Əgilye 13:21 - Bible en Guidar

²¹ Də kapaya, Yawe ədaw abet addəv slaybuwən va dədəka, də dəfɗa, tay əkekeɓe' təki abet addəv offo zulorro vi dədawaŋgən aka tive kapay də dəfɗa.

Əgilye 13:21 ပူးပေါင်းရင်းမြစ်များ

Nehemi 9:12

Də kapay na, kədawək abet də dədəka na slaybuwna. Dəfəɗ tamə, də dədəka na offo, vi dəkekeɓe' sitgən tive məs adawdawaŋ dəkani.

Nehemi 9:19

də ulasahã nok məza meŋge nan ɓa naka, kəppet ndol a kapta-muyã ɓa, adan dədəka na slaybuwən dəzar səket kapay dawdawgit aka tive ɓa, dədəka na offo akekeɓe'ik ndəɗaŋ də tive məs adaddoŋ dəkan pakə.

Gəlyaɗe 105:39

Aweɗik slaybuwən ka məzlzlara, gəm offo, kawkekeɓe' dəfɗa.

Gəlyaɗe 68:7

Maŋgəlva məzəpsit gəla sit məza ɗiy net ɓa, tay əgilgit məfərsəneɗ səket ngiyamɗe, ɗiy məɓoŋgit kaka dədassoŋ aka kpokpõhõ.

Gəlyaɗe 77:20

Aka pehe yi tive noko, tive nok kəlaret iŋkile kpukpumɗe yi, batamuk awsən ɓa.

Gəlyaɗe 78:14

Adawgitik ammba slaybuwən də kapaya, də dəfəɗa ara əkekeɓe' na offo.

Gəlyaɗe 99:7

Addəv slaybuwən adawpel siti. Azbanənək an aŋgələ, gəm əsərəkɗe en apsiti.

Əgilye 10:10

Aɓsit na: «Mbara! Yawe wasan də mənokum an nəppokumək əmbat dit kirtukum! Mula va mbərayən asan a mirbizkum!

Əgilye 16:10

Gala Aron adawpel sən əkkal net mə Israyelɗe pakə, ndəɗaŋ heret kpaŋgən kəla kapta-muyã: awlanən na, gagdak na Yawe arbək addəv slay buna.

Əgilye 32:1

Ɗiy awlanən na Moyis aliyək dəpriken səka mossorgo, yaŋ ɗiy akkalaŋ aza Aron, aɓsənən na: «Asili, azaɓ səm meŋgilveɗ dədawdawaŋ abamə, vi Moyis ɗəf dəgilgəm səka dələv na Eziptəŋ məsən an dəɗɗa ɓa.»

Gəlya net Gəlyaɗe 3:6

«Naway məzəzzan sə kapta-muyã hirtiŋhirtiŋ va enene, də məŋgənən fitfit va mẽle gəm va timbe na gegeriŋ, də tursan mətakaɗə na guwəŋ di?»

Əŋɗa 10:34

Kapay na, slaybuwən na Yawe əssan aket kirtin dawzaraŋ sə dibirgidiki.

Əŋɗa 14:14

anah sitinik wən van sit ɗiy naka dəlvəŋka; ɗiy vetis aprəmənək na, is Yawe is tat a weleŋgit ɗiyiŋki; is Yawe tə kədarban zuk a maheret ta' ulukuni; slaybuwən nok tay əziw a disiŋ aketi; is dəvoko, kədawtoŋ addəv dədəka na slaybuwən abet kapaya, dəfəɗ na addəv dədəka na offo.

Əmsak aka Mahenziŋ 1:33

Ndən məzudaw aka tive abokum, kawkay sukum təki nawziy dibirgidik, addəv offo vi nawkekeɓe' təki abokum də dəfəɗ aka tive kədawdawaŋgə, addəv slaybuna, də kapaya.

Əmsak aka Mahenziŋ 31:8

Yawe yi dədadaw aboko, Yawe ndəni də isi, appok na firik ɓa, azgokna ɓa; kəgeslne' ɓa, kədawsok zuk baybay ɓa.»