Əɓuhma 2:21 - Bible en Guidar

²¹ Kirin dit mezzeɗ tahəŋ ɓelohɓəloh afuŋ aka tive. Gorɗeŋge dit gewleɗ tahəŋ firikfirik afuŋ məbeyit də masalam. Aka pay ədagədəv nok kəbeye, kətaw wəlet məza ulasahã ɓa.

Əɓuhma 2:21 ပူးပေါင်းရင်းမြစ်များ

2Alabaraɗe Də Mabərkiziti 36:17

Gəm əmpa aɗɗa ka məlĩ net mə kaldiyeɗ ambat əgay dənɗaŋ, abey ɗiy en gewleɗ net də masalam addəv gəla salala neti, dula səsãh wiyəŋ gawla ɓa, waŋ goruk ɓa, mazza may dəf məsɓan ɓa: mipsini yi pak ammba vani.

Ester 3:13

Mipsiti ɗerewelɗe vet avet maslənɗe duɗeknin aka kivadələv na məlĩ pakə, vi kawzet mə Yudeɗ pakə, kawbeyit kəkãh aka pay taka təŋ səza gawla hã aza mazza, kirni, gili, də wəsɓəta makəlaw kiyən hoku na təla makəlaw kiyən sula, ana təla na Adar, kawnda araya neti.

Isaya 27:11

An kivet wəleŋɗe aŋkəlaŋka, kaŋzluti, gil wandenin kasɗa offo. Vi maɗɗula tay aket ɗiy vet ɓa. Ndəni məs dəɗɗe dəwəl sãhã aket ɓa, məs dəzəmiɗ tay də mbəlembəle aket ɓa.

Yeremiya 11:22

Vi vaski Yawe Məzuɓappak anah na: «In yakəŋ əsilyaw aketi. Gewleɗ wamtaŋ a ma masalam, kirtit mezeŋgleket dit muguluŋgit wamtaŋ sən mayã.

Yeremiya 13:14

Wanəɓeheti, an taka aka an mbərən, əfiŋgiɗit dit kirtit pak matakə Yawe aɗiymani. Nəmbər na ɗəf ɓa, nəwəl na sãhã ɓa, nə'ugit dawzet ɓa.

Yeremiya 18:21

Vini kana appet kirtit addəv mayã, appet ama masalam. Kirtit gil net dəmtaŋgə, zilŋgiɗit dəmtaŋgə, Dəbeyin gewleɗ net də masalam addəv əgaya.

Yeremiya 21:7

Səɓɓa as əmpa na, Yawe aɗiymani, wanəppan Sedekiya məlĩ na Yuda, məɗɗaŋ wəza nani, ɗiy en dəppaŋ səddəv walaŋgəla-metiŋginiŋ səma gəbaymərma, masalam gəm səma maya ammba va Nabukodonozor məlĩ na Babilon gəm ammba vet məzuzelɗe net məzəŋglaŋ kawbeytini, Nabukodonozor wabey də masalam, sasãh ɗəf tay adawla ɓa, ɗəf tay adappa ɓa, awəl na sasãh ɓa.

Yeremiya 4:31

In tat əprəm wəlat ɗak va məɓay uwa, va vaŋvəl nat guluk məwə na məlviya nata. Wəlat waŋ adawyaŋ Siyongi tədampəs hoŋkor hoŋkoru də ətəl vat sulagəni: Əray akawa, in tat əmta abet məbayaŋ ɗiyi!

Yeremiya 51:22

Də is nətiɓ zel dit gili, nətiɓ gewleɗ dit mezzeɗi, nətiɓ gewleɗ dit gorɗeŋge.

Yeremiya 6:11

Nəknahək də ədagədəv na Yawe nəyək dawɓəsən. Aggbo aket kirin appaka gəm aka əsap net gewleɗi. Karma ɗəf mizilin va gulku, mazza va mazza an kursuk kursuku.

Yeremiya 9:20

Əmta atoŋguk də təkifoŋgo məpəl aza gəla namə, atoŋguk addivit gəleɗe lelewɗe namə, kawbay kirin səka tive gewleɗ tamə sə təki nakkala.

Yeremiya 9:21

Apel na! Vaŋki Yawe aɗiymani: Gəbeyit ɗiy wasan sokosloɓ afuŋ va ba'ar a gulyo, va maŋgav məvoŋgən dərɓaga məzubəla, ɗəf tay nakkelet ɓa.

Əɓuhma 1:15

Daya arɓehetik gambereɗ nalpa sə nawda pakə. Abu'uk ɗiy akawa, vi kaŋkin gewleɗ nawa. Yawe Ambrosltək waŋ goruk ŋgbuɓɓo na Yuda, a mozgoy nawɗot megezlembirke.

Əɓuhma 1:18

Yawe yi aka təstəsə, vi nəggbakək man aka an aɗi naɗɗa. Ɗiy pakə, kamə məprəma, mula əzəmsahã nawã. Gorɗeŋge naw dit gewleɗ naw addoŋguk aka balam.

