Əɓuhma 2:20 - Bible en Guidar

²⁰ Azi horoko Yawe awla: naway kəzəmgən sahã zev aŋ di? Adahək gil dəmpirningin kirtit məs awaŋ adawsa'aŋgəŋ sa? Adahək əbey məsdəlveŋge dit məskəleŋɗe addəv gəlamatuya nok is Yawe sa?

Əɓuhma 2:20 ပူးပေါင်းရင်းမြစ်များ

2Alabaraɗe Də Mabərkiziti 36:17

Gəm əmpa aɗɗa ka məlĩ net mə kaldiyeɗ ambat əgay dənɗaŋ, abey ɗiy en gewleɗ net də masalam addəv gəla salala neti, dula səsãh wiyəŋ gawla ɓa, waŋ goruk ɓa, mazza may dəf məsɓan ɓa: mipsini yi pak ammba vani.

Gəlyaɗe 78:64

Məbəleti məsdəlveŋge nan ama əlpa, gil net gəbayɗe nan dəhəmaŋ ɓa.

Əgilye 32:11

Moyis affetenək makra Yawe Maŋgəlva nani, yaŋ amna: «Yawe, vimi kədaŋgla əfə̃h ədagədəv nok aket ɗiy nok məs kəgilgit səka dələv na Eziptə də gbogboŋ nok gəm də va totokprok nok di?

Isaya 22:2

Is walaŋgəla-metiŋgini məknəhən də geŋgere, də ənneke gəm də əzləra. Ɗiy nok ama masalam amtaŋ ɓa, ama əgay məbeyit ɓa.

Yeremiya 19:9

Wanəzəmgit sluwit kirtit mezeŋgleket dit muguluŋgiti. Ɗiy wampəranən zit addəv əzəmsahã gəm tatwãh məs məzuzelɗe net adawkiyaŋ aketi, gəm en məzukayanən zeŋgileti.

Yeremiya 21:7

Səɓɓa as əmpa na, Yawe aɗiymani, wanəppan Sedekiya məlĩ na Yuda, məɗɗaŋ wəza nani, ɗiy en dəppaŋ səddəv walaŋgəla-metiŋginiŋ səma gəbaymərma, masalam gəm səma maya ammba va Nabukodonozor məlĩ na Babilon gəm ammba vet məzuzelɗe net məzəŋglaŋ kawbeytini, Nabukodonozor wabey də masalam, sasãh ɗəf tay adawla ɓa, ɗəf tay adappa ɓa, awəl na sasãh ɓa.

Yeremiya 5:31

Məskəleŋɗe aɗɗaŋgək kəleŋ na uwawəna, məsdəlveŋge tahəŋ ətaf ərəh net kaka'ə, ɗiy naw tahəŋ ulanən lew a ma hereti. Ya mi kədaɗɗaŋ dərɓaga as di?

Əɓuhma 1:19

Niyek ɗiy en dəŋgəlwəni, ya ambəɗawənka. Məsdəlveŋge dit ɗiy məsɓet naw amtaŋgək a walaŋgəla-metiŋ, aka adawkayaŋ zəga nawzəm net dəmbəlaŋgəni.

Əɓuhma 4:10

Gil də ulasahã net pak, adeninik kirtit diveti, kpaŋgaŋ ka zəga nawzəm net aka tatwãh ade aket ɗiy nawa.

Əɓuhma 4:13

As pak agəɗ na aka mambray net məskəleŋɗe nani, gəm an məsdəlveŋge nan araygənəni yi, abeyinik ɗiy təstəs addəvni.

Əɓuhma 4:16

Yawe sən kiyən dətrəyeti man tay aka ulet ɓa. Məgegdeketi məsdələveŋge ɓa, mulay sasãhit ɗiy məsɓet ɓa.

Ezekiyel 5:10

Vini yi, efiŋgiɗit kirin wazimnin kirtit anokda, kirin tam wazimnin efiŋgiɗti, wanətawwən akoko, wanəndolet madembirgit pak ammba səmyã.

Ezekiyel 9:7

Yaŋ aɓsit na: «Mərnokon Gəla, məknih daŋglaɗe dit kiygəbayɗe, Migili!» Agilyoŋko, abeyninik ɗiy na walaŋgəla-metiŋ.

Məsdəlveŋge 26:29

Wakəzəmən sluwit kirtukum mezeŋgleket dit muguluŋgiti.

Əmsak aka Mahenziŋ 9:26

Nəkkamanək Yawe, nəmna: «Yawe Maŋgəlva, kəzet ɗiy nok ɗiy nawray vok ɓa, məs kəbit də mẽmẽtiŋ noko, kəgilgit də gbogboŋ na vok sə Eziptəŋ ɓa.