Əgilye 13:9 - Bible en Guidar

⁹ Wasan suk zəga narba azan aka voko gəm naɗɗumoni a mirbizkum, vi Mahenziŋ na Yawe dəsangən a moko, vi də van gbogboŋgi Yawe agilguk sə Eziptə.

Əgilye 13:9 ပူးပေါင်းရင်းမြစ်များ

Nehemi 1:10

Məɗɗaŋ wəza nokəŋgə, ɗiy nok məs kəkõhgit də əɓap nok metiŋgini gəm də vok gbogboŋgo.

Gəlyaɗe 136:11

gəm ndən məs dəgilgən Israyel səreti, vi moggon nan tay hã faɗə,

Gəlyaɗe 136:12

də əɓap nan metiŋgini, vi moggon nan tay hã faɗə.

Gəlyaɗe 89:13

Tapaslay pay də disiŋ də dohoŋ pak is kəzəmiɗe; may mossorgo metiŋ na Tabor də an na Hermon taɗɗəlaŋ aka iya noko.

Əgilye 12:14

Pay nan wasan sukum naɗɗum akani. Wakəɗinən ka na wəzləra sən Yawe vi sayit ɗiy nokumu. As an məɗiyən naɗɗa məza addəɗ ɓa pay paki yi.

Əgilye 12:41

Addəv wəzva səkat poɗo də kaklaw hokuŋka, pay nanəski dulaɗe nalpa na Yawe pak agilyoŋ səka dələv na Eziptə.

Əgilye 13:14

Pay an wətuk assohõk mazayən: Vimi aŋ di na? Asna kənah səngən na: Də gbogboŋ na vani Yawe agilgəm sə Eziptə, səddəv gəla na balam.

Əgilye 13:16

Wasan zəga nawsən azan aka vokum gəm a mirbizkum. Vi də gbogboŋ na vani Yawe agilgəm sə Eziptə.

Əgilye 13:3

Moyis, aɓsit ɗiy na: «Məɗɗumon payəŋ məs kəgilyoŋ sə Eziptə, səddəv gəla na balam, vi də gbogboŋ na van Yawe agilgukum sədaka. Kawzəmi zəga məhəsən ɓa.

Əgilye 3:20

Vasna wanəslan vaw aka dələv na Eziptə, wanərga dit sekeneɗ temtem məs nədaɗɗa akani. Dərɓaga aska, wappokum kəmbataŋgəni.

Əgilye 7:4

Farawən aprəmkum na ɓa. Wanəɗi vaw aka Eziptə ya wanəgilgit dulaɗe nalpa net ɗiy naw mə Israyelɗe, səka dələv na Eziptə də wətaw wən gədakə.

Wənməkkpaŋga 1:9

Wassoŋ va zəga na gawla na sləma aka kiyko gəm va everzleɗ awloko.

Wənməkkpaŋga 3:21

Wətuwa, arma maɗɗula gəm əwelen wəna, adawtəpaŋ səma horok ɓa.

Wənməkkpaŋga 7:23

Har watilik hã aza memɗekeni, va bəŋga adawgəm zən ətoŋ addəv zəva, awsənən na kizən ama əzay ɓa.

Gəlya net Gəlyaɗe 8:6

Abasu va zəga nappan gəlan a mokroko, va zəga nappan gəlan aka voko. Vi əŋgla tay gbogboŋ va əmta; əŋgla guromi va əmta; wəzla nan na offo: offo na Yawe yi.

Isaya 27:1

Pay dəpaska, Yawe wasil akan də əptu masalam nan məs man hoɓhoɓ ɓəɓəl metiŋgini, vi kaskot aka heŋzle, dohõ məzənzani, aka heŋzle, dohõ məs pepete; wabay dohõtuya na pehe.

Isaya 40:10

Yawe Maŋgəlva yaŋka Tay əzzan də gbəgboŋgo, gbogboŋ nan dədawrəh sən məlyã. Əfaɗ na iya na wəza tay avani, zəga nawfet aka ɗəf tay abani.

Isaya 44:5

Ɗəf aŋka wanah na: naw na Yawe nani; ɗəf andaka, waya kiyzən də iya na Yakob. An mbərən waver aka van na: Naw na Yawe nani walvan kiyzən na Israyel.

