Əgilye 11:8 - Bible en Guidar

⁸ Addəv asna məɗɗaŋ wəza nok wapirkoŋ kəlazawa, wappu'oŋ abaw də wənah na: Agili, is dit ɗiy nammba təluk pakə. Sə dərɓaga askan na, wanəgili» Yas agil səza Farawən addəv ədagədəva.

Əgilye 11:8 ပူးပေါင်းရင်းမြစ်များ

1Milyeŋge 20:10

Ben-Hadad slən azani, yaŋ amna: «Meŋgilveɗ dəɗɗaŋ suwən an naɗɗa pakə, an burɗuk na Samari waknəh vet məzəlpaŋ naw ɗapɗapə!»

2Milyeŋge 3:9

Məlĩ na Israyel, na Yuda gəm na Edom, agəmənək tive. Adawaŋgək gap əvoŋ buhulu, iŋkile nawsa net məzəlpaŋ dit en net zəgeɗ memeyẽɗ nammbet akkpapaŋka.

Nehemi 5:6

Səza nəprəm dolgoy neti gəm əpel temteməska, assawək ɗiyɗa.

Gəlyaɗe 6:1

Səza daya net məyaŋgəlya, də zəgeɗ naskəla, gəzləŋtəndəŋ məs helegen dodopoɗo. Gəlyanalva na Davit.

Əgilye 10:29

Moyis amna: «Va kənahə! Nula na ɗah horok əmpa ɓa!»

Isaya 49:23

Milyeŋge wassoŋ ka ɗiy nazgəlkuni, gil net milyẽŋge wadiɗkuni. Wappu'oŋ aboko, watarna'ən hologudum naza təlko. Wakəsən na intə Yawe, ɗiy en dəɗinən əɗɗum net akawa, arbaŋ na wil ɓa.

Isaya 49:26

Məzəmgukumən sahã wanəzimgit slu ziti, mbel net wabey va mbazla na meketepe. Asna ɗiy pak wasənnən na məzukõhguk na, intə Yawe, məzubituk na, ndəni Məzuɓappak na Yakob.

Ezekiyel 3:14

Yaŋ Əmpəs asilguwa, mah əkuwa; makraw səkəkə, gədəvu mədani. Ya va Yawe armuwək ɓəlɓələ.

Daniyel 3:19

Ndəni makra Nabukodonozor asəkəkə, ki haran kpaŋ rosros aket may Sadrak, Mesak gəm Abed-Nego. Aɗiyək wən nan vi karman movoro offo day ki an ɗayɗay gap təl buhul.

Əŋɗa 12:3

Ya Moyis nan, ɗəf məs dəɓe'gən kiyən aba Daya yi day ki ɗəf awandi pak aka dəlvafuŋgu.

Markus 3:5

Yesu abbalanək haran aket na gədəv nawda, makra ɓəɓəl net assanəka. Yaŋ aɓsən sən ɗəf nak na: Appar voko. Apparək vani. Van nak ambəlka.

Əmsak aka Mahenziŋ 29:24

Kawzlani na: «Vi azganən wənmiyna na Yawe, Maŋgəlva net efiŋgiɗti, məs aynan wən nan dənɗaŋ pay agilgit sə Eziptə.

Əmsak aka Mahenziŋ 32:24

Pay may adaddeketi, mamal wagime, əza metiŋgin warihe, wanəppet zəgeɗ darewit aket dit zəgeɗ mədawaŋ də gədəvit aka dəlvafuŋ.

Ibriɗe 11:27

Də ətafi azar sə Eziptə məza əgeslne sən ədagədəv na məlĩ ɓa, tay ziw ɓəlɓəl va ɗəf məzula məs hara ɗəf awlan ɓa.

Hənhən 3:9

Yaŋkəŋ na, in tat əpsuk təki nakkal net ɗiy na Satan avoko, en məɗinən ki zit ka mə Yudeɗi ya mə Yudeɗiŋ ɓa, vi wən adawaŋgə. Awle, wanəɗɗa dəzzoŋgən əppu' ammba təlko, wasənnən na nəŋglukuko.

Mətawaŋwəna 4:10

Barak akkalanək mahəlfa na Neftali gəm na Zabulon a Kedes. Zel gabal kəlaw azbanənka, Debora pak tələk dəndəni.

Mətawaŋwəna 8:5

Yaŋ aɓsit ɗiy na Sukkot na: «Kamə, məpsən peŋ sən vanday məs dədazbawəŋka, vi ayaŋka; may Zeba də Salmunna milyeŋge na Madiyan nədarɓeheti.»