Əɓuhma 2:17 - Bible en Guidar

¹⁷ Yawe aɗɗak an aɗɗum naɗɗa, aknahanək an apel wən nani, məs aynan naɗɗa far lahəŋka: abzluwək zəga pak, məza ulasahã ɓa. Annekenik zə məzuzel nok də əray noko; esɓetik məzuseɓɗe nok akoko.

Əɓuhma 2:17 ပူးပေါင်းရင်းမြစ်များ

1Milyeŋge 9:7

asna, wanərɓahan Israyel səka dələv nəpsənəŋka; wanəppan Gəla məs nəɗi aka iya nawəŋka, wanəzgan sə maharaw faraɗa, Israyel wakkpaŋ va zəga na mamba, va zəga nawmas net ɗiy pakə.

Gəlyaɗe 35:24

Atawwən naw va təstəs nok asani; Yawe Maŋgəlva nawa, adannekenən zit akaw ɓa!

Gəlyaɗe 35:26

Wil dədenin mənnekenin zit vi əray nawa dəssoŋ simbim simbim abamə! Wil dəgulnin Məslanən kiyit akawa dəssoŋ simbim simbimi!

Gəlyaɗe 38:16

Vi akoki əga nawa Yawe, Daya Maŋgəlva nawa, wakəzlani.

Gəlyaɗe 89:42

Məzutoŋgoŋ pak amohõnənka; akkpaŋgək ka zəga na əra net meggeŋgiɗni.

Gəlyaɗe 89:43

Kəpsənək gbogboŋ sən va məzuseɓe, kənnekenik zit məzuzelɗe nan pakə;

Isaya 14:29

Filisti, kədanneken zuk vi məŋzluni tandaŋ na ɗəf məzərguk ɓa. Vi səza zev dohõ, barway adawgilyeni. Səza barway tamə dohõ an də muhun day əmpa.

Yeremiya 18:11

Kakaŋ na, anah sən ɗəf na Yuda pak dit en na Yerusalem dawnəh na: Vaŋki Yawe anahə: In yakəŋ əki əray akokum, niynanək an nədawgəɗ sukum, ɗəf pak dəmil səka tive nan mbərayən. Məzaɓan ədaw nokum də wəza nokum moggoni.

Yeremiya 4:28

Vini dələv asan addəv əhəm na gəlabaya, guzli agəɗək a disiŋ. Vi nəpelke, nəɗɗumko, nəddəɗan na maw ɓa, nəmndaw na akan ɓa.

Yeremiya 40:3

Yawe akiyəka, aɗɗak va apeli vi kəɗɗaŋgək mambray aka Yawe, kəprəmnən man ɓa. Vini zəgaŋ agəɗ akokum.

Əɓuhma 1:5

Meseŋgiɗin askanən wəlani, məzuzelɗe nan tahəŋ zit neki. Vi Yawe tay əzəmgən sahã, sən kiɓəɓəl nan dayəŋka. Masan almetik kirtin mezeŋgleket aban ake aka balamə.

Əɓuhma 2:8

Yawe aynanək a makran nabzlu zlava səka Siyon. Apparək helege nawslani dəmndagan van dabzluwən ɓa, hã ndən gərakə. Zlava nakəleŋgil də an nappaka pak, abzlaŋgək sapə.

Əɓuhma 3:43

Kətoŋguk addəv ədagədəva, kərɓahamka. Kəbaymək məza ulasahã akam ɓa.

Əɓuhma 4:11

Ma ədagədəv nan gbeŋ Yawe eŋgbeŋge, aggbo'uk offo na ədagədəv nani. Asɗak offo a Siyon azəmək gabban məs aziw akani.

Ezekiyel 5:11

Vini, va nəsaw madarawa Daya Yawe aɗiymani: sessel adan kərnokonək gəla naw salala dit zəgeɗ daryawɗe gəm dit zəgeɗ daryawɗe nok pakəŋ na, naw wanəfaɗ fafaɗə, nəwəl na sasãh ɓa, naw pak tay an nədambra ɓa.

Ezekiyel 8:18

Ya naw pak wanəɗɗa dit herɗe; nəwəl na sãhã ɓa, ɗəf tay nədappa ɓa; waŋzlaŋ vaŋvəl iyu də wəlet dayadaya, nəprəm sit na ɓa.»

Ezekiyel 9:10

Naw pak nəwəl na sasãh ɓa, ɗəf tay nədappa ɓa; wanəslan sit zəga naɗɗa net aketi.»

Daniyel 9:12

An kənah naɗɗa akamə gəm aket deyeɗe nam pakə, kəknahanək də wəki tatwãh metiŋgin aka Yerusalem, zeŋvin dəgəɗ ɗah aka dələv ɓa.

Mika 2:3

Vini Yawe anahə: Nəzaɓanək tatwãh nawki aka mahəlfa məgəɗ vaska; kəkõhoŋ na ɓa, kədawaŋ na kiykum daŋga ɓa, vi pay an dədazzanəŋka pay na tatwãhi.

Sefanya 1:2

Yawe aɗiyman na: Wanəzan zəga pak səka dəlvafuŋ.

Zakarya 1:6

Wəpel nawa dit mahenziŋɗe naw en nəɗi sit wən nan sit gewleɗ naw məskəleŋɗe, dəgepnin efiŋgiɗkum ɓa sa? Yaŋ amilyoŋ anahaŋ na: Vaski Yawe Məzuɓappak aziwgin wən nan nawgəɗ səm va tive namə gəm va wəza namə, vas vani agəɗ səmə.»