Əɓuhma 4:20 - Bible en Guidar

²⁰ Armanən məgə əmpəs nam wẽk, ana məlĩ mesiya na Yawe, ndən məs mədawnah na: «Ara zeŋgileni waməsam madaram aweleŋgit ɗiy-ɗarə!» Yaŋ addəv bizwil neti.

Əɓuhma 4:20 ပူးပေါင်းရင်းမြစ်များ

Va'Atəŋ 2:7

Yawe Maŋgəlva aɗɗak ɗəf titir də burɗuk səka dəlvafuŋ. Sissiŋ Afu' sən əmpəs na zeŋgile a məŋkənni, ɗəf titir nak kpaŋ ɗəf də zeŋgilen madarani.

Va'Atəŋ 44:30

An nəmbatək aza balam nok əbba, wiynəŋ tay də mənam ɓa, megenegenen sap də an nani yi.

2Samiyel 1:14

Davit aɓsən na: «Mbari kəgeslne' dawslan vok aka mesiya na Yawe ɓa, kəzanəŋ di?»

2Samiyel 1:21

Gərmeŋge na Gilbo'a, minɗe də buwən aziyaŋ na akokum ɓa, gulyeŋge nabokum assoŋ na də ba'ar ɓa. Vi adaki mərnoket barayɗe net məs mekreti, məppay səni mẽl sən baray na Sawlu ɓa,

2Samiyel 18:3

Məzəlpaŋ aɓɗaŋ na: «Owwo! Kəl na də mənam ɓa! Vi an mənzamək na, məzuzelɗe nam maɗɗulet asan na akam ɓa. An abayaŋgək wəɗak nam dayday na, wawlanən va zəga azet ɓa. Is kaka' va mənaməŋ gabal kəlaw səram kənani. Nok dərəŋ na, ɗaɗah asok a walaŋgəla-metiŋ kəɓapgən əslən səm əbbaha.»

2Samiyel 19:21

Vi in balam nok nəsənək na nəgəɗək mambraya. Yaŋ dəpaŋ nədek daabəŋ ki gəla na Yosef pak kawləm sən daya naw məlyã.»

2Alabaraɗe Də Mabərkiziti 35:25

Yeremiya aɓapək gəlya na gəlabay ammba Yosiyas; məyaŋ gəlya zel dit gil pak apeleŋgək aka Yosiyas addəv gəlya na gəlabay van hã gap pay dəpaŋka; Mahenziŋgis asanək a Israyel, yaŋ məsepet gəlyeɗes aret en na gəlabaya.

Isaya 32:2

Nawaydi pak səret wasan, va təki nawɗam sən barkataŋ va zlava aba buwən maŋgalaw, va iŋkile mədawaŋ aka təki məklakani va zəŋgile milɓe gagdak aka dələv məs pay adazla sla'sla'.

Yeremiya 39:5

Yaŋ məzəlpaŋ net mə Kaldiyeɗ azbetini, arufnən Sedekiya a təki məpəlayya na Yeriko; armanəni akanən aza Nabukodonozor məlĩ na Babilon a Ribla, aka dəlev na Hamat, yaŋ atawwən akani.

Yeremiya 52:8

Yaŋ məzəlpaŋ net mə Kaldiyeɗ arɓahanən məlyã, arufnən Sedekiya a təki məwarwar na Yeriko; məzəlpaŋ nan pak atərayaŋgək səmmbani.

Yeremiya 52:9

Armannək məlyã, akanən aba məlĩ na Babilon a Ribla aka dələv na Hamat. Atawwən akani.

Əɓuhma 2:9

Maddambeɗe nan pak atoŋgoŋguk afuŋ, areygitik təbzeŋge nawkəɗəslit petepete. Məlĩ nani dit ɗiy gugriɗ nan pak tahəŋ ammba vet ɗiy ɗarə, mahenziŋ tay ɓa, məskəleŋɗe nan dayday awrəhaŋ ula məs dəde səza Yawe ɓa.

Ezekiyel 12:13

Wanəppar mazzaɗ naw akani, warəm aka bizwil nawa, wanəki a Babilon dələv net mə Kaldiyeɗi; awla na ɓa wamtə adaka.

Ezekiyel 17:18

Azelenək əswaya, aggarək ki wənmiyna; atələk van apsənək lahəŋka, zəgeɗ agəɗəs pak na ndən kawkõhõ!

Ezekiyel 31:17

Net pak aprikeŋgik dəndən a təki net ɗiy mimtit azet ɗiy məbeyit də masalam naka. Məzəbbahaŋ sənənəŋgə dəssoŋ də gəla ara zeŋgile nan a walaŋgit ɗiy-ɗarə.

Daniyel 4:12

Ya məppan gbuŋgburun də siwerin afuŋ, mətəwəɗ ngiyamɗe na təbəz titire gəm na təbəz pepreŋ akani, məppan a kevile awra! Minɗe dəziyaŋgən akani, dəzəmgən kevile nafuŋ va zəgeɗ memeyẽɗi.

Hose'a 13:10

Aŋgay məlĩ nok di? Ngay kan dəkõhgukgən səddəvit walaŋgəleɗe gugriɗ nok pak di? May mətawaŋwən akok en kədawnəh na: «Avay məlĩ dit dayaɗeŋ di?»

Mətawaŋwəna 9:15

Rəɓ net dedirgeɗ aɓsit wəleŋɗe na: An gesiŋ mokum aka nəzəmgən məlĩ akokum na, asna məde məkay təki nawɗam addəvwa, vas ɓa offo wagil səddəv rəɓ net degirgeɗi, wazim muguguleɗ na Liban.»

1Samiyel 12:3

In yakəŋkə məpel akaw aba Yawe gəm aba mesiya nani: Wasli na naway nəgəm di? Koro na naway nəgəm di? Nawa nəsər man di? Naway nəzəmgən sahã di? Səva nawa nəmõh zəga di? Vurum aza zəga na naway nəgəɗ di? Mənah suwa, wanəmndagan sukum.»

1Samiyel 12:5

Aɓsit na: «Miziwe naw abokum na, Yawe yi gəm mesiya nan dəpaŋka, vi zəga tay kərahaŋ avaw ɓa.» Aɓɗaŋ na: «Dəsan miziwe.»

1Samiyel 16:6

Adan azzoŋgu, Samiyel awla Eliyab, amna: «Sessel ndəni mesiya na Yawe.»

1Samiyel 24:10

Davit anah sən Sawlu na: «Vimi kədaprəm met ɗiy, dədawnahaŋ sukun na, Davit yaŋ əkayan suk mbəraynəŋ di?

1Samiyel 24:6

Sədərɓaga aska, makra Davit tay gbawgbaw vi ataw gabba lukut na Sawlu.

1Samiyel 26:16

Yawe madarani, zəga an kəgəɗəs moggoni ɓa. Əmta dədah sukum vi kəganən daya nokum mesiya na Yawe ɓa! Kakaŋ na awla ngay tulhõ na məlĩ də bəbər net iŋkile na disiŋ kinin di?»

1Samiyel 26:9

Davit aɓsən Abisay na: «Kəbay ɓa, nawa dətəl ɗah van aka mesiya na Yawe ndən ɗew barbar di?