geslne nokum arməmək sawɓa, ɗiy naka dəlvəŋ pak tahəŋ əkker abokum.

Yosuwa 4:24

vi ɗiy nammba dələv pak dəsənnəngən gbogboŋ na Yawe, vi kəgeslne'eŋ sənəngən Yawe Maŋgəlva nokum pay pakə.»

1Piyer 2:9

Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.

2Piyer 2:1

Va məskəleŋɗe məwaŋ tepelke azzoŋ aweleŋgit ɗiy lahəŋka, vaski yi'e mərbaŋ wən na tepelke adazzoŋ a waloŋkum. Wakiyaŋ zəga narba na tepelke məs nawkan a təki nawza, wazelenən Daya məs dəkõhgiti, vi vaski əza warihe.

1Samiyel 2:9

Tay əga tilit ɗiy məzəprəmən mani, məɓoŋgit akan hara na, wazaŋ ara guzliyo. Vi də gbogboŋgi ɗəf adaska wəla ɓa.

1Samiyel 25:37

Də pummo mbazla agrak səka Nabal, ɗak nan təboton sən wənəska. Dadawan ɓuh səddəvni, kpaŋ va gərma.