Əgilye 13:3 - Bible en Guidar

³ Moyis, aɓsit ɗiy na: «Məɗɗumon payəŋ məs kəgilyoŋ sə Eziptə, səddəv gəla na balam, vi də gbogboŋ na van Yawe agilgukum sədaka. Kawzəmi zəga məhəsən ɓa.

Əgilye 13:3 ပူးပေါင်းရင်းမြစ်များ

Va'Atəŋ 15:16

Aka sayit kirtuk məpoɗoti, wamndoŋ aŋka, vi mambray net mə Amorɗe dəknah ɓa hã kakaŋka.»

1Milyeŋge 8:42

vi kaprəmi əpel aka iya nok metiŋgini, gbogboŋ noko gəm na vok mətələn, an azzoŋguk wəkkam addəv Gəlaŋka,

1Alabaraɗe Də Mabərkiziti 16:12

Məɗɗum aket teteleɗe en agəɗə, sekeneɗ en agəɗ gəm wətawwən an dəgil sə mani,

Nehemi 1:10

Məɗɗaŋ wəza nokəŋgə, ɗiy nok məs kəkõhgit də əɓap nok metiŋgini gəm də vok gbogboŋgo.

Nehemi 9:10

Kəgəɗək zəga narba gəm sekeneɗ aka Farawən may aket gewleɗ nan beymeti gəm aket ɗiy naka dələv nan baymeti. Vi kəsənək na tahəŋ əɗɗa daraw aketi. Kəɗiyək ki iya nok va asan pay dəpaŋkəŋka.

Gəlyaɗe 105:5

Məɗɗum aket teteleɗe en agəɗə, sekeneɗ en agəɗ gəm wətawwən an dəgil sə mani,

Gəlyaɗe 114:1

Gala Israyel agil sə Eziptə, gala gəla na Yakob azar səzet ɗiy məpeleŋ ma na guwa,

Gəlyaɗe 136:11

gəm ndən məs dəgilgən Israyel səreti, vi moggon nan tay hã faɗə,

Gəlyaɗe 136:12

də əɓap nan metiŋgini, vi moggon nan tay hã faɗə.

Gəlyaɗe 89:14

Vok gboŋgboŋgi, vok ɓəli yi, dəzəŋ nok tay təlla!

Əgilye 12:15

Pay buhul peŋ məza wuɗo ɓa kədawzəmaŋgə. Arbək na, aka pay maddaabəŋ na, kəzanəngən wuɗo sə nokum da. Vi ɗəf an dəzəm peŋ məhəsən təŋ səza əvoŋ taka hã gap aza əvoŋ mabuhulon na, asna kawgilgini səret mə Israyel.

Əgilye 12:17

Kərmanəngən pay na wəzləra məza wuɗo ɓaŋka, vi pay nani yi, nəgilgit dulaɗe nalpa nokum səka dələv na Eziptə. As an məɗiyən naɗɗa məza addəɗ ɓa pay paki yi.

Əgilye 12:19

Pay buhul, wuɗo adawsan eŋgil anokum da ɓa. Vi ɗəf an dəzəm zəga məhəsni, səret molhõyẽɗi də səret kirtindələv na, ɗəf nan karɓahni səra əsap net mə Israyelɗe.

Əgilye 12:2

Təlaŋka, wətəŋ net təlaɗe yi azokum, ndəni wətəŋ net təlaɗe na wəzva azokum.

Əgilye 12:41

Addəv wəzva səkat poɗo də kaklaw hokuŋka, pay nanəski dulaɗe nalpa na Yawe pak agilyoŋ səka dələv na Eziptə.

Əgilye 12:42

Dəfəɗ nani, nawvoŋ na Yawe kim daran kawgilgit səka dələv na Eziptə. Dəfəɗ nani, na Yawe yi, nawvoŋ net mə Israyelɗe beymet kim dereti, va sayit agap pakə.

Əgilye 12:8

Də dəfəɗəski kədampərnən slu nani. Məpsan dəpse kədampərnən də peŋ məza wuɗo ɓa, də kevile tatrãha.

Əgilye 13:14

Pay an wətuk assohõk mazayən: Vimi aŋ di na? Asna kənah səngən na: Də gbogboŋ na vani Yawe agilgəm sə Eziptə, səddəv gəla na balam.

Əgilye 13:9

Wasan suk zəga narba azan aka voko gəm naɗɗumoni a mirbizkum, vi Mahenziŋ na Yawe dəsangən a moko, vi də van gbogboŋgi Yawe agilguk sə Eziptə.

Əgilye 20:2

Intə Yawe, Maŋgəlva noko, məs dəgilguk səka dələv na Eziptə, səka balam.

Əgilye 20:8

Aɗɗum aka pay naffete, aɗi kini.

Əgilye 23:15

Kərmagən pay na wəzləra na mepteke məza wuɗo ɓa. Wəvoŋ buhul mepteke məza wuɗo ɓa kədawzəma, va nəɗi suk wən nan na aka təla na bu'um, vi aka pay nani yi kəgil sə Eziptə. Azzoŋ addəv Gəla naw va ɗəf halay halay ɓa.

