Əgilye 13:14 - Bible en Guidar

¹⁴ Pay an wətuk assohõk mazayən: Vimi aŋ di na? Asna kənah səngən na: Də gbogboŋ na vani Yawe agilgəm sə Eziptə, səddəv gəla na balam.

Əgilye 13:14 ပူးပေါင်းရင်းမြစ်များ

Va'Atəŋ 30:33

Mazayin, pay kədazzok ula əfaɗ nawa, wakəsən na təstəs nani, an kərahək nzefnzefiy ɓa, nzezlezle yi ɓa, sə weleŋgiɗ gilewi, an kərahək səret timeŋgiɗ məza tuturɗeŋ ɓa pak, asna dəhal nəhẽlẽ.»

1Alabaraɗe Də Mabərkiziti 16:12

Məɗɗum aket teteleɗe en agəɗə, sekeneɗ en agəɗ gəm wətawwən an dəgil sə mani,

Nehemi 1:10

Məɗɗaŋ wəza nokəŋgə, ɗiy nok məs kəkõhgit də əɓap nok metiŋgini gəm də vok gbogboŋgo.

Gəlyaɗe 136:11

gəm ndən məs dəgilgən Israyel səreti, vi moggon nan tay hã faɗə,

Gəlyaɗe 145:4

Va sayit ɗiy agəɗ pak kawgagdeketi wəzeɗe noko, kabbalani sləmet wəzeɗe gugriɗ en kəgəɗə.

Gəlyaɗe 78:4

məɗaman na sit kirtim ɓa, sən sayit ɗiy an dədazzani, waməpel wən na əɗi ki Yawe, əɓap nani gəm sekeneɗ en agəɗə.

Əgilye 10:2

vi kəboton səngən wutuko, gəm sən wətən wutuk va mbar nəsmenyet mə Eziptiɗ dit sesergeɗe naw nəgəɗ aweleŋtiŋ di. Wakəsənən na, intə Yawe.»

Əgilye 12:41

Addəv wəzva səkat poɗo də kaklaw hokuŋka, pay nanəski dulaɗe nalpa na Yawe pak agilyoŋ səka dələv na Eziptə.

Əgilye 13:3

Moyis, aɓsit ɗiy na: «Məɗɗumon payəŋ məs kəgilyoŋ sə Eziptə, səddəv gəla na balam, vi də gbogboŋ na van Yawe agilgukum sədaka. Kawzəmi zəga məhəsən ɓa.

Əgilye 13:8

Pay dəpaska kəboton səngən wutuk də wənah na: Aŋki Yawe agəɗ viyu gala nəgil sə Eziptə.

Əgilye 13:9

Wasan suk zəga narba azan aka voko gəm naɗɗumoni a mirbizkum, vi Mahenziŋ na Yawe dəsangən a moko, vi də van gbogboŋgi Yawe agilguk sə Eziptə.

Əgilye 20:2

Intə Yawe, Maŋgəlva noko, məs dəgilguk səka dələv na Eziptə, səka balam.

Əgilye 6:1

Yawe anah sən Moyis na: «Kakaŋ na wakula an nədawgəɗ sən Farawən: vi gbogboŋ na vawa, wappet əddoŋgu, ya də gbogboŋ na vawa, warɓehet səka dələv nani!»

Əgilye 6:6

Vini, anah sit mə Israyelɗe na: «Intə Yawe. Wanəgilgukum səka wəza na balam na Eziptə, wanəpəlkum səka balam neti, wanəkõhgukum də vaw gbogboŋgo gəm də wətawwən gədakə,

Əgilye 6:7

wanəndəkum kanawa, ka ɗiy nawa ya wanəsaw ka Maŋgəlva nokum. Wakəsənən na, in Yawe, Maŋgəlva nokum tə: məzugilgukum səka wəza na balam sə Eziptə.

Yeremiya 34:13

An Yawe Maŋgəlva na Israyel anah yaŋka: Naw nəziwginik wənmiyna dit efiŋgiɗkum gala nəgilgit səka dələv na Eziptə səka balam dawnəh na:

Daniyel 9:15

Kakaŋ na Daya Maŋgəlva namə, kigilgitik ɗiy nok də va gbogboŋ nok səka dələv na Eziptə, kəɗɗak sləmok agilik va pay dəpaŋka. Məgəɗək mambraya, məraygənəka.

Wəza net Masləŋɗe 13:17

Maŋgəlva net ɗiy mə Israyeləŋ awelik efiŋgiɗmə, aɓaygitik aka assoŋ aka dələv na Eziptə; yaŋ agilgit də van təlla sədaka.

Əmsak aka Mahenziŋ 5:15

Kəɗɗumongən na, kəsokuk balam aka dələv na Eziptə, Yawe Maŋgəlva nok agilguk sədak də gbogboŋ na vani, van təlla. Vini Yawe Maŋgəlva nok aɗi suk wən nan kərmagən pay naffete.

Əmsak aka Mahenziŋ 5:6

Intə Yawe Maŋgəlva noko, məs dəgilguk səka dələv na Eziptə, səka balam.

Əmsak aka Mahenziŋ 6:12

asla zuko, vi kədazgət ki Yawe dəgilguk səka dələv na Eziptə səddəv gəla na balamə.

Yosuwa 22:24

Ya vaski ɓa! Nam geslne dədəm məɗɗa vaska, də əɗɗum na kuzuŋ pumpum na kirtukum wanəhaŋ sitin kirtəm na: Awan dəsapokum də Yawe Maŋgəlva na Israyel di?

Yosuwa 24:17

Vi Yawe yi Maŋgəlva namə, məs dəgilgəm mənam dit efiŋgiɗəm səka dələv na Eziptə səddəv gəla na balam. Ama haram aɗɗe Sekeneɗ metiŋgit yeŋkiŋki: Ataɗmək aka tive məs mədaw gbaŋkəŋka gəm səret ɗiy məs mətoŋ dəweleŋgit pakə.

Yosuwa 4:6

Vi dəsangən ka zəga narba wən awalaŋkum. Laha pay kirtukum adattokonən mokum də ənah na: Mi girmeŋgəŋ aŋglaŋ ənahaŋ sukumən di na?

Mətawaŋwəna 2:12

Appanənək Yawe, Maŋgəlva net efiŋgiɗit friki, məs dəgilgit səka dələv na Eziptə. Yaŋ azbetin meŋgilveɗ meɓɓet səret meŋgilveɗ net ɗiy en dəssoŋ kiyit tərwəslə; appu'oŋ abeti, adan sənən gədəv Yawe.

Mətawaŋwəna 6:8

Yawe slən sit məskəleŋ məs dənah sit na: Məs Yawe, Maŋgəlva net mə Israyelɗe anah yaŋka: «Intə nəgilgukum sə Eziptə, səddəv gəla net belemɗe.