Əgilye 14:22 - Bible en Guidar

²² mə Israyelɗe atoŋgoŋgək dəddak pehe aka təki məklakani, iŋkile tahəŋ va zlava na dələv dəka dəzəŋ də zlaɓay neti.

Əgilye 14:22 ပူးပေါင်းရင်းမြစ်များ

2Milyeŋge 2:14

Agəm lukut na Eliya dəbət səkki van nak arge iŋkile, yaŋ amna: «Aŋgay Yawe Maŋgəlva na Eliya əŋdi?» Ndən tam du' ərge iŋkile, ndəɗaŋ wəɗak dahãdahã, Elisa dəgarə.

2Milyeŋge 2:8

Yaŋ Eliya aggbuk lukut nani, aktəm arge iŋkile, ndəɗaŋ wəɗak dahãdahã. Aggaraŋ sulagit dəka təki məklakani.

Nehemi 9:11

Kəppraslək pehe səbeti, aggaraŋ dəddak pehe məklakani. Ɗiy en dədarɓehetin na, kəbətgitik a delŋgeɗek va gərəm ara guzlo məzubay gagay.

Gəlyaɗe 106:9

Ahãyãnək pehe net vəlarɗe, ndən sa'ãtə; atoŋgit dəddak məlpa va də kapta-muyã.

Gəlyaɗe 136:13

Ndən məs dərslan pehe net vəlarɗe pəɗak sula, vi moggon nan tay hã faɗə,

Gəlyaɗe 136:14

aggargənək Israyel dəddakni, vi moggon nan tay hã faɗə,

Gəlyaɗe 66:6

Akkpaŋganək pehe ka təki məklakani, aggaraŋgək ki məlpa də tilti; ndəni mədannek dəndəni.

Gəlyaɗe 74:15

Istə kəso' heret iŋkile dit lolohẽɗi, is kəkkpe' məlpeŋge məza akkpa'aŋ ɓa.

Gəlyaɗe 78:13

Antarək pehe vi kaggargiti, ziwgit iŋkile ɓələ.

Əgilye 14:29

Ya net mə Israyelɗe na, aggaraŋgək dəka təki məklakani addak pehe, iŋkile akomoŋgək dəka vet dahãdahã zigiɗ zigiɗi.

Əgilye 15:19

Gala Pilseŋge na Farawən atoŋgoŋ dit mawteɗ gəm məpeŋgeŋ pilseŋge nan addəv pehe, Yawe amndegetik iŋkile na pehe aketi: net mə Israyelɗe na aggaraŋ dəka təki məklakan addak pehe.

Əgilye 15:8

Də wəmpəs na məŋkunko iŋkile akkalaŋka, armannək zit hirzliŋ, iŋkile məzədawaŋ arslaŋgək dahadaha Inkile na pehe arslaŋka.

Isaya 11:15

Yawe wakkpe' iŋkile na heleleŋ na pehe na Eziptə. Addəv gagdak nawda gədəv nani waɓlan van aka məlpa, warslan ka lolohet buhul waɗɗa ka ɗəf dəkkaɗgən dit hensek aka tələn palpalə.

Isaya 11:16

Vasna tive tay abet ɗiy nan dəppaŋgə, en dəppaŋ a Asiri, va appaŋ lahəŋ a Israyel gala adawgilyoŋ səka dələv na Eziptə.

Isaya 43:16

Aŋki an Yawe anahə, ndən məs dəkol tive addak pehe məs dəntar tive gargar addekit iŋkile məsgagayɗe.

Isaya 51:10

Istə kəkkpe' iŋkile sə pehe gəm iŋkile kpukpumɗe məsuzliyə, dəkkpaŋgan gədəv pehe ka tive, vi ɗiy en məpilit dəkaɗaŋgən ɓa sa?

Isaya 63:12

Ngay məs gagdak nan metiŋgin dəsan aka va dəzəŋ na Moyis nak di? Ngay məs dənter iŋkile səbet ɗiy nani, dəgəɗ iya an faɗ sən ki zən nak di?

Isaya 63:13

Ngay məs dədawgit addəv pehe nak di? Va pələs a kapta-muyã, məza ndəɗaŋ ətaŋgbãy ɓa.

Zakarya 2:5

In haraw le'gən na: Yaŋ nuwəl ɗəfa, helege nawsla zəga avan kawwa.

Əŋɗa 33:8

Ambataŋ səba Hahirot, aggaraŋ ki pehe, atoŋgoŋ a kapta-muyã, adawaŋ tive əvoŋ hoku a kapta-muyã na Etam, ateheŋ a Mara.

1Korintus 10:1

Milmiŋgiɗwa, nəŋgəl kəssoŋgən slamma ɓa, efiŋgiɗəm pak assoŋguk ammba slaybuna, baymet pak akkaɗaŋgək ki pehe Pepreŋge.

Ibriɗe 11:29

Də ətafi, akkaɗ ki pehe pepreŋge va kəɓəs na dələv məklakani, mə Eziptiɗ tamə əyagan na yaŋ məlpa asulupe.

Yosuwa 3:16

Yas iŋkile en dədawpurkoŋ kəla dohoŋ aziweŋgi, aɓayaŋ mərma zit faraɗa hã gap a Adama walaŋgəla-metiŋ məs dəsan a maŋgava Sartan. En məzudawaŋ əmbat də pehe na Araba, ama pehe na bətuwa, net arslaŋgək ɗe'i, ɗiy aggaraŋ dakadaka də Yeriko.

Yosuwa 3:17

Məsdəlveŋge en dəslanən akoti nawsler na Yawe aziweŋgik ziw ɓəɓəl aka təki məklakan addak Yurden, mə Israyelɗe beymet tam əggaraŋ dəka təki məklakan hã ndəɗaŋ pak gərak əggar ki Yurden.

Yosuwa 4:22

Kəprəman sitingən kirtukum dawnah sit na: Dəka təki məklakan Israyel aggar ki Yurden əŋka;

1Samiyel 25:16

Dəfəɗ də kapay pak tahəŋ va zlava kiyəm tərwəsl, gba' mənzi ətaɗ timeŋgiɗ a meŋgevet adak pakə.