Əgilye 1:14 - Bible en Guidar

¹⁴ akkpaŋganənək əssa net tuwãh diyɗa, də wəpsit wəza tatwãh naɗɗa: Dələv nawndəɓa, menekeɗe nawbaya, wəza net gulyeŋɗe, wəzeɗe en apsitin pak va nawtemi ɗarə.

Əgilye 1:14 ပူးပေါင်းရင်းမြစ်များ

Va'Atəŋ 15:13

Anah sən Abram na: «Asən lewlewi, zeŋvuk wasan aka guwa. Kawɗiyti yi ka belemɗe, waɗɗaŋ sitin wəza gap wəzva səkat poɗo.

1Milyeŋge 12:14

anah sit ɗiy nek va gewleɗ nek anahaŋ sənən na: «afu akrək sukumək wəza tatwãha, naw wanəgagdakan sukum azani; də ɗoŋgroŋ na zumi yi afu azga' sukum, ya naw dit hərziyeɗ nədazga' sukum!»

Gəlyaɗe 129:1

Gəlya nawpəŋ ədda əkkam a Yerusalem. Asərnənək maw təŋ səka gawlawa, Israyel dəmsak ənahən:

Gəlyaɗe 68:13

Milyeŋge dit məzəlpaŋ ənzoŋ koyayaya, ɗak təsat eŋgil watuɗak zəgeɗ nawrəh na ma əgaya.

Gəlyaɗe 81:6

tive nazba aɗi sən Yosef gala agil əgay də dələv na Eziptə: In tat əprəm əpel məza nəsən ɓa;

Əgilye 1:11

Aɗiyaŋgək deyeɗe aketi vi dəzimgitingin sahã, dəɗɗaŋgən wəza na vavyakə, arkaŋgək walaŋgəleɗe nakkelet zəgeɗ sən Farawən addəvti, Pitom də Ramses.

Əgilye 1:13

Mə Eziptiɗ azimgitinik sahã net mə Israyel va nawteme,

Əgilye 1:15

Məlĩ na Eziptə aɓsit gil məzuwaŋ gil net mə Ibriɗe, akən taka dawyətən na, Sifra, masulat tam na Pu'a:

Əgilye 2:23

Sə dərɓagan alyaŋ adaka, məlĩ na Eziptə zamə. Mə Israyelɗe aɓuhunək met sən wəza, ahəmaŋka. Əhəm net agapək aza Maŋgəlva aka wən na wəza.

Əgilye 20:2

Intə Yawe, Maŋgəlva noko, məs dəgilguk səka dələv na Eziptə, səka balam.

Əgilye 6:9

Vaski Moyis apel sit mə Israyelɗe, ya dəprəmən ma Moyis ɓa, vi wəgəsa nawɓəs net gəm wəza ɓəɓəl na balam neti.

Wənməkkpaŋga 28:15

Va ɓoolu adawbay gagay, va zəga darawən adawyaŋ Ursə adawzlaha, vaski məsdaraw məs dəsan məlĩ aket ɗiy məddekti.

Isaya 10:24

Sən aski Daya Maŋgəlva Məzuɓappak anah na: Ɗiy naw məs dəssoŋ a Siyon, kədawgeslne'eŋ sən Asiri ɓa, tay əvəruk də tandaŋ, tay əslan zleŋge nan akok va net mə Eziptiɗ lahəŋka.

Isaya 14:6

Ndən məs dədarge ɗiy lahəŋ addəv ədagədəv məza sosokko ɓa, agəɗ sitik vavyak sit ɗiy maslsla aman ŋgbofŋgbofu ərɓehet məza iya ɓa.

Isaya 51:23

Wanəɗi aket məzərmaŋ mama azoko ndəɗaŋ məs dənah sukunən na: Aɓe'i mətoŋgəni. Yaŋ nok kəkkpaŋgan dəɓok va dəlvafuŋgu va tive sit məzudawaŋgə.

Isaya 52:5

Ya kakaŋ na, Yawe aɗiymani: Miy nədaɗɗa di? Vi agiminik ɗiy naw na mekeleŋ. Mərmaŋ mama azet tahəŋ əŋzlaŋ vaŋvəl na ənneke, Yawe aɗiymani. Pay pak huruɓ əraygən iya nawa.

Isaya 58:6

Aŋki əɗɗa meme an nəŋgələ, əpil ngiyamɗe səka tilit ɗiy məs miynet na Darawə. Əpəl helegeɗ sulet ɗiy məɓrukit dəssoŋgən də meti, wənzlu zuk səma wəleti.

Məsdəlveŋge 25:43

Kədassok akan kərək ɓa, vaski kədawgeslne sən Maŋgəlva noko.

Məsdəlveŋge 25:46

Məs kədappaŋ nawzəmgəla sit kirtukum vi dərɓogokum na dəssoŋgən ka nawray vet faɗə. Neti, waɗɗaŋ sukumən wəza hã faɗə, milmiŋgiɗkum mə Israyelɗe, ɗəf nanokda adawsan kərək aka məlmən ɓa.

Məsdəlveŋge 25:53

Ɗəf waɓap wəsan wəzva kpototo ana ɗəf məs dəlbah da va məgəɗ wəza ka koɓeɗi, adawsan akan kərək dorok ɓa.

Mika 3:3

Məzəmaŋ sliwit ɗiy nawa. Məttorən kotorok neti, mənzlaŋ slesleŋti, mərsletin va nawɗi a mesteɓe va slu addəv mesteɓe.

Nahum 3:14

Ambaɗ iŋkile nok eŋgili, akkpuɓet korguɗe noko, dok addəv ndərɓa, andəp dələva, arma zəga nawbay meneke!

Əŋɗa 20:15

Efiŋgiɗəm apirkeŋgək a Eziptə, məsamək adak wəzveɗe diyɗa, ya mə Eziptiɗ azəmgəmənək sahã, mənam dit efiŋgiɗmə.

Wəza net Masləŋɗe 7:19

Ya nani, asmayanək mahəlfa namə; azəmgitik sahã net efiŋgiɗmə, də əɗɗa ka dəppetingin mipriŋgeɗ net dəmtaŋgəni.

Wəza net Masləŋɗe 7:34

Ula nula əzəm sahã net ɗiy naw a Eziptə, nəprəmək ənɗəs neti, nəprik na vi kawkõhgiti. Kakaŋ na ade, nəslənuk a Eziptə.

Əmsak aka Mahenziŋ 26:6

Yaŋ mə Eziptiɗ azəmgənən sahã, asərənək mamə, aɗiymənək naɗɗa wəza na balam tatwãha.

Əmsak aka Mahenziŋ 4:20

Nokum na, Yawe andukuməko, agilgukum sə Eziptə dəsan va mosgoy nanwẽsl təbəz addəvən, vi kəkkpaŋgaŋgən ɗiy na vawray nan va kəssoŋ dəpaŋka.

Ɗerewel nat Rut 1:20

Ndət əzlan sit na: «Kədawyəwən na Nawmi ɓa! Məyu na Marra! Vi Məzuɓappak akkpaŋgawək na sahã an faɗə.