Əgilye 10:9 - Bible en Guidar

⁹ Moyis amna: «Dit gewleɗi, gəm mezzeɗ nam mədaddamə, dit kirtəm mezeŋgleketi, muguluŋgiti, gilewi, timeŋgiɗ dit wasliɗe nam mədaddamə. Vi wəzləra mədagəɗ sən Yawe.»

Əgilye 10:9 ပူးပေါင်းရင်းမြစ်များ

Va'Atəŋ 50:8

Gəm gəla na Yosef dəwənnani, milmiŋgiɗin də gəla na afəni. Kirtiti, gilewi, timeŋgiɗ dit wasliɗe net appaŋ kaka' aka dələv na Gosen.

Əgilye 10:10

Aɓsit na: «Mbara! Yawe wasan də mənokum an nəppokumək əmbat dit kirtukum! Mula va mbərayən asan a mirbizkum!

Əgilye 10:26

Ya dit zəgeɗ memeyẽɗ nam mədaddamə, zəga təttaka tay dədappa ɓa. Vi səreti yi mədawgəm nawgəɗ sən wəza sən Yawe Maŋgəlva namə. Mənam zək nam məsən an mədawzaɓ-Maŋgəlva sən Yawe dəndə an mənam gapsa adaki ɓa ɓa.»

Əgilye 12:32

Migim gilew dit wasliɗe nokum va kənahaŋgə, məddoŋgu. Kəɓuhoŋ suwəngən ma tamə!»

Əgilye 12:37

Mə Israyelɗe ambataŋgək sə Ramses a Sukkot, məzəlpaŋ mədawaŋ də tilit waɗɗaŋ gabal səkat sləre, zəli məza əŋɗet kirin ɓa.

Əgilye 12:38

Mahəlfaɗə mbirit diyɗa aslahaŋgək dənɗaŋ ambataŋgək dit gilewi, timeŋgiɗi gəm wasliɗe kaɗkaɗə.

Əgilye 13:6

Lumu taka, zəga məza wuɗo ɓa kədawzəma. Pay mabuhuloni, wəzləra na Yawe yi.

Əgilye 3:18

Waprəmən moko, kətoŋgoŋgən, ana məlĩ na Eziptə da, isi, gəm ɗiy məsɓet na Israyel; kənahaŋ sənəngən na: Yawe, Maŋgəlva net mə Ibriɗ, arbanək zən azamə; ya kakaŋ na, kamə, mam aka əmbat malaka nasɓəta hoku aka ədaw a kapta-muyã, ətaw wəla zəga nawzaɓ-Maŋgəlva sən Yawe, Maŋgəlva namə.

Əgilye 5:1

Sissiŋgi may Moyis də Aron azzoŋ anah sənən Farawən na: «Yaŋ an Yawe Maŋgəlva na Israyel anahə: Appet ɗiy naw dəmbataŋ wəɗɗa əzləra a kapta-muyã aka iya nawa.»

Əgilye 5:3

Aɓɗaŋ na: «Maŋgəlva net mə Ibriɗe arbanək zən azamə; kamə appam əmbat malaka nasɓəta hoku aka ədaw a kapta-muyã, kawzaɓ-Maŋgəlv sən Yawe, Maŋgəlva namə, an vaski ɓa na wabayəm də gəbay merma awaniɓa də masalam.»

Wənməkkpaŋga 3:9

Aɗi ki Yawe də zəga voko, də zəga an daabəŋ na zev ərəh nok pakə.

Məsmaɗula 12:1

Aɗɗumon an dəzəməɗuk pay kədawman zuk na gawla, tak əzza na pay daryaw gəm əzva məs kədawnah na: Nattəman moggon nassa addəv ənziya egge ɓa.

Əŋɗa 29:12

Ɗə əvoŋ kəlaw kiyən masle'en na təla mabuhulon na, kəɗɗaŋgən əkkal salala. Wəza tay kədaɗɗaŋ dəpas ɓa. Kəɗɗaŋgən lumu taka aka əɗɗa wəzləra sən Yawe.

Efesus 6:4

Migilit kirni, kədawdanən gidivit kirtukum ɓa, məzgil də əsərikgiti gəm əzga sit də əpel na Daya.

Yosuwa 24:15

Ya an əɗɗa wəza sən Yawe tay law azokum ɓa na, dəpaŋ məwel an kədaɗɗaŋ sənən wəza, an meŋgilveɗ məs efiŋgiɗkum aɗɗaŋ sitin wəza gala assoŋ dəgar ki məlpa metiŋgəŋ, an meŋgilveɗ net mə Amorɗe məs kəssoŋ də gəla aka dələv netiŋkəŋgə. Ya naw də gəla naw na, sən Yawe mədawgəɗ sən wəza.»