Əgilye 11:5 - Bible en Guidar

⁵ Uwa maddaabəŋ naka dələv na Eziptə pak wamtə, təŋ səza uwa na Farawən maddaabəŋ, məs dədawgəm mazaŋga na məlĩ nan kəta, gap aza an nat balamək nan məzusəra, dit kirtit zəgeɗ memeyẽɗ maddaabəŋ pakə.

Əgilye 11:5 ပူးပေါင်းရင်းမြစ်များ

Gəlyaɗe 105:36

Abeyik magaziɗe naka dələv pakə, uwa na maddaabəŋ neti.

Gəlyaɗe 135:8

Ndəni dəbey magaziɗe net mə Eziptəɗe, təŋ səza ɗəfa, gap azet zəgeɗ memeyẽɗi.

Gəlyaɗe 136:10

Ndən məs dəbey magaziɗe net mə Eziptəɗe, vi moggon nan tay hã faɗə,

Gəlyaɗe 78:51

Abeyik magaziɗe net mə Eziptiɗe, uwa maddaabəŋ na gawla net səddəv zev Kam.

Əgilye 12:12

Dəfəɗ nan na wanətoŋ dəka dələv na Eziptə. Wanəbay uwa maddaabəŋ na ɗəf titir də an na zəga mamayã naka dələv na Eziptə pakə. Ya in Yawe wanətaw wən aket meŋgilveɗ na Eziptə.

Əgilye 12:29

Aka teteŋgit sin na, Yawe abeyik uwa maddaabəŋ naka dələv na Eziptə pakə, təŋ səka Tiz na Farawən məs nawsan aka mazaŋga na məlĩ nani hã gap aka Tiz na mə fərsəna a fərsəna, də an net zəgeɗ memeyẽɗi.

Əgilye 13:15

Gala Farawən aɓɓəlan kiyən, atakəm dawmbata, Yawe abeyək uwa maddaabəŋ net ɗiy də an net zəgeɗ memeyẽɗ naka dələv na Eziptə pakə, vini nədawzaɓ-Maŋgəlva sən Yawe də uwa na məlviya mizilin pakə, ya uwa maddaabəŋ net kirtu pak nəbitgini.

Əgilye 4:23

nənah sukuk na: Appan wətu dəmbat əgəɗ su wəza, yaŋ kəɓoŋ dappan əmbata! Ya asna wanəbay wutuk uwa maddaabəŋ noko.»

Isaya 47:2

Egim kirtit buwən sula asər haya. Ator zəga səkoko, akros gabba lukut nok kəppangən mettilok appaka kəkkaɗgən kiyit məlpeŋge.

Əɓuhma 5:13

Gewleɗ togbõli tahəŋ əsəraŋgə, gewleɗ tahəŋ əskotoŋ sən gagdak na zəga nawsla.

Matiye 24:41

Gil sula wassoŋ wəsər aka buna, Kawgəmi taka, mbək taka.

Ibriɗe 11:28

Də ətafi, aɗɗa əzləra na Pak gəm aksu' mbeli ka Maslay na əmta adawrəŋgit tiziɗe na Israyel ɓa.

Mətawaŋwəna 16:21

Yaŋ mə Filistiɗe armanəni, agdəhənən haran sulagəni, aprikginən a Gaza, aynanən dit ŋgəyamɗe heret sula na təbəz pepreŋge. Asanək əkkpaŋgan gərəm nawsər addəv gəla net məfərsəneɗi.