Əɓuhma 1:6 - Bible en Guidar

⁶ Gagdak net ɗiy na Siyon azəka. Kirtit milyeŋge net yeŋ va muneŋge. Awrahaŋ təki nawtaɗ ɓa: Tahəŋ əmbataŋ tiɓiɓ-tiɓiɓ aba məzərɓeheti.

Əɓuhma 1:6 ပူးပေါင်းရင်းမြစ်များ

2Milyeŋge 19:21

Aŋki an Yawe apəl akani: Waŋ gbuɓɓo na Siyon tat əzeloko, tat əmas akoko Senakerib, Yerusalem tat əɓlan kiyən galagala dərɓogoko.

2Milyeŋge 25:4

Mətilikni zlava na walaŋgəla-metiŋ. Adan dəfəɗ atiri, məzəlpaŋ na Yuda asmaɗaŋgək kəla memeŋgle məs haran ta' aka guli na məlyã, də mə Kaldiyeɗ asərngəslnən walaŋgəla-metiŋ pak agəmənək tive na Araba.

2Milyeŋge 25:5

Yaŋ məzəlpaŋ net mə Kaldiyeɗ azbanən məlyã, arufnən a təki məpəlayya na Yeriko; məzəlpaŋ nan pak kuya' səzani.

Gəlyaɗe 50:2

Maŋgəlva tay əwiɗ sə Siyon, walaŋgəla-metiŋ lelewe.

Gəlyaɗe 96:9

Məppu' afuŋ aba Yawe, aka salala nan adarban zəni; məkker abani mənokum nammba dələv pakə.

Isaya 1:21

Mbarmbar walaŋgəla-metiŋ an təstəs akkpaŋ məpolkoyo di? Təstəs gəm ədaw sarara tahəŋ addəvən lahəŋka; ya kakaŋ na, məbayaŋ gəbayəŋgə.

Isaya 12:6

Ɗiy na Siyon, mərban ənnek nokum, məŋgəsl vaŋvəl sən ənneke, vi Salala na Israyel metiŋgini yi, awalaŋkum.

Isaya 4:5

asna, aket mossorgoɗe gugriɗ na Siyon gəm aket ɗiy nakkalaŋgə, pay nan na Yawe warban slaybuwna, enene gəm hərzlum offo məzəwiɗ də dəfɗa. Gagdak na Yawe wasan zlalbay va gizlirke metiŋgini.

Yeremiya 13:18

Anah sən məlĩ dət ma'ãyə̃k nan na: Məɓe'gin kiyzukum, məssoŋ afuŋ vi kulpup na gagdak nokum dədannek zukum abətək səkokum.

Yeremiya 29:4

An Yawe Məzuɓappak Maŋgəlva na Israyel anah yaŋ sit ɗiy məsimgit pakə, en məs nəsimgit sə Yerusalem a Babilon:

Yeremiya 47:3

sən ɓaɓəlma eperkeperke net məzəŋkoroŋ nani, sən ɓaɓəlmet mawteɗ nalpa nani. Efiŋgiɗit kirin awmulyoŋ azet kirin ɓa sən əddak neti,

Yeremiya 48:41

Məzəmni Keriyot, Mesadot mətakni. Asna, pay nani, məzəlpaŋ məs mekret na Mo'ab wassoŋ va guluk məɓay uwwa.

Yeremiya 52:11

Dərɓaga aska, Nabukodonozor aɓəhək hara Sedekiya, aynan dit ngiyamɗe na təbəz pepreŋ sula. Məlĩ na Babilon akak a Babilon, azganək a fərsəna hã gap pay na əmta nani.

Yeremiya 52:13

Aɗi sənək offo sən Gəla na Yawe, gəla na məlyã, gəm gəleɗe naddəv walaŋgəla-metiŋ na Yerusalem daysa net ɗiy en tutukprukɗe.

Ezekiyel 24:21

Apel sit ɗiy na Israyel na: Vaŋ Daya Yawe anahə: In yakəŋ əraygən gəla nawa, məs dəsan əkaɓ na gbogboŋ nokum, ənnek ama horokum, də əŋgla na gəɓa zukumu. Kirtukum mezeŋgleket dit muguluŋgit kəppaŋ dərɓogokuməŋ ama masalam adamtaŋgə.

Ezekiyel 24:25

Ya is wətən ɗəfa, pay nədawgəm təki nawɗam neti, ənnek na lelew neti, ənnek nama hereti, əŋgla na gəɓa ziti, kirtit mezeŋgleket dit muguluŋgiti,

Əmsak aka Mahenziŋ 28:25

Yawe waddokok abet məzuzelɗe noko: dəka tive taka kədaddok azeti, wakənzoŋ səbet dəka tiveɗ temtem buhulu. An dəgəɗ akokəŋ wageslnegit milyeŋge naka dələv pakə.

Əmsak aka Mahenziŋ 32:30

Mbarmbar ɗəf taka adawɓap ərɓehet ɗiy gabal di? May ɗiy sula, adarɓehetin ɗiy gabal kəlaw məza Yawe Milɓe net dəvil dipsit avet məzuzelɗe net ɓa di?