Əɓuhma 1:4

Əhəmi yi aket tiveɗ na Siyon, ɗiy tahəŋ dədazzoŋ a təki əŋɗa va ɓa. Metiveɗ nan pak arayaŋka, məsdəlveŋge nan tahəŋ ənɗəsaŋgə. Zit gorɗeŋge nan tay baybayə; wən na dərwa dəɗar akani.

Əɓuhma 2:17

Yawe aɗɗak an aɗɗum naɗɗa, aknahanək an apel wən nani, məs aynan naɗɗa far lahəŋka: abzluwək zəga pak, məza ulasahã ɓa. Annekenik zə məzuzel nok də əray noko; esɓetik məzuseɓɗe nok akoko.

Əɓuhma 2:2

Bəbəh Daya abbəh təki nawtaɗ na Yakob, səɗək asɗək bayman məza ula səsãhən ɓa. Azetik walaŋgəleɗe na korgu na Yuda addəv ədagədəv nani, azlambrakanək afuŋgu. Araygənək dələv dit milyeŋge nani.

Əɓuhma 3:43

Kətoŋguk addəv ədagədəva, kərɓahamka. Kəbaymək məza ulasahã akam ɓa.

Ezekiyel 24:21

Apel sit ɗiy na Israyel na: Vaŋ Daya Yawe anahə: In yakəŋ əraygən gəla nawa, məs dəsan əkaɓ na gbogboŋ nokum, ənnek ama horokum, də əŋgla na gəɓa zukumu. Kirtukum mezeŋgleket dit muguluŋgit kəppaŋ dərɓogokuməŋ ama masalam adamtaŋgə.

Ezekiyel 5:11

Vini, va nəsaw madarawa Daya Yawe aɗiymani: sessel adan kərnokonək gəla naw salala dit zəgeɗ daryawɗe gəm dit zəgeɗ daryawɗe nok pakəŋ na, naw wanəfaɗ fafaɗə, nəwəl na sasãh ɓa, naw pak tay an nədambra ɓa.

Ezekiyel 7:4

Nuluk na sãh ɓa, ɗəf tay nədappa ɓa, wanəkkpaŋgan suk ədaw nok akoko, zəga naɗɗa daryaw nok wasan addəvko, asna wakəsənnən na, intə Yawe.»

Ezekiyel 7:9

Nuluk na sãh ɓa, ɗəf tay nədappa ɓa; wanəfaɗ suk va aza ədaw noko, zəga naɗɗa daryaw nok wasan addəvko. Vasna wakəsənnən na, intə Yawe məzərgukumu.

Ezekiyel 8:18

Ya naw pak wanəɗɗa dit herɗe; nəwəl na sãhã ɓa, ɗəf tay nədappa ɓa; waŋzlaŋ vaŋvəl iyu də wəlet dayadaya, nəprəm sit na ɓa.»

Ezekiyel 9:10

Naw pak nəwəl na sasãh ɓa, ɗəf tay nədappa ɓa; wanəslan sit zəga naɗɗa net aketi.»

Amos 4:10

Nəslənək gəbaymərma akokum va aka tive na Eziptə, nəbeyik gewleɗ nokum də masalam, də əmõh pilseŋge nokum; nəppanək məŋgən dibirgidik nokum əmbat a məŋkənkum. Yawe aɗiymani.

Amos 8:13

«Pay dəpas na, gordeŋge ŋgbuɓo-ŋgbuɓo lelewɗe dit gewleɗ waddakaŋ sit meme.

Zakarya 11:6

Vi Yawe aɗiyman na, nəppet na ɗiy naka dələv mederet əmpa ɓa. In yakəŋ əppet ɗiyi, ɗəf pak ava galani, gəm ava məlĩ nani. Waŋkənnən dəlva, nəkõhgit na ɗiy səvet ɓa.»

Əmsak aka Mahenziŋ 28:50

Ɗiy məs heret ɓərsəkə, awɗiyən ki mazza ɓa, awlaŋ sasãh muzliya ɓa'e.

Əmsak aka Mahenziŋ 32:25

Appaka, masalam wande kirtiti, addəvit gəleɗe, wamtaŋ sənən geslne; gewleɗ dit gorɗeŋge pak məstaka, mezzeɗ mətukputukpu'ɗe dit məzuwaɗaŋ pak waskotoŋgu.

Yosuwa 6:21

Azanən zəga dəsan a walaŋgəla-metiŋ van baymani, iya na ɗəf mizilin may gulku, gawla də mazza, may Wasliya, time, koro, beymet masalam ambokuke.

1Samiyel 15:3

Kakaŋ na, dok əbey mə Amalekɗe, azet kakãhə də zəga net pakə, kədappa ɓa, zeli, gili, kirni, məzuwaɗaŋgə, wasliɗe, timeŋgiɗi gəm zlogomeɗ dit korɗe.»