Əɓuhma 1:10 - Bible en Guidar

¹⁰ Məzuzel nan atələk van aket zəgeɗ nan en na sləma pakə. Gesiŋ, awlek ɗiy-ɗar ətoŋgoŋ addəv gəlamatuya, məs kəɗi sit wən nan na adaddoŋ addəv əkkal na mahenziŋ nok ɓa naka.

Əɓuhma 1:10 ပူးပေါင်းရင်းမြစ်များ

2Alabaraɗe Də Mabərkiziti 36:18

Zəgeɗ naddəv gəla na Maŋgəlva baymeti, gugriɗ dit memeɗeŋɗe, may əzaɓ naddəv gəla na Yawe, əzaɓ nana məlĩ da, də an nanet ɗiy naban bayman pak akak a Babilon.

Nehemi 13:1

Aka daska'a ləŋ, daŋɗan ɗerewel na Moyis abet ɗiy na, yaŋ məgap aka təki adawnah na, mə Ammonɗe dit mə Mo'abɗe atoŋgoŋ na ɗah aret ɗiy na Maŋgəlva ɓa.

Isaya 63:18

Ɗiy na salala nok dənziyaŋ səza atafən dələv ɓa; ya məzuzelmən andapanənək gəla salala noko.

Yeremiya 15:13

Wanəppan arya nok də əzaɓ nok sən popoho, kawfaɗ suki ɓa vi mambray nok məs kəgəɗ aket meŋge na dələv nok pakəŋka.

Yeremiya 20:5

Arya na walaŋgəla-metiŋginiska, wərəh na wəza net pakə, zəgeɗ na sləma net pak gəm wəzaɓ net məlyeŋge na Yuda pak wanəpsit ammba vet məzuzelɗe neti; wappohonəni, wasləpatnəni, wakanən a Babilon

Yeremiya 27:19

Vi vaski Yawe Məzuɓappak anah aka wən net dədəkeɗi, mergeɗi, kasliɗe gəm aket zəgeɗ en dəppaŋ addəv walaŋgəla-metiŋginiŋka,

Yeremiya 27:21

An Yawe Məzuɓappak Maŋgəlva net məs Israyel anah aka wən net zəgeɗ en dəppaŋ addəv gəla na Yawe gəm addəv gəla na məlĩ na Yuda də an na Yerusalem yaŋka.

Yeremiya 50:28

Məprəm wəlet məs dənzoŋgu, en dəndəwəɗaŋ hã səka dələv na Babilon əpel alabara na əmpəlkiya na Yawe Maŋgəlva nam a Siyon: əmpəlkiya ammba gəla nani.

Yeremiya 51:51

Wil tay ədəmə, vi məprəmək əra! Mənam tat ərba wili vi melekeɗ atoŋgoŋguk a təki na matuya naddəv gəla na Yawe.

Yeremiya 52:13

Aɗi sənək offo sən Gəla na Yawe, gəla na məlyã, gəm gəleɗe naddəv walaŋgəla-metiŋ na Yerusalem daysa net ɗiy en tutukprukɗe.

Əɓuhma 1:7

Yerusalem aka asan slorslor addəv əzəmsãha nani, tay əɗɗumet zəgeɗ nan na sləma en dəssoŋ aka pay an lahəŋ pakə. Aka ɗiy nan abətaŋ ammba va məzuzel nan, məza ɗəf əbbah sən ɓaŋka. Məzuzelɗe nan awlanənka amasaŋgək aka əhhi nani.

Ezekiyel 44:7

Adan kətoŋgitin melekeɗi, ɗiy məs mekret dəkkpaŋ ɓa ganyẽɗi vi dəssoŋgən addəv gəla nawa, vi dəraygənəngən gəla nawa; pay kəkinən way nawa ana səlhã dit mbeli, vasna wənmiyna naw kəŋzləwənək dit zəgeɗ daryawɗe nokuməs pakə.

Ezekiyel 7:22

Wanəkkpaŋgan haraw səketi, warnokonən zəga an nəzaɓ zaɓə. Masapeɗ wazzoŋ adaka warnokonəni.

Ezekiyel 9:7

Yaŋ aɓsit na: «Mərnokon Gəla, məknih daŋglaɗe dit kiygəbayɗe, Migili!» Agilyoŋko, abeyninik ɗiy na walaŋgəla-metiŋ.

Markus 13:14

An kulanənək daryaw məraygən təkiya, aziwik a təki məs dəslə dəziwgən ɓa. (Məzənɗani dəprəm gabbani.) Asna ɗiy en dədassoŋ a Yude dənzoŋ aket mossorgoɗe gugriɗe.

Əmsak aka Mahenziŋ 23:3

Tive tay sulom dətoŋgən addəv əsap net ɗiy na Yawe ɓa'a: hã gap sayit kirtin kəlaw, atoŋgoŋ na addəv əsap net ɗiy na Yawe ɓa.

Əmsak aka Mahenziŋ 23:4

Mə Ammonɗe dit mə Mo'abɗe atoŋgoŋ na addəv əsap net ɗiy na Yawe kpak ɓa; sayit kirtit ma kəlawan zlaŋ atoŋ addəv əsap net ɗiy na Yawe ɓa hã faɗə.