Əɓuhma 1:15 - Bible en Guidar

¹⁵ Daya arɓehetik gambereɗ nalpa sə nawda pakə. Abu'uk ɗiy akawa, vi kaŋkin gewleɗ nawa. Yawe Ambrosltək waŋ goruk ŋgbuɓɓo na Yuda, a mozgoy nawɗot megezlembirke.

Əɓuhma 1:15 ပူးပေါင်းရင်းမြစ်များ

2Milyeŋge 9:33

Anah sit na: «Məzgat afuŋ!» Azgatənka. Mbel səzat Izabel, aɗɗaŋgək zẽhe aza gəla gəm aket pilseŋge; Yehu adaw dəkat də mawta nani.

Gəlyaɗe 119:118

Is tat əzel məzəggaraŋ kiyit əsərəkɗe nok faraɗa pakə, vi pepet net pak uwawəni yi.

Isaya 28:18

Kawpəlni wənmiyna nokum də əmtaŋka, mokum kəsapaŋ də təki net ɗiy mimtitiŋka wal kokoko ɓa. An əza tay əzzani, waləkatkum, wakəssoŋ nawndap nani.

Isaya 41:2

Naway dəsilgin ɗəf an təstəs sə dəmmba pay nampum aya dəzbangənəŋ di? Məs absin ɗiy ammba vani gəm akkpeŋget milyeŋɗe ammba təlni. Məs masalam nan adakkpeŋget va burɗuku, bəle nan adawtrayet va kevile məs səmyã adawkaŋ di?

Isaya 5:5

Kakaŋ na, wanənah sukum an nədagəɗ sən guli net megezlembirkeɗ nawa: wanətor mambara nani, kawtaɗni yi. Kawtilikeni mambara nakani, kawndapani yi.

Isaya 63:3

Takərgu nəndepet a mosgoyo, məza ɗəf taka səweleŋgit ɗiy azaw ɓa. Nəndepetik addəv ədagədəv nawa, gəm nəmbresletike ammba təlu addəv gagay nawa. Mbel net asoyuk azet lukutɗe nawa, nərge'etik zəgeɗ nawgul naw pakə.

Yeremiya 13:24

Wanətreyet va eslesle ammba səmyã na kapta-muyã.

Yeremiya 14:17

Ya kəpel sitgin əpeliŋka: Sin dəssoŋ araw sliɓsliɓ məza ərsla ɓa dəfəɗ də kapay pakə, vi tatwãh metiŋgin aɗiyək vamvi azet ɗiy nawa vamvi məza anzaɗ kpak ɓa.

Yeremiya 18:21

Vini kana appet kirtit addəv mayã, appet ama masalam. Kirtit gil net dəmtaŋgə, zilŋgiɗit dəmtaŋgə, Dəbeyin gewleɗ net də masalam addəv əgaya.

Yeremiya 37:10

Kəta məbay vanday net məzəlpaŋ net mə Kaldiyeɗ məzugayaŋ də mənokum gərak zlaŋ, an ɗiy tahəŋ səret dəmbraŋ dit vaŋviɗe diyɗa azet ɗufɗuf a gizlirke neti, wasulyoŋgu, wazlanən walaŋgəla-metiŋgiŋ də offo.

Yeremiya 50:26

Sə təki dələv abayman pak, mide azani, məkol met mahẽɗ nani, məkkalan eskiŋ ɗigit va haya məzan kakãhə! Zəga taka adappa ɓa!

Yeremiya 51:34

Nabukodonozor məlĩ na Babilon, azəmwəka, asərwəka, akkpaŋgawək va mesteɓe mekeleŋ. Asɗəkwək va zəga darawən adasɗək zəga, aknəh gədəvən dit zəgeɗ na sləma nawa, yas azgawa.

Yeremiya 6:11

Nəknahək də ədagədəv na Yawe nəyək dawɓəsən. Aggbo aket kirin appaka gəm aka əsap net gewleɗi. Karma ɗəf mizilin va gulku, mazza va mazza an kursuk kursuku.

Əɓuhma 2:21

Kirin dit mezzeɗ tahəŋ ɓelohɓəloh afuŋ aka tive. Gorɗeŋge dit gewleɗ tahəŋ firikfirik afuŋ məbeyit də masalam. Aka pay ədagədəv nok kəbeye, kətaw wəlet məza ulasahã ɓa.

Əɓuhma 3:34

An tay əndepetin məfərsəneɗ naka dələv pak ammba təl ɗəfa,

Daniyel 3:13

Addəv ədagədəv də herɗe, Nabukodonozor, anahək dəkisiningin may Sadrak, Mesak gəm Abed-Nego. Yaŋ məki ɗiy nek abani.

Mika 7:10

Məzuzelu wawla wil wadanəni, ndən mənah su wən nak na: Aŋgay Yawe Maŋgəlva nok di? Haraw wawla kawndapani kakaŋ ammba təl ɗəf va ndərɓa aka tive.

Luka 21:24

Waskotoŋ ama masalam, karmeti a fərsəna aket dəlveŋge net ɗiy-ɗar pakə. Ɗiy ɗar wandapanən Yerusalem hã gap pay net ɗiy-ɗar toŋgu.

Əmsak aka Mahenziŋ 28:33

Zəgeɗ na mabardaw nok də iya nok pak ɗiy meɓɓet məs kəsin ɓa dədawzimini, ɗiy wazəmgukun sahã də wəsər mok pay pakə.

Ibriɗe 10:29

Tatwãh metiŋgin awani əmpa aza əɗɗum nokum, məza arəh na ɗəf dəndappan Wətən Maŋgəlva, dərnoket mbel na wənmiyna məs arah ubbur dənɗaŋgə, gəm dəran Əmpəs na mbəlembəle ɓa di?

Hənhən 19:15

Masalam məs man hoɓhoɓ tay əgilyen sə man kawzet ɗiy-ɗarə. Wazəm məlĩ aket də zleŋge na təbəza, waɗot uwa net wəleŋɗe na mbazla a təki nawɗotti, ndəni wədagədəv na Maŋgəlva məs dəsan məlĩ aka zəga pakə.

Mətawaŋwəna 10:8

Səza wəzva nani hã gap wəzva kəlaw kiyən dədopoɗo ɗiy vetis aŋgroɓinin may abəzuləketin mə Israyelɗe məs dəssoŋ a dəgar ki Yurden aka dələv net mə Amorɗe a Galad beymeti.