Əgilye 3:20

Vasna wanəslan vaw aka dələv na Eziptə, wanərga dit sekeneɗ temtem məs nədaɗɗa akani. Dərɓaga aska, wappokum kəmbataŋgəni.

Əgilye 34:18

Kərmagən pay na wəzləra məza wuɗo ɓa. Pay buhul kəzəmgən peŋ məza wuɗo ɓa, an məs nəɗi suk wən nan gala təla na bu'um, vi aka təla na bu'um kəgil sə Eziptə.

Əgilye 6:1

Yawe anah sən Moyis na: «Kakaŋ na wakula an nədawgəɗ sən Farawən: vi gbogboŋ na vawa, wappet əddoŋgu, ya də gbogboŋ na vawa, warɓehet səka dələv nani!»

Əgilye 6:6

Vini, anah sit mə Israyelɗe na: «Intə Yawe. Wanəgilgukum səka wəza na balam na Eziptə, wanəpəlkum səka balam neti, wanəkõhgukum də vaw gbogboŋgo gəm də wətawwən gədakə,

Əgilye 6:7

wanəndəkum kanawa, ka ɗiy nawa ya wanəsaw ka Maŋgəlva nokum. Wakəsənən na, in Yawe, Maŋgəlva nokum tə: məzugilgukum səka wəza na balam sə Eziptə.

Əgilye 7:4

Farawən aprəmkum na ɓa. Wanəɗi vaw aka Eziptə ya wanəgilgit dulaɗe nalpa net ɗiy naw mə Israyelɗe, səka dələv na Eziptə də wətaw wən gədakə.

Yeremiya 34:13

An Yawe Maŋgəlva na Israyel anah yaŋka: Naw nəziwginik wənmiyna dit efiŋgiɗkum gala nəgilgit səka dələv na Eziptə səka balam dawnəh na:

Daniyel 9:15

Kakaŋ na Daya Maŋgəlva namə, kigilgitik ɗiy nok də va gbogboŋ nok səka dələv na Eziptə, kəɗɗak sləmok agilik va pay dəpaŋka. Məgəɗək mambraya, məraygənəka.

Matiye 10:12

Dawtoŋ ana ɗəf da van na: Məsɗani.

Luka 22:19

Ndən mepteke gəmə, agəɗək soko sən Maŋgəlva, arɗani apsit dawnəh na: Aŋki gəɓa zuw məpsa vikum, məɗɗa vaska vi kəɗɗumowəngəni.

1Korintus 11:24

agəɗək soko sən Maŋgəlva, arɗanəka, amna: Aŋki gəɓa zuw vikum. Məɗɗa vaska vi kəɗɗumowəngəni.

1Korintus 5:8

Vasna məɗɗa səm əzləra na Pak nam məza də wuɗo məzvan ɓa, məza də wuɗo na mambraya gəm na əkuh a gizbe ɓa, ya də memteke na təstəsə gəm na gegesiŋ məza wuɗo aran ɓa.

Efesus 1:19

Gəm va memetiŋ na əɓap nan asan vimə, mənam məs mətaf va aza wəza na gbogboŋ nani.

Əmsak aka Mahenziŋ 13:10

əbay kədawbayən dərəŋgə, is kədawslan vok daabəŋ akan kawbayən, sissiŋ ɗiy pakə.

Əmsak aka Mahenziŋ 13:11

Kəskagən dit gərmeŋɗe, dəmtəgəni, vi akay tive nagdahok faraɗa səza Yawe Maŋgəlva nok məs dəgilgukum səka dələv na Eziptə, səka balam.

Əmsak aka Mahenziŋ 13:5

Yawe Maŋgəlva nokum kədazbaŋ kaka'ə, anan kədawgeslne'eŋ sənən kaka'ə, əpel na ənziya an aɗi kədarmaŋgə, man kədaprəmaŋgə, anan kədaɗɗaŋ sənən wəza, azan kədawbaynən zukum.

Əmsak aka Mahenziŋ 13:6

An dəwəlsən məskəleŋ awaniɓa məzula van na, nawbayə yi, vi wən nawɓoŋ aka Yawe Maŋgəlva nokum məs dəgilgukum səka dələv na Eziptə gəm dəbituk səddəv gəla na balam apeli; ɗəfəs man aka əgdahok ɓa' səka tive məs Yawe Maŋgəlva nok aɗi suk nazba. Agilgən mbərayən sə walaŋkum.

Əmsak aka Mahenziŋ 15:15

Kəɗɗumongən na kəssokuk balam aka dələv na Eziptə yaŋ Yawe Maŋgəlva nok abitko. Vini yi, nədawɗi suk wən nan vas dəpaŋka.

