Əɓuhma 1:14 - Bible en Guidar

¹⁴ Tay haran ɗəhərra ammba mambray nawã, aslakataŋgək addəv vani, apeŋgeŋgik awlawa. Daya Addakawəka, appawək avet ɗiy məs nəɓap na əziw abet ɓa.

Əɓuhma 1:14 ပူးပေါင်းရင်းမြစ်များ

Wənməkkpaŋga 5:22

Heslepeɗe na məsdaraw warmanəni, warəm addivit helegeɗ na mambray nani.

Isaya 14:25

Wanəŋzlu gbogboŋ na Asiri aka dələv nawa; wanəndapan aket mossorgoɗe gugriɗ nawa. Wanəprət zuk səma wəleti, gəm wanəzgan zəga nawsla nan səka kiyveti.

Isaya 47:6

Gədəvu adək aket ɗiy nawa. Nəreygitik ɗiy nawray vawa nəppetik ammba voko. Ya kəwəl sãhã aket ɓa, kəŋgrofuk mazza də zəga nawsla gagdak diyɗa.

Yeremiya 25:9

Yawe aɗiyman na, in yakəŋ əslən əkeyet ɗiy na kəla disiŋ pak gəm wanəki Nabukodonozor məlĩ na Babilon gawla naw dəgaygən də dəlveŋka, dit ɗiy naddəvən, dit ɗiy naket dəlveŋge en dəssoŋ kiyən tərwəslə, wanəzet kakãhə, wanəkkpeŋget zəga naggət gəm nawmas aketi, wasan kiməski faɗə.

Yeremiya 27:12

Ya sən Sedekiya məlĩ na Yuda na, nəpelik əpeləŋ pak dawnəh na: Məvoŋgən wəlokum ammba zuk na məlĩ na Babilon gəm məgəɗ sən wəza ndən dit ɗiy nani kəssoŋgən madorokum.

Yeremiya 27:8

An ɗiyi awaniɓa milyeŋge dəɗɗaŋ wəza sən Nabukodonozor məlĩ na Babilon ɓa, dəppanən wəlet ammba zuk na məlĩ na Babilon ɓa na, asna wanəsil aket ɗiyis də masalam, mayã gəm gbəgba mərma Yawe aɗiymani, hã gap in kakah əzet də vani.

Yeremiya 28:13

Dok kəpelsəngən Hananiya dawnəh na: An Yawe anah yaŋka, zukɗe na wəlaŋga kəŋzletiŋki kəzaɓgən zukɗe na təbəz a gəleti.

Yeremiya 28:14

Vi an Yawe Məzuɓappak Maŋgəlva na Israyel anah yaŋka: Nəklak zuk na təbəz a ma wəlet ɗiyəŋ pak na, vi dəɗɗaŋgən wəza sən Nabukodonozor məlĩ na Babiloni, ya waɗɗaŋ sənən wəza, zəga mamayã nawra zlaŋ nəpsənəka.

Yeremiya 32:3

Sedekiya məlĩ na Yuda arma adak dawnəh na: Vimi kədaɗɗa kəleŋ də wənəh na: Vaŋki Yawe anahə: Wanəppan walaŋgəla-metiŋginiŋ ammba va məlĩ na Babilon, wazəma di?

Yeremiya 32:5

Waka Sedekiya a Babilon, adak adawsan hã gap pay an nədazga sləma akani, Yawe aɗiymani. An kəgayaŋgək dit mə Kaldiyeɗ zlaŋ kəskaŋ na wəla ɓa.

Yeremiya 37:17

Yas məlĩ Sedekiya aslən əgəmən, məlĩ attokon man mahaɗama eŋgil ananda, amna: «Əpel tay səza Yawe sa?» Yaŋ Yeremiya, amna: Tay; yaŋ amna: kapsukki ava məlĩ na Babilon.

Ezekiyel 11:9

Wanəgilgukum səddəvni, wanəpsukkum avet ɗiy-ɗarə, wanətawwən akokum.

Ezekiyel 21:31

Vaŋ Daya Yawe anahə: Dətornən mətərkiya na məlyã, dəpoŋnən kulpupu na məlyã; zəgeɗ assoŋ na va lahəŋ ɓa; kawsilgəni an məvoŋgəni, kawvoŋgəni an məsilgəni!

Ezekiyel 23:28

Vi vaŋ Daya Yawe anahə: In yakəŋ əppok avet ɗiy en kəzeli, avet ɗiy en kiyuk akkpaŋ səketi;

Ezekiyel 25:4

Vini, in yakəŋ əpsukuk sit ɗiy nammba pay nampum ka neti, waziynin dibirgidikɗe net anokda, warkenin gəleɗe net anokda, ndəɗaŋ dədawzəmnən zəga na mabardaw noko, ndəɗaŋ dədawsanən moŋvo noko.

Ezekiyel 25:7

Vini in yakəŋ ətəl vaw akok kapsukuk va zəga na popoho sit ɗiy-ɗarə, wanərsluk səzet ɗiyi, wanəvvuyok səret dəlveŋge, wanəzoko; wakəsən na intə Yawe.

Hose'a 5:14

Vi wanəsaw va ɓoolu aza Efrayim, va gawla ɓoolu aza Yuda. Naw in nədawpiweni, sissiŋ wanəmbat dəndəni, ɗəf tay nawmõhən ɓa.

Mika 2:3

Vini Yawe anahə: Nəzaɓanək tatwãh nawki aka mahəlfa məgəɗ vaska; kəkõhoŋ na ɓa, kədawaŋ na kiykum daŋga ɓa, vi pay an dədazzanəŋka pay na tatwãhi.

Əmsak aka Mahenziŋ 28:48

wakəgəɗ wəza sit məzuzelɗe nok məs Yawe adawki akoko, may dit meme wazəmguk sahã, wakəssoŋ də wəray na lukutu gəm net zəgeɗ temtem pakə. Waklak suk zuk awloko, gap pay adawzok kakãhə.