Əɓuhma 3:25 - Bible en Guidar

²⁵ Yawe moggoni aza ɗəf dəɗi əɗɗum nan akani, məzukayani.

Əɓuhma 3:25 ပူးပေါင်းရင်းမြစ်များ

Va'Atəŋ 49:18

Aka wəkõh noki yi, makraw asani Yawe.

1Alabaraɗe Də Mabərkiziti 28:9

Ya nok is wətu Salomoŋ na, asən Maŋgəlva na afuko, agəɗ sən wəza mokrok paparə, də megenegene zuko, vi Yawe tay əkkesen mekret ɗiy, tay uɗakan əɗɗumɗe pakə. An is tat əkayani, wappan suk zən kərəhgəni, ya an kəppanəka, nan wazgok faɗə.

2Alabaraɗe Də Mabərkiziti 15:2

Ambat ərəh Asa, anah sən na: «Məlĩ Asa, də mənokum ɗiy na Yuda gəm ɗiy na Benyamin, məprəmwã! Pay pak Yawe tay dəndəkum, an mənokum tat dəndən. An kəkayanənka, asna, wappan zən kərəhnəngəni; an kəppanənka, nan pak wappokum tamə.

2Alabaraɗe Də Mabərkiziti 19:3

Ya wəzeɗe mogget tahəŋ mərəhit azoko, vi kəzargitik astereɗi, agrakaŋgək səka dəlva, gəm kəsokuk zuk əkayan Maŋgəlva.»

2Alabaraɗe Də Mabərkiziti 30:19

ɗiy məs dəpsənən mekret sən əkayan Maŋgəlva Yawe, Maŋgəlva net efiŋgiɗti, məza də salala an dəslə sən zəga na matuya ɓa zlaŋ!»

2Alabaraɗe Də Mabərkiziti 31:21

Dəwəlsən an aynə naɗɗa ammba wəza na Gəla na Maŋgəlva, ammba mahenziŋ may ammbet əsəɓɗe pak na, aɗɗak də əɗɗum nawkayan Maŋgəlva nan makran taka, ndəni arəh gabba an agəɗ pakə.

Ezra 8:22

Yaŋ wil aduwən dəssohõn məlĩ, dəpsəmgən məzəlpaŋ məŋkoroŋ pilseŋge dəgəməŋgən aka tive dawmbata; vi mənah sənək məlĩ na: «Va moggon na Maŋgəlva nam tay aket ɗiy dədawkayanən pakə; wədagədəv nan tay aket ɗiy en məzəppanəni.»

Gəlyaɗe 105:3

Məɗi ənnek nokum aka iya nan salala, mənneken zukum mənokum məkayanən Yawe.

Gəlyaɗe 119:2

Əzaɓ aket məzərmanən an aziwgini, dədawkayanən də mekret pakə.

Gəlyaɗe 22:26

Əɗi kiya naw səzok ade! Addəv əkkal metiŋgini, in tat əknahan an maw aynə abet məgeslne'eŋ sənəni.

Gəlyaɗe 25:8

Yawe moggoni, təstəsi yi. Vini adawyagan sit tive nan sit məs mambrayɗe.

Gəlyaɗe 27:14

Aga Yawe; ampa təlko, asok zuko; aga Yawe.

Gəlyaɗe 27:8

Makraw tay aka an kəpel na: «Məkayawaŋka!» In tat əkkpaŋ aboko Yawe.

Gəlyaɗe 37:34

Aɗi əga nok aka Yawe, arma tive nani; dələv wasansuk ka noko, wakule va adawzetin məsdarawɗe.

Gəlyaɗe 37:7

Asok ɓatɓat aza Yawe, aga səvani; herɗe adaɗɗukun aka ərəh na ɗəf ɓa, may aka ɗəf məgəɗ zəga net wil ɓa.

Gəlyaɗe 39:7

Ɗəf tay va zeŋgile ɗarə; əgay nan pak səmyãy kaka'ə. Ndən əkkal zəga, dəsən ɗəf nawndan ɓa.

Gəlyaɗe 61:1

Səza daya net məyaŋgəlya. Miyan də zəga nasmay na Davit məs helegeni.

Gəlyaɗe 61:5

Maw aka əsaw hã faɗ addəv gizlirke noko gəm nərahgən əɗam a perslekoko. Əziwe

Gəlyaɗe 69:32

Anani Maŋgəlva aŋgəl day ki wasliya, may medgeɗge də mohõn gəm eperkeperkeni.

Gəlyaɗe 71:14

Naw in tat əgan pay pakə, wanəmpa təlu iya gəlya nawɗi kiyko.

Isaya 25:9

Pay dəpaska kawnahi na: Aŋki Maŋgəlva namə. Akan məɗɗi əɗɗum namə ndəni dəkõhgəmə. Yawe yi məɗi əɗɗum nam akani. Waməgəɗ iyã'-iyã' wamənneken zəm vi sən əkõh nani!

Isaya 26:9

Magenegenew tay va dəɓoh ammbok də dəfɗa, in tat əkoyok addəv əmpəs nawa gəm addəv kpukpum na makrawa. Ha'aw, an is tat ətawwən aka dəlvafuŋgu, ɗiy nagge wayaganən ədaw va an dəslə.

Isaya 30:18

Vi vaski Yawe waga pay nawgəɗ sukum mbəlembəle, wasil vi kawla sãsãhkum. Vi Yawe Maŋgəlva təstəsi. Zazay azet ɗiy en məzuganən pakə.

Isaya 40:31

Ɗiy en dəɗiyənən əɗɗum net aka Yawe tahəŋ əmsak ərəh gbogboŋgo; Tahəŋ əppar persleket va gazlaɗe. Ənzoŋgu, awyaŋ ɓa. Əddoŋgu, addakaŋ ɓa.

Isaya 55:6

Məkayan Yawe pay nawrahən, mətəl mokum azan aka tay gu'o.

Isaya 64:4

Kədek əbbah sən ɗəf məzənneken zən də əɗɗa təstəsə, məzəɗɗumon nawdaw aka tive noko. Kədək gədəv akamə vi məgəɗək mambraya. Aket tiveɗiŋki'e mədawrah əkõho.

Əɓuhma 3:26

Moggoni əga əkõh na Yawe də ɓatɓatə.

Hose'a 10:12

Məzlək təstəsə, wakəkkalaŋ zəga na mabardaw moggoni; Məkkpãy guli meleketeni; kakaŋki kan pay nawkayan Yawe, hã gap adazzan wərban sukum təstəsə.

Sefanya 3:8

Ya vasna, məguwa Yawe aɗiymani. Məgu pay nədawsilyaw ammba zəga nawrəh səma əgaya! Wətawwən naw wasan nawzet dəlveŋge pakə, nawsepet milyeŋge a təki taka, kawki herɗe naw gəm ədagədəv naw vakvak pak aketi, vi dəlvafuŋ bayman wazlə akoffo na kotorok nawa.

1Tesaloniki 1:10

vi kawga Wətən sə disiŋ, ndəni Yesu məs asilgən səret ɗiy mimtiti, ndən dədawkõhgəm səma ədagədəv na Maŋgəlva məs dədazzani.

Yakob 5:7

Milmiŋgiɗwa, məɓəsa hã gap pay Daya Yesu Kristu adazzani. Məssoŋ va məzənse adawɓəsən wəga buwən na mənziya də buwən na mawala, vi zəga nan dəsəɓgən moggoni.