Əgilye 14:31 - Bible en Guidar

³¹ Israyel awlak gbogboŋ an va Yawe agəɗ aka Eziptə. Ɗiy ageslne'eŋ sənən Yawe, atafən Yawe gəm gawla nan Moyis.

Əgilye 14:31 ပူးပေါင်းရင်းမြစ်များ

2Alabaraɗe Də Mabərkiziti 20:20

Ɗiy asilyoŋguk pum addoŋ a kapta-muyã na Tekowa. Dawtoŋ na, Yosafat le'i, amna: «Əŋga məprəmuɗa, mənokum ɗiy na Yuda dit na Yerusalem! Məppan mokrokum sən Yawe, Maŋgəlva nokum, asna, zəga tay naska wəlokum ɓa! Məppan mokrokum sit məskəleŋɗe nani, asna, wadaw ambokum!»

Nehemi 9:9

Yaŋ kula əzəmsahã net efiŋgiɗim a Eziptə; kəprəmək vaŋvəl net ama pehe net vəlarɗe.

Gəlyaɗe 119:120

Sluw zu tay əkker sən geslne noko, makraw tay əzlah sən ətawwən nok temtemi.

Əgilye 19:9

Yawe aɓsən Moyis na: «Awle, wanəde azok addəv slay buna, vi ɗiy dəprəmnəngən gala nədawpel də isi ka dətafnəngən wən nok hã faɗə tamə.» Yaŋ Moyis aboton əpel net ɗiy sən Yawe.

Əgilye 4:31

Ɗiy atafənək wən nani. Aprəmənək na Yawe akək wən ammbet mə Israyelɗe, awlak ərba wil neti. Ndəni agdukoŋ appu'oŋgu.

Luka 8:13

Ɗiy en va ki soyomo na, ndəɗaŋgə en dəprəmən əpele, dətafnən də zit neki, ya tahəŋ də suwerit ɓa. Ndəɗaŋ ətafən vi pay siɗikke ya an tatwãh adek na ndəɗaŋ əppanəni.

Yohanna 11:45

Diyɗa səret mə Yudeɗ məs dəzzoŋ azat Miryam awlanən məs Yesu agəɗə, atafənka.

Yohanna 2:11

Aski ətəŋ sekene an Yesu agəɗ daabəŋ a Kana aka dələv na Galile. Arbanək gagdak nani, gewleɗ nan atafnənka.

Wəza net Masləŋɗe 8:13

Simoŋ sən kiyən pak atafka, ataf baptem, tay ɗayɗay də Filip, adan awla sekeneɗ gəm wəzeɗe gagdak diyɗa məs dədaɗɗaŋgə, aggətka.

Ibriɗe 3:5

Moyis təstəsi addəv gəla na Maŋgəlva pakə. Gawla na Maŋgəlva yi, apelik wən net zəgeɗ məs Maŋgəlva adarbet addəv pay məs dədazani.

Yosuwa 24:7

Yaŋ efiŋgiɗkum vet ahəmaŋ ammba təl Yawe, aɗɗa guzli awalaŋkum dit mə Eziptiɗi, aki pehe aketi, asulupe. Horokum awlak an nəgəɗ sən Eziptə. Kəɗɗaŋgək əvoŋ diyɗa a Kapta-muyã.

Yosuwa 4:14

Dəpas na, Yawe aɓaygənək Yosuwa a maheret mə Israyelɗe pakə, ageslne'eŋ sənənək hã wəzva na ma way nan gərak va ageslne'eŋ sənən Moyisi.

Yosuwa 4:24

vi ɗiy nammba dələv pak dəsənnəngən gbogboŋ na Yawe, vi kəgeslne'eŋ sənəngən Yawe Maŋgəlva nokum pay pakə.»

1Samiyel 12:16

Kakaŋ əmpa na, miziw mula zəga metiŋgin məs Yawe adaɗɗa ama horokum.

1Samiyel 12:18

Samiyel akkamanək Yawe, pay dəpas ləŋ, Yawe ahãygənək buna, aziyə. Yaŋ ɗiy pak ageslne'eŋ diyɗa sən Yawe gəm sən Samiyel.