26 Moggoni əga əkõh na Yawe də ɓatɓatə.
Aka wəkõh noki yi, makraw asani Yawe.
Wən nokum tay də əlpaŋ ɓa, məkay təkiya, məziw mula əkõh na Yawe məs adawkõhgukum. Yuda də Yerusalem, kəgeslne'eŋ ɓa, kəkkereŋ ɓa. Pummo na, məgil abeti, Yawe wasan də mənokum.»
Əkõh nok nədawga Yawe nəzbetik mahenziŋɗe noko.
Maw aka əkõh noko Yawe, mahenziŋ nok dədanneken zuwa.
In tat əga Yawe, də megenegenew pak nədawgani, əpel nan nədawga.
Aɗi əga nok aka Yawe, arma tive nani; dələv wasansuk ka noko, wakule va adawzetin məsdarawɗe.
Asok ɓatɓat aza Yawe, aga səvani; herɗe adaɗɗukun aka ərəh na ɗəf ɓa, may aka ɗəf məgəɗ zəga net wil ɓa.
Ɗəf yaŋ məza dəɗi Maŋgəlva ka təki nawɗam nan ɓa, aka diyɗa na arya nan əɗɗum nan asani, gboŋgboŋgi addəv əbaygəbay an adawbaya.
Maŋgəlva yaŋ əzzan əbbah suwa. Daya tay aweleŋgit ɗiy məkaŋ wən ammbawa.
Aza Maŋgəlva na wanəsaw fendeŋgi, əkõh naw səzan adazzani.
Əssa go'o də Maŋgəlva na, arya yi azawa; təki nawɗam naw na aza Yawe Maŋgəlva, vi kawpel aket wəzeɗe nok pakə.
Gəlyanalva, gəlya na pay naffete.
Moyis aɓsit ɗiy na: «Kəgeslne'eŋ ɓa! Məmpa təlkum! Mula əkõh va Yawe adaɗɗa vikum dəpaŋka. Vi mə Eziptiɗ kulaŋ dəpaŋka, kulenin na ɗah əmpa ɓa.
Yawe dədawgay a gəlokum. Nokum na, sləɓək kədassoŋgu!»
Vi aŋki an Yawe Maŋgəlva salala na Israyel anahə: əɗi marava gəm wəssa ɓatɓati yi wəkõh nokumu. Gbogboŋ nokum na, wəssa ɓatɓati yi gəm əɗi əɗɗum nokum akawa. Ya kəŋgəmaŋ ɓa.
Əbbah na Ezipte zəga ɗari, ətər nan tay ɓa. Vini nəya na Rahab məs aɓla sə gəlan ɓa.
Kənah səngən na: Asla zuko! Asok ɓatɓatə, kəgeslne ɓa, kədawŋgəm əppan mokrok əddak səbet motoffoɗe sula məzuzlaŋgən ɓa, səba ədagədəv net may Resin ɗəf na Aram də wətən Remalya ɓa.
Səweleŋgit meŋgilvet net ɗiy-ɗar vet na tay məs nawɓap əzi buwən sa? Awaniɓa disiŋ dədawki buwən sa? Nam na is Yawe Maŋgəlva nam məs məɗi əɗɗum nam akok tə ɓa sa? Vi istə kəɗɗe zəgeɗis pakə.
Moggoni aza ɗəf dəɓə' sən vavyak təŋ səka gawla nani.
Ula maɓɓan əmpa aka pay an məziwgini. Siɗikke dəpəl dəgəɗgəni, wawə wən ɓa an aliyka, aga, vi sessel wade, aliy na ɓa.
Əsok zə ɗəf əɗɗa zəga moggon na, zəga moggon pay pakə, ya adawsan karaw pay nəsaw anokumda kaka ɓa.
Kədappanən ətaf nokum ɓa, vi wakərəhaŋ zəga na vokum diyɗa.
Vi mənam pak məkkpaŋgək ɗiy na Kristu, an mərmak wən nan də makram taka məppan ɓa va mərma wən nan aka wətəŋ nani.
Vi vaski məzaɓan əɗɗum nokum naɗɗa wəza! Məzi zukum lewlew də əɗi əɗɗum nokum pak aka mbəlembəle məs dədazan sukum pay Yesu Kristu adarban zəni.
