Əgilye 14:4 - Bible en Guidar

⁴ Wanəɓɓəlan makra Farawən, dərɓeget na, wazbeti. Ya wanəgagdakan kiyu aka Farawən də gbogboŋ nan pakə, vasna mə Eziptiɗ wasənnən na, intə Yawe.» Aɗɗaŋgə vaska.

Əgilye 14:4 ပူးပေါင်းရင်းမြစ်များ

Nehemi 9:10

Kəgəɗək zəga narba gəm sekeneɗ aka Farawən may aket gewleɗ nan beymeti gəm aket ɗiy naka dələv nan baymeti. Vi kəsənək na tahəŋ əɗɗa daraw aketi. Kəɗiyək ki iya nok va asan pay dəpaŋkəŋka.

Əgilye 10:2

vi kəboton səngən wutuko, gəm sən wətən wutuk va mbar nəsmenyet mə Eziptiɗ dit sesergeɗe naw nəgəɗ aweleŋtiŋ di. Wakəsənən na, intə Yawe.»

Əgilye 10:27

Yaŋ Yawe aɓɓəlan makra Farawən, dəŋger əppet əmbat ɓa.

Əgilye 12:28

Mə Israyelɗe ambataŋka, aɗɗaŋgək va Yawe aɗiy sit may Moyis də Aron, vas aɗɗaŋgə.

Əgilye 14:23

Mə Eziptiɗ azbetinke, atoŋgoŋgək ammbeti, pilseŋge na Farawən dəwənnet pakə, mawteɗ nani dit məpeŋgeŋ pilseŋge nani, hã addak pehe.

Əgilye 14:25

Aynanək tilit mawteɗi, awɓap əŋkoroŋ ɓa. Yas Eziptə amna: «Wanənzaw səba Israyel, vi Yawe dədawgay də Eziptə ammbeti!»

Əgilye 14:3

Asna, Farawən wapel aket mə Israyelɗe: “Tahəŋ slorslor də geslne addəv dəlva! Kapta-muyã asɗikke!”

Əgilye 14:5

Mənah səni məlĩ na Eziptə na, mə Israyelɗe anzoŋko'. Farawən dit məɗɗaŋ wəza nan addəɗanənək wəɗɗum net səket ɗiyi, aɓɗaŋ na: «Miy məgəɗəŋ gala məppet mə Israyelɗe əmbat səka əgəɗ səm wəza di?»

Əgilye 14:8

Yawe aɓɓəlanək makra Farawən, məlĩ na Eziptə, yas azbet mə Israyelɗe dəgilyoŋ kivet ɗohɗoh naka.

Əgilye 18:11

Nəsənək kakaŋ na, Yawe adayək kiyit meŋgilveɗi, arbanək aka mə Eziptiɗ asilyoŋ aket mə Israyelɗe.»

Əgilye 6:7

wanəndəkum kanawa, ka ɗiy nawa ya wanəsaw ka Maŋgəlva nokum. Wakəsənən na, in Yawe, Maŋgəlva nokum tə: məzugilgukum səka wəza na balam sə Eziptə.

Əgilye 7:17

An Yawe anah yaŋka: Aza aŋki kədawsənən na, intə Yawe: Awla, wanirge iŋkile də zleŋge na vawa, iŋkile na Nil wakkpaŋgaŋ mbeli.

Əgilye 7:3

naw na, wanəɓɓəlan makra Farawən. Wanəwet sekeneɗ gəm sesergeɗe naw aka dələv na Eziptə,

Əgilye 7:5

Vasna mə Eziptiɗ wasənən na, intə Yawe, pay nədappar vaw aka Eziptə; nədawgilgit mə Israyelɗe sə weleŋti.»

Əgilye 9:16

Nəppok madorok hara na: vi karban suk gbogboŋ naw kulagəni, vi iya naw dəbbalgən aka dələv pakə.

Ezekiyel 20:9

Nəɗɗa na, vi iya naw adawray ama haret ɗiy-ɗar məs assoŋ aret ɓa yi. Nərbanək zu azet dəsənwəngən ama haret ɗiy-ɗar dawgilgit səka dələv na Eziptə.

Ezekiyel 28:22

Kənahgən na: Vaŋ Daya Yawe anahə: Sidon in yakəŋ əzzaw akoko, wanəgagdakan zu addəvko, asna kawsənni na intə Yawe pay nədawtawwən akoko; vasna wanərban salala naw addəvko.

Ezekiyel 32:15

Pay nədawraygən dələv na Eziptə va kapta-muyã, pay nərɓehet ɗiy dəknəhnən səkan də əbey ɗiy nakan pakə, wasənnən na intə Yawe.

Ezekiyel 38:16

Wakəde aket ɗiy naw mə Israyelɗe va slaybuwən kawgul dəlva, addəvit əvoŋɗe nabe adawsani. Wanəkiyuk əgul dələv nawa. Vasna ɗiy-ɗar wasənwən pay nərban salala naw azok a mahereti, Gog.

Ezekiyel 38:23

Wanərban mẽmẽtiŋ nawa, wanərban salala nawa, wanərban zu a maheret ɗiy-ɗar diyɗa, wasənnən na, intə Yawe.»

Ezekiyel 39:13

Ɗiy naka dələv pak wandiknini, zəga na sləma yi adassan azet pay nədawgagdakan zuwa. Daya Yawe aɗiymani.

Məsdəlveŋge 10:3

Moyis anah sənək Aron amna: Aŋki məs Yawe apel anah na: Salala naw warbə azet ɗiy nazawa, kawgagdakawi a maheret ɗiy pakə. Yas Aron asan ɓatə.

Roma 11:8

Va məverin na: Maŋgəlva apsitik əmpəs nawleŋge. Heret məza awəl na ɓa gəm sləmet məza aprəm na ɓa ha gap pay dəpaŋka.

Roma 9:17

Vi an Məverin tay ənah sən Farawən na: Nəɗikuk məlĩ nzeɗ vi karban əɓap naw dənduko gəm vi iya naw dəbbalgən aka dələv pakə.

Roma 9:18

Vas kan na, tay ulasahã aka ɗəf va aŋgələ, tay əɓɓəlan ki ɗəf va aŋgələ.

Yosuwa 11:20

Vasna, ɓəɓəl na mekret səza Yawe asil ka dəlmaŋgən əgay də Israyel, vi kawzet kakãhə, ulasahã adawsan aket ɓa va Yawe aɗi wən nawzet sən Moyisi.

Mətawaŋwəna 4:7

Wanəkkən Sisera, daya net məzəlpaŋ na Yabin kəlazok dit mawteŋɗe nawgay nani, də dula nan pak a məlpa na Kison, wanəpsuk ammba voko.»