Əɓuhma 2:7 - Bible en Guidar

⁷ Daya azganək gəlamatuya nani. Azelenək təki salala nani. Appanək gəla moggon nan ava məzuzele. Aɗɗaŋgək gugoyo diyɗa addəv gəla na Yawe hã va pay na wəzləra.

Əɓuhma 2:7 ပူးပေါင်းရင်းမြစ်များ

2Milyeŋge 25:9

Azlak Gəla na Yawe, gəla na məlyã, gəleɗe na Yerusalem pakə, azlek gəleɗe net ɗiy gugriɗ pak də offo.

2Alabaraɗe Də Mabərkiziti 36:19

Yaŋ azlanən gəla na Maŋgəlva, abzlunən zlava na Yerusalem, gəleɗe na məlĩ baymet pak azleninik də offo; zəgeɗ na sləma pak araygitinke.

Gəlyaɗe 89:39

Ya istə kəzgani, kəzelen mesiya noko, gəduvuk adək akani.

Isaya 64:9

Walaŋgəleɗe gugriɗ na salala tahəŋ hoŋgu Siyon akkpaŋgək kapta-muyã Yerusalem arayka.

Yeremiya 21:4

Vaŋki Yawe Maŋgəlva na Israyel anahə: Gulomɗe nalpa nammba vokumiŋki, məs kədawgayaŋ də məlĩ na Babilon gəm mə Kaldiyeɗiŋki inyakəŋ əmndeget akokumu. Ɗiy en dəvoŋgoŋ sukumən də baŋla, wanəkkelet addak walaŋgəla-metiŋginiŋka.

Yeremiya 26:18

Aka pay na Hizkiya məlĩ na Yuda, Mika, ɗəf na Moreset məgəɗ kəleŋ apel sitik ɗiy na Yuda baymet də wənah na: An Yawe Məzuɓappak anah yaŋka: Siyon wakkpaŋ guli minseni, Yerusalem kiməskiya, gəla nakkam məɓayən wakkpaŋ wəleŋɗe kpəŋgə.

Yeremiya 26:6

asna wanəkkpaŋgan gəlaŋ va təki nakkaman Maŋgəlva na Silo, wanəkkpaŋgan walaŋgəla-metiŋginəŋ va zəga naɗɗa mefɗeke amet ɗiy naka dələv pakə.

Yeremiya 32:29

Mə Kaldiyeɗ watoŋgoŋ əlpa də walaŋgəla-metiŋginiŋka, waɗisənən offo, wazlətin gəleɗe məggbo'o məs adawzlaŋ tursan aket sən ba'al, aggbo'oŋguk mbazla kawpesl meŋgilveɗ meɓɓet vi kawdan su gədəvwa.

Yeremiya 39:8

Mə Kaldiyeɗ aɗi sənənək offo sən gəla na məlyã gəm sit gəleɗe net ɗiyi; yas aɓzluwən zlava naka walaŋgəla na Yerusalem.

Yeremiya 4:26

Nula dələv məs dəsan va guli net wəleŋɗe nak na, kapta-muyã yi, walaŋgəleɗe gugriɗ nan pak abzlaŋka. Sən wən na Yawe, sən offo na ədagədəv nani.

Yeremiya 4:27

Vi vaŋki Yawe anahə: Dələv dəwən nan pak wakkpaŋ va kapta ya nəzan na kakãh ɓa.

Yeremiya 50:28

Məprəm wəlet məs dənzoŋgu, en dəndəwəɗaŋ hã səka dələv na Babilon əpel alabara na əmpəlkiya na Yawe Maŋgəlva nam a Siyon: əmpəlkiya ammba gəla nani.

Yeremiya 52:13

Aɗi sənək offo sən Gəla na Yawe, gəla na məlyã, gəm gəleɗe naddəv walaŋgəla-metiŋ na Yerusalem daysa net ɗiy en tutukprukɗe.

Əɓuhma 1:4

Əhəmi yi aket tiveɗ na Siyon, ɗiy tahəŋ dədazzoŋ a təki əŋɗa va ɓa. Metiveɗ nan pak arayaŋka, məsdəlveŋge nan tahəŋ ənɗəsaŋgə. Zit gorɗeŋge nan tay baybayə; wən na dərwa dəɗar akani.

Əɓuhma 2:1

Aw haya, mbarmbar Daya aki slaybuwən kirit addəv ədagədəv nan aka Siyon di! Azganək lelew na Israyel sə disiŋ hã afuŋgu, dəɗɗum aka təki nawɗi tələn pay ədagədəv nan ɓa.

Əɓuhma 2:5

Daya asanək va məzuzele, asɗəkək Israyel, asɗikik gəleɗe mogget nani, abzliwik walaŋgəleɗe na korgu nani. Əhəm də əray awanək zən a Yuda.

Ezekiyel 24:21

Apel sit ɗiy na Israyel na: Vaŋ Daya Yawe anahə: In yakəŋ əraygən gəla nawa, məs dəsan əkaɓ na gbogboŋ nokum, ənnek ama horokum, də əŋgla na gəɓa zukumu. Kirtukum mezeŋgleket dit muguluŋgit kəppaŋ dərɓogokuməŋ ama masalam adamtaŋgə.

Ezekiyel 7:24

Wanəki ɗiy mbəreyit sə guwa; wamõhnin gəleɗe neti. Wanəɓətgən wəkaɓ net məzukaɓaŋgə, gəlaɗe net meŋgilveɗ- net warnokoŋgu.

Məsdəlveŋge 26:31

Wanəkkpaŋget walaŋgəleɗe nokum kiməskiya, wanəpzlu gəla nakkam nokum; məŋgən tursan nenek nokum affok na nek akaw ɓa;

Məsdəlveŋge 26:44

Mbara pay adossoŋ aka dələv net məzuzelɗe neti, nəzget ɓa, nəzel gala nawzet gəm nappan wənmiyna naw dənɗaŋ ɓa, vi intə Yawe Maŋgəlva neti.

Amos 2:5

Wanəslən offo aka dələv na Yuda; wazim gəleɗe mogget na Yerusalem əŋki.»

Mika 3:12

Aka wən nokum Siyon wakkpaŋ guli minseni, Yerusalem kiməskiya, gəla nakkam məɓayən wakkpaŋ wəleŋɗe kpəŋgə.

Matiye 24:2

Yaŋ azlani, aɓsit na: Munokum tat ulenin zəgeɗis pak sa? Gesiŋ nədawnah sukum: Sessel, apəl na kuwən aka kuwən məza kaɓzluni ɓa ɓa.