Əgilye 12:27 - Bible en Guidar

²⁷ Kənahaŋgən na: Əzaɓ-Maŋgəlva na Pak sən Yawe məs dətoŋ dəka kigəla net mə Israyelɗe a Eziptə, gala abey ɗiy na Eziptə, akõhgit gəleɗe nam yi.» Yaŋ ɗiy aɓe'en appu'oŋgu.

Əgilye 12:27 ပူးပေါင်းရင်းမြစ်များ

1Alabaraɗe Də Mabərkiziti 29:20

Yaŋ Davit anah sit ɗiy dəkkalaŋ pak na: «Məgagdakan Yawe Maŋgəlva nokum haya.» Ɗiy pak agagdakanənək Yawe Maŋgəlva net efiŋgiɗti. Aɓe'eŋke, appu'oŋguk aba Yawe gəm aba məlyã.

2Alabaraɗe Də Mabərkiziti 20:18

Yosafat gbuduk hã məŋkənən afuŋ ne'i, ɗiy na Yuda baymet dit məs dəssoŋ a Yerusalem azbəraŋ afuŋ kapu' aba Yawe;

2Alabaraɗe Də Mabərkiziti 29:30

Yaŋ məlĩ Hizkiya dit ɗiy gugriɗ anəhaŋ sitin mə leviɗe dəgagdakanən Yawe, də əpel na Davit gəm na məwəl helik Asaf. Agagdakanən də wənneke gəm agdukoŋ appu'oŋgu.

Nehemi 8:6

Yaŋ Ezra asokon Yawe, Maŋgəlva Metiŋ. Ɗiy pak azlanən na: «Dəsan vaska! Dəsan vaska!» Də əslan vet a disiŋ, aɓe'eŋgi, agdukoŋ aba Yawe hã miŋkinit ne' afuŋ.

Gəlyaɗe 44:1

Səza daya net məyaŋgəlya; əpel-məmyã'ən net kirtin Kore.

Gəlyaɗe 78:5

Aziwginək tive nazba sən Yakob, aziwgənək mahenziŋ a Israyel adaka. Aɗiyək wən nan sit efiŋgiɗim dərban sitingin kirtiti,

Əgilye 10:2

vi kəboton səngən wutuko, gəm sən wətən wutuk va mbar nəsmenyet mə Eziptiɗ dit sesergeɗe naw nəgəɗ aweleŋtiŋ di. Wakəsənən na, intə Yawe.»

Əgilye 12:11

Vaski kədampərnəni: dadakkum deŋdeŋgi, hensekɗe aka təlkum kpa'ə, zleŋge avokum kãwə. Də kakara kədampərnəni. Pak na Yawe yi.

Əgilye 12:23

Yawe watoŋ karga Eziptə də tatwãhã, ya wawle mbel aka ki maddamba gəm azet wəleŋɗe na maddamba dahãdahã neki. Vasna Yawe watoŋ ki maddamba vani, appan na əza ətoŋ eŋgil anokum da kargan də tatwãh ɓa.

Əgilye 12:28

Mə Israyelɗe ambataŋka, aɗɗaŋgək va Yawe aɗiy sit may Moyis də Aron, vas aɗɗaŋgə.

Əgilye 13:14

Pay an wətuk assohõk mazayən: Vimi aŋ di na? Asna kənah səngən na: Də gbogboŋ na vani Yawe agilgəm sə Eziptə, səddəv gəla na balam.

Əgilye 13:8

Pay dəpaska kəboton səngən wutuk də wənah na: Aŋki Yawe agəɗ viyu gala nəgil sə Eziptə.

Əgilye 34:25

Kədawtaw su wəla zəga mamayã nawzaɓ-Maŋgəlva nok sap də mepteke peŋ məhəsən ɓa, zəga mətaw wəlan ammba wəzləra na Pak, adawvoŋ kim təki dadaŋ ɓa.

Əgilye 34:8

Moyis agəmək zən, ndən ɓe' afuŋ pupu'u.

Əgilye 4:31

Ɗiy atafənək wən nani. Aprəmənək na Yawe akək wən ammbet mə Israyelɗe, awlak ərba wil neti. Ndəni agdukoŋ appu'oŋgu.

1Korintus 5:7

Məgilgən wuɗo məzvan səwalaŋkum kəssoŋgən gəpa məllaɓən meleketen məza wuɗo ɓa. Vas kənanən məza wuɗo ɓa, Pak nam agəɗka, vi mətawni wəla Kristu səkay.

Əmsak aka Mahenziŋ 16:2

Time awaniɓa hawã gəm wasliya, kədawzaɓ-Maŋgəlva sən Yawe Maŋgəlva noko, a təki an Yawe awel ka iya nan dəsangən adaka.

Əmsak aka Mahenziŋ 16:5

Kədawzaɓ-Maŋgəlva na wəzləra na Pak addəv taka net walaŋgəleɗe gugriɗ meɓɓet məs Yawe Maŋgəlva nok apsukuməŋ ɓa;