Əɓuhma 1:11 - Bible en Guidar

¹¹ Ɗiy nan pak tay ənɗəsaŋgə, tay əkayaŋ zəga nawzəma. Aziyinik zəgeɗ net en na sləma pak ka zəga nawzəma, vi zilmeyit dəmbəlgəni. Yawe, azi horok awla va nəkkpaŋ zəga narba wili.

Əɓuhma 1:11 ပူးပေါင်းရင်းမြစ်များ

2Milyeŋge 6:25

May agəɗək a Samari diyɗa. Walaŋgəla-metiŋ məsərŋgəslni, hã gap əlbəh na ki koro dayday, koɓeɗ na təbəz babar kaklaw dodopoɗo, pəlwit biŋgeɗ na maha, wəɗak na kilo taka tay əlbəh deleɗ na təbəz babar sle'i.

Ɗerewel na Yob 40:4

Awle, nəgapək zəga nəzlan sukgən sa? Nəmsanək maw də vawa.

Gəlyaɗe 79:4

Məkkpaŋgək zəga na əra net meggeŋgiɗmə, ɗiy dəkaraŋ kiyəm tahəŋ ənəhaŋ wən azamə, tahəŋ əmasaŋ akamə.

Yeremiya 15:19

Vini Yawe anah na: An kəmilke, asna wanətafko, wakəziw abawa. An kəsənək əgohon əpel an moggon səza an ɗarə asna wakəsok mawa. Ɗiy wamilyoŋ azoko, istə namndok azet ɓa.

Yeremiya 19:9

Wanəzəmgit sluwit kirtit mezeŋgleket dit muguluŋgiti. Ɗiy wampəranən zit addəv əzəmsahã gəm tatwãh məs məzuzelɗe net adawkiyaŋ aketi, gəm en məzukayanən zeŋgileti.

Yeremiya 38:9

Daya naw məlyã, an ɗiyiŋ aɗɗaŋ sənən məskəleŋ Yeremiyaŋ pak mbərayni. Azganənək a vovu, wamtə addəvən sən mayã vi peŋ tay a walaŋgəla-metiŋ əmpa ɓa.

Yeremiya 52:6

Də wəvoŋ vaytak na təla mapoɗoni, may na ngarnya adek a walaŋgəla-metiŋ; zəga nawzəm net ɗiy naka dələv tay ɓa.

Əɓuhma 1:8

Yerusalem agəɗək mambray gədakə vini arnoku. Məzugagdakanən lahəŋ pak tay əzelenəni vi awlanən gabban mekeleŋ. An dəpəl sən na əhəmi gəm əktoh gəɓan əmbata.

Əɓuhma 1:9

Ərnok tay aza gabba lukut nani aɗɗumon an nazzan abe ɓa. Əzbər nan agəɗək va na sekene, məzəbbah sən tay ɓa. Yawe awla əzəmsahã nawa; awla va məzuzel naw adawɓaya.

Əɓuhma 2:11

Haraw pəreŋ sən əhəma, zəga van aɓlawka, makraw tay əziw a gəlan ɓa sən əray məs dərih ɗiy nawəŋka. Vi kirin memeɗeŋɗe dit en namet bide pak tay əmtaŋ a walaŋgəla-metiŋ.

Əɓuhma 2:12

Tay ənah sitin may met na: «Ngay way may mbazla di?» Dəka tay əɓirzliweŋ va ɗiy dərəhaŋ vaŋvi a walaŋgəla-metiŋ, ndəɗaŋ əmtaŋ avet may meti.

Əɓuhma 2:20

Azi horoko Yawe awla: naway kəzəmgən sahã zev aŋ di? Adahək gil dəmpirningin kirtit məs awaŋ adawsa'aŋgəŋ sa? Adahək əbey məsdəlveŋge dit məskəleŋɗe addəv gəlamatuya nok is Yawe sa?

Əɓuhma 5:1

Yawe aɗɗumon an dərahmə. Azi horok awla va adawraməni.