Əgilye 12:15 - Bible en Guidar

¹⁵ Pay buhul peŋ məza wuɗo ɓa kədawzəmaŋgə. Arbək na, aka pay maddaabəŋ na, kəzanəngən wuɗo sə nokum da. Vi ɗəf an dəzəm peŋ məhəsən təŋ səza əvoŋ taka hã gap aza əvoŋ mabuhulon na, asna kawgilgini səret mə Israyel.

Əgilye 12:15 ပူးပေါင်းရင်းမြစ်များ

Va'Atəŋ 17:14

məs dəskəlawra ɓa hara na, kawgilginiy səret ɗiy nani. Vi aŋzluwək wənmiyna nawa.»

2Alabaraɗe Də Mabərkiziti 30:21

Mə Israyelɗe en dəssoŋ dəpas a Yerusalem, aɗɗaŋgək lumu taka aka əɗɗa wəzləra net peŋɗe məza wuɗo ɓa, də wənnek diyɗa. Mə leviɗe dit məsdəlveŋge tam pay pak əɗiyən ki Yawe dit zəgeɗ məs ɓaɓəlmet diyɗa nalvan Yawe.

Ezra 6:22

Aɗɗaŋgək wəzləra na peŋ məza wuɗo ɓa, də wənnek pay buhulu, vi Yawe, annekenək zit də wəkkpaŋgan makra məlĩ na Asiri kəlazeti, vi kasɓan vet aka wəza na Gəla na Maŋgəlva, Maŋgəlva na Israyel.

Əgilye 12:8

Də dəfəɗəski kədampərnən slu nani. Məpsan dəpse kədampərnən də peŋ məza wuɗo ɓa, də kevile tatrãha.

Əgilye 13:3

Moyis, aɓsit ɗiy na: «Məɗɗumon payəŋ məs kəgilyoŋ sə Eziptə, səddəv gəla na balam, vi də gbogboŋ na van Yawe agilgukum sədaka. Kawzəmi zəga məhəsən ɓa.

Əgilye 23:15

Kərmagən pay na wəzləra na mepteke məza wuɗo ɓa. Wəvoŋ buhul mepteke məza wuɗo ɓa kədawzəma, va nəɗi suk wən nan na aka təla na bu'um, vi aka pay nani yi kəgil sə Eziptə. Azzoŋ addəv Gəla naw va ɗəf halay halay ɓa.

Əgilye 30:33

Ɗəf dəgəɗ tursan va ndəni, dəppay sən ɗəf ɗarə, asna kawgilgini yi səret ɗiy nani.

Əgilye 30:38

Ɗəf an dədasɗeken vi kaffok məŋgənni, asna kawgilgəni səra vanday net ɗiy nani.»

Əgilye 31:14

Kərmanəngən pay naffete, vi salala yi vikum, məs dəzlzlaɓani kawbayni yi zamə, vi ɗəf an dəgəɗ wəza pay nani, asna ɗəf nan kawgilgini səra vanday net ɗiy nani.

Əgilye 34:18

Kərmagən pay na wəzləra məza wuɗo ɓa. Pay buhul kəzəmgən peŋ məza wuɗo ɓa, an məs nəɗi suk wən nan gala təla na bu'um, vi aka təla na bu'um kəgil sə Eziptə.

Əgilye 34:25

Kədawtaw su wəla zəga mamayã nawzaɓ-Maŋgəlva nok sap də mepteke peŋ məhəsən ɓa, zəga mətaw wəlan ammba wəzləra na Pak, adawvoŋ kim təki dadaŋ ɓa.

Məsdəlveŋge 17:10

Ɗəfa, ɗəf səmmbet Israyelɗe awaniɓa molhõyẽɗ dəsson aweleŋti, an azəmək mbeli, ədagədəv naw wasan aka afən nan dəzəm mbeli, kawgilgin səra mahəlfa nani;

Məsdəlveŋge 17:14

vi zəŋgile zəga məs də gəɓa zən pak mbəl nanəŋ aka tay madarani, vini nənah sit mə Israyelɗe na kədawzəmaŋ mbel ɓa, vi zeŋgile zəga məs gəɓa zən pak mbel nanəŋ; ɗəf an dəzəm mbeli kawgilgini səret ɗiy nani.

Malakiya 2:12

Ɗəf dədaw vaska, kəta Yawe dəzani, ndəni, kirtini gəm gəla nan səweleŋgit kirtin Yakob də ɗəf an dədawki əvəl sən Yawe Məzuɓappak də iya nan zlaŋgə.

Əŋɗa 28:17

Pay makəlaw kiyən sle'en na təla van na, pay na wəzləra yi: addəv pay buhul na, peŋ məza wuɗo ɓa kədawzəmaŋgə.

Əŋɗa 9:13

Ya kan na, pay ɗəf an məs heslepe tay azan ɓa ya a malakay ɓa, dəzgə sləma aka əɗɗa wəzləra na Pak ɓa na, ɗəfəs nawgilgini səret ɗiy nani; vi dəka əvəl nan sən Yawe aka pay məs məɗiyən ɓa, ɗəfəs wardə də tatwãh na mambray nani.

Matiye 16:12

Yaŋ gewleɗ nan aprəmnən gabban na dəpel nawsla zə ɗəf səza wuɗo net meptekeɗ ɓa, səza ərba zəga net Farisaɗe dit Sadukiɗe.

Luka 12:1

Pay nani ɗiy akkalaŋgək zəga na gabal kaklawɗe hã əndapanən ziti. Yaŋ Yesu atəŋ əpel sit gewleɗ nani: Məsla zukum səza wuɗo net mə Farisaɗe ana muluvuluvu neti.

Luka 2:43

Səza əvoŋ na wəzləra aggrakə, ndəɗaŋ buryok, wiyən Yesu nak bew a Yerusalem, ya migilin dəsənnən eket ɓa.

Wəza net Masləŋɗe 12:3

Adan awla na annekik zit mə Yudeɗi, armak Piyer, dəpas na pay net meptekeɗ məza wuɗo ɓa yi.

Galatiyen 5:12

Məzlzloɓokumən vetis dətawən bet van tərŋgbəkə an aŋglaŋka.

Əmsak aka Mahenziŋ 16:3

Kədawzəm peŋ məgəɗ sən wuɗo ɓa; addəv pay buhul peŋ məza wuɗo ɓa kədawzəma, peŋ nassahãn zə ɗəfa, vi də kakara kəgil sə Eziptə, addəv ənziya egge nok pak kəɗɗumongən pay məs kəgil səka dələv na Eziptə.

Əmsak aka Mahenziŋ 16:5

Kədawzaɓ-Maŋgəlva na wəzləra na Pak addəv taka net walaŋgəleɗe gugriɗ meɓɓet məs Yawe Maŋgəlva nok apsukuməŋ ɓa;

Əmsak aka Mahenziŋ 16:8

Pay sləre, kəzəmgən peŋ məza wuɗo ɓa; pay mabuhulon na, pay nakkal na mahenziŋ na Yawe Maŋgəlva noki. Wəza tay kədawrəŋgən ɓa.