Əgilye 12:14 - Bible en Guidar

¹⁴ Pay nan wasan sukum naɗɗum akani. Wakəɗinən ka na wəzləra sən Yawe vi sayit ɗiy nokumu. As an məɗiyən naɗɗa məza addəɗ ɓa pay paki yi.

Əgilye 12:14 ပူးပေါင်းရင်းမြစ်များ

2Milyeŋge 23:21

Məlĩ aɗiyək wən nan sit ɗiy pak də wənah na: «Məɗɗa wəzləra na Pak na Yawe Maŋgəlva nokum, va məverin addəv ɗerewel na wənmiyna.»

Gəlyaɗe 111:4

Aŋgələk ɗiy dəɗɗumetin sekeneɗ nani; Daya məgəɗ moggoni, muwəl sasãhĩ.

Gəlyaɗe 135:13

Yawe, kawpeli iya nok ɗayɗayə. Kawnəhĩ wən nok aka sayit ɗiy pakə, Yawe.

Əgilye 12:17

Kərmanəngən pay na wəzləra məza wuɗo ɓaŋka, vi pay nani yi, nəgilgit dulaɗe nalpa nokum səka dələv na Eziptə. As an məɗiyən naɗɗa məza addəɗ ɓa pay paki yi.

Əgilye 12:24

Kərmanəngən əpel məɗi wən nanəŋka, is dit kirtuk ka mahenziŋ hã faɗə.

Əgilye 12:43

Yawe anah sən Moyis də Aron na: «Əɗɗa na Pak yaŋka: Molhõyõ tay dədawzəm ɓa.

Əgilye 12:6

Kəɗinəngən gap əvoŋ kəlaw kiyən poɗo na təlaŋka. Wəsap net ɗiy na Israyel dəwən neti, dətawningən wəlet pay priŋpriŋgi.

Əgilye 23:15

Kərmagən pay na wəzləra na mepteke məza wuɗo ɓa. Wəvoŋ buhul mepteke məza wuɗo ɓa kədawzəma, va nəɗi suk wən nan na aka təla na bu'um, vi aka pay nani yi kəgil sə Eziptə. Azzoŋ addəv Gəla naw va ɗəf halay halay ɓa.

Əgilye 27:21

Addəv gizlirke nalma də Maŋgəlva, aba gabaga məzlzlarən dəɗaman akoti na wənmiyna, may Aron dit kirtin waɗiynən dəzləgən də moskoy hã təki dadaŋ aba Yawe: Mahenziŋ məs addəɗ na ɓay ammba sayit mə Israyelɗe faɗə.

Əgilye 5:1

Sissiŋgi may Moyis də Aron azzoŋ anah sənən Farawən na: «Yaŋ an Yawe Maŋgəlva na Israyel anahə: Appet ɗiy naw dəmbataŋ wəɗɗa əzləra a kapta-muyã aka iya nawa.»

Ezekiyel 46:14

Dəwəl sən əvəl na, də mompummo pak kədawki gəpa kilo sle'i, mẽl litər sula, vi kawslãhan gəpa. Əvəl də zəga na mabardawi sən Yawe, mahenziŋ məs arslə na ɓa hã faɗi.

Məsdəlveŋge 23:6

Pay makəlaw kiyən sle'en na təla vani, pay na wəzləra net peŋɗe məza wuɗo ɓa sən Yawe yi. Addəv pay buhul na, peŋ məza wuɗo ɓa kədawzəmaŋgə;

Zakarya 6:14

Mətərkiya wassan addəv Gəla na Yawe, kaɗɗumet may Helday, Tobiya, Yedaya gəm Hen wətən Sefanya.

Əŋɗa 10:8

Kirtin Aron məsdəlveŋge dədoffetin moheŋɗe vetiski; dəssoŋ sukuməngən faɗ ka mahenziŋ məza akkpaŋ ɓa vi sayit ɗiy pakə.

Əŋɗa 15:15

Adan ɗiy taka kənanaŋ na, tive nadawgən mahenziŋ taka vikum gəm vi molhõyõ məs dəsan awalaŋkum; dəsangən tive nadawgən mahenziŋ an pay pak aba Yawe, vikum gəm vi molhõyõ va wəzveɗe atoŋgoŋ pakə.

Əŋɗa 18:8

Yawe aɓsən Aron na: «awla, in nədap suk wəza nawga zəgeɗ na matuya en məvəl su dənɗaŋ, en məs mə Israyelɗe aɗiyaŋ pakə. Nipsukuko gəm sit kirtuko, mahenziŋ nan addəɗ na ɓa.

Matiye 26:13

Gesiŋ nədawnah sukum: A təki adawpelin Wən Nenek aka dələv də wən nani, kawpeli aka an ɗakkəŋ təgəɗəŋka'e, vi kaɗɗumon wən nata.

Luka 22:19

Ndən mepteke gəmə, agəɗək soko sən Maŋgəlva, arɗani apsit dawnəh na: Aŋki gəɓa zuw məpsa vikum, məɗɗa vaska vi kəɗɗumowəngəni.

Əmsak aka Mahenziŋ 16:1

Azlək sləma aka təla nawbəla, aɗɗa wəzləra na Pak sən Yawe Maŋgəlva noko, vi aka təla nawbəl vanəski Yawe Maŋgəlva nok agilguk sə Eziptə, də dəfɗa.

Əmsak aka Mahenziŋ 16:11

Kənnekgən aba Yawe Maŋgəlva nok də wutuko, dət wutuko, də balam noko, dət balamək noko, də mə levi na walaŋgəleɗe gugriɗ noko, də molhõyõ, də mitiwe dət gagəbay məs dəssoŋ awalaŋkum a təki an Yawe awel ka iya nan dəsangən adaka.

Əmsak aka Mahenziŋ 6:8

kinetgin deŋ va zəga nawsən wən azan aka voko, gəm va zəga vlõh a mirbizko;

Yosuwa 4:7

Kənahaŋ sitingən na: Guzlo na məlpa na Yurden dərslə səba akoti na wənmiyna na Yawe, gala akoti van aggar ki Yurden! Vini kan girmeŋges assoŋ ka zəga naɗɗumon akan sit mə Israyelɗe hã faɗə.»

1Samiyel 30:25

Təŋ dəpaski aziwgin wənəs va tive naɗɗa zəga təstəs a Israyel, ya tay əɗɗa wəza hã dəpaŋka.