Əmsak aka Mahenziŋ 16:1

Azlək sləma aka təla nawbəla, aɗɗa wəzləra na Pak sən Yawe Maŋgəlva noko, vi aka təla nawbəl vanəski Yawe Maŋgəlva nok agilguk sə Eziptə, də dəfɗa.

Əmsak aka Mahenziŋ 16:12

Kəɗɗumongən na, balam kənan a Eziptə lahəŋka, kərmegin mahenziŋɗeŋki, kəgəɗgən wəza dənɗaŋ.

Əmsak aka Mahenziŋ 16:3

Kədawzəm peŋ məgəɗ sən wuɗo ɓa; addəv pay buhul peŋ məza wuɗo ɓa kədawzəma, peŋ nassahãn zə ɗəfa, vi də kakara kəgil sə Eziptə, addəv ənziya egge nok pak kəɗɗumongən pay məs kəgil səka dələv na Eziptə.

Əmsak aka Mahenziŋ 24:18

Kəɗɗumongən na, kəsokuk balam a Eziptə, yaŋ Yawe Maŋgəlva nok abituk sədaka. Vini nəɗi suk wən nan kəzbangən wəpeləŋka.

Əmsak aka Mahenziŋ 24:22

Kəɗɗumongən na, kəsokuk balam aka dələv na Eziptə; vini nəɗi suk wən nan kəzbangən wəpeləŋka.

Əmsak aka Mahenziŋ 26:8

Yawe agilgəmək sə Eziptə də gbogboŋ na vani, van təlla, də əɗɗa zəgeɗ nawgeslne sit diyɗa, də wəgilgin zəga narba zəga azani, dit sekeneɗi;

Əmsak aka Mahenziŋ 4:34

Awaniɓa, maŋgəlva tay dəde əyagan igim ɗiy səka dələv net ɗiy meɓɓet ka nan də ula an nazet dit zəgeɗ narban wəna, dit sekeneɗi, də wəlpaɗe, də gbogboŋ na vani, van təlla, də wəgeslne'git ɗiyi, va Yawe Maŋgəlva nokum agəɗ a Eziptə vikum ama horokum sa?

Əmsak aka Mahenziŋ 5:15

Kəɗɗumongən na, kəsokuk balam aka dələv na Eziptə, Yawe Maŋgəlva nok agilguk sədak də gbogboŋ na vani, van təlla. Vini Yawe Maŋgəlva nok aɗi suk wən nan kərmagən pay naffete.

Əmsak aka Mahenziŋ 5:6

Intə Yawe Maŋgəlva noko, məs dəgilguk səka dələv na Eziptə, səka balam.

Əmsak aka Mahenziŋ 6:12

asla zuko, vi kədazgət ki Yawe dəgilguk səka dələv na Eziptə səddəv gəla na balamə.

Əmsak aka Mahenziŋ 6:21

Vasna, kənah səngən wutuk na: «Belemɗe na Farawən mənan lahəŋ a Eziptə, vasna Yawe agilgəm də van gbogboŋ səka dələv na Eziptə;

Əmsak aka Mahenziŋ 7:8

Vi Yawe aŋglukumko yas aziw aka əsway nan sit efiŋgiɗkum, ndəni Yawe akõhgukum gəm agilgukum də gbogboŋ na van səka balam, səva Farawən, məlĩ na Eziptə.

Əmsak aka Mahenziŋ 8:14

mokrok adaɗɗuk kawɗi kiyzuk ka is kazgət ki Yawe Maŋgəlva nok ɓa. Ndəni dəgilguk sə Eziptə səka balam.

Əmsak aka Mahenziŋ 9:12

Yaŋ Yawe anah su na: «Asili, aprik də kakara səŋka, vi ɗiy nok araygənənək ziti, ɗiy kəgilgit sə Eziptə neki; dənziyaŋ damzləh ki tive məs nəɗi sit wən nanəŋ ɓa: azaɓaŋgək zəgakamaŋgəlva na təbəz məhəsəni!»

Yosuwa 24:17

Vi Yawe yi Maŋgəlva namə, məs dəgilgəm mənam dit efiŋgiɗəm səka dələv na Eziptə səddəv gəla na balam. Ama haram aɗɗe Sekeneɗ metiŋgit yeŋkiŋki: Ataɗmək aka tive məs mədaw gbaŋkəŋka gəm səret ɗiy məs mətoŋ dəweleŋgit pakə.

Mətawaŋwəna 2:12

Appanənək Yawe, Maŋgəlva net efiŋgiɗit friki, məs dəgilgit səka dələv na Eziptə. Yaŋ azbetin meŋgilveɗ meɓɓet səret meŋgilveɗ net ɗiy en dəssoŋ kiyit tərwəslə; appu'oŋ abeti, adan sənən gədəv Yawe.

Mətawaŋwəna 6:8

Yawe slən sit məskəleŋ məs dənah sit na: Məs Yawe, Maŋgəlva net mə Israyelɗe anah yaŋka: «Intə nəgilgukum sə Eziptə, səddəv gəla net belemɗe.