Isaya 49:16

Yaŋ nəverkuk aka dagrakay vawa, zlavaɗe nok tahəŋ ama haraw pay pakə.

Isaya 51:9

Afɗahə, afɗahə aɓɓəlan zuko va Yawe. Afɗa va kədafɗa aka pay na sayit ɗiy en far lahəŋka. Istə kəbəlan gəm dətilik Rahab dohõtuya na pehe ɓa sa?

Isaya 59:21

Yawe amna: Aŋki wənmiyna naw dənɗaŋ: Əmpəs naw məs dəsan akoko də əpel naw məs nəgul amoko adawzaraŋ səmok ɓa, may səmet kirtuk ɓa, may səmet kirtit kirtuk ɓa Yawe anahə, təŋ kakaŋka hã faɗə.

Yeremiya 22:24

Va nəsaw madarawa Yawe aɗiymani: Kəta is Koniya wətən Yoyakim, məlĩ na Yuda asok va ndama aka vaw dəzəŋ zlaŋgə, wanəggbukko.

Daniyel 9:15

Kakaŋ na Daya Maŋgəlva namə, kigilgitik ɗiy nok də va gbogboŋ nok səka dələv na Eziptə, kəɗɗak sləmok agilik va pay dəpaŋka. Məgəɗək mambraya, məraygənəka.

Yo'el 2:11

yaŋ Yawe adawgəŋgəm wəlan abet məzəlpaŋ nani. Vi məzəlpaŋ nan aŋɗaŋ ɓa: məzəɗɗa an aɗi gboŋgboŋgi. Vi pay na Yawe metiŋgini, adahək nawgeslne' sən diyɗa: naway nawɓəsən di?

Əŋɗa 15:39

Kəguloŋgən lukutɗe də moksoyɗe azet kana, pay kədawlenin moksoyɗe vet na, wakəɗɗumonən əpel na ənziya an Yawe aɗi naɗɗa, wakəɗɗaŋ wəza dənɗaŋ. Vasna, kəppanən kizukum ətoŋ addəv matuya sən ərak na mokrokum may əsim zəga nawtoŋgukum addəv əɗɗa mambray ɓa.

Matiye 23:5

Əɗɗanən wəza net pak vi ɗiy duleningəni. Ndəɗaŋ əslosloproketin filakterɗe neti, ndəɗaŋ əɗɗaŋ moksoy zezek aza gabba lukut net.

Roma 10:8

Mbar an məverin van anah di? Əpel na Maŋgəlva go'oy də isi, abaroki gəm a mokroko. Va ənəh na: Əpel na ətaf məs mədawtəl ma nani.

Əmsak aka Mahenziŋ 30:14

Vi wəpel go'oy azok diyɗa, a boroko gəm a mokroko vi kaɗɗa wəza dəndəni.

Əmsak aka Mahenziŋ 5:15

Kəɗɗumongən na, kəsokuk balam aka dələv na Eziptə, Yawe Maŋgəlva nok agilguk sədak də gbogboŋ na vani, van təlla. Vini Yawe Maŋgəlva nok aɗi suk wən nan kərmagən pay naffete.

Əmsak aka Mahenziŋ 6:21

Vasna, kənah səngən wutuk na: «Belemɗe na Farawən mənan lahəŋ a Eziptə, vasna Yawe agilgəm də van gbogboŋ səka dələv na Eziptə;

Əmsak aka Mahenziŋ 6:6

Wəpel nəɗi suk wən nan dəpaŋkəŋ dəsangən a mokroko;

Əmsak aka Mahenziŋ 6:8

kinetgin deŋ va zəga nawsən wən azan aka voko, gəm va zəga vlõh a mirbizko;

Hənhən 18:8

Vi vaski tatwãhɗe məzuganən wazzoŋ akan aka ma taka, əmta, gəlabaya, mãya, offo wazəma, vi Daya Maŋgəlva dətawwən akan afən gagdaki.

Mətawaŋwəna 2:12

Appanənək Yawe, Maŋgəlva net efiŋgiɗit friki, məs dəgilgit səka dələv na Eziptə. Yaŋ azbetin meŋgilveɗ meɓɓet səret meŋgilveɗ net ɗiy en dəssoŋ kiyit tərwəslə; appu'oŋ abeti, adan sənən gədəv Yawe.