Əɓuhma 1:1 - Bible en Guidar

¹ Aw haya, mbar walaŋgəla-metiŋ vaŋ məs ɗiy addəvən hõyõ'hõyõ', asan tuɓollo di! Ndən ula na va gagəbaya. Ndən məs dəsan daya lahəŋ a walaŋgit dilveŋge gəm a walaŋgit kivet dilveŋge, yaŋ akkpaŋ balamə.

Əɓuhma 1:1 ပူးပေါင်းရင်းမြစ်များ

2Milyeŋge 23:33

Farawən Neko, aynanək a Ribla aka dələv na Hamat, vi adawzəm məlĩ a Yerusalem ɓa. Yas aɗi wən nakkal nzalaka aka dəlva, təbəz babar kilo gabal hoku, meleŋge kilo kaklaw hoku.

2Milyeŋge 23:35

Yoyakim apsənək təbəz babar də meleŋge sən Farawən; vi kawfaɗ an Farawən aɗi sit na, atawək təbəz babar də meleŋge aket ɗiy naka dələv nani, ɗəf pak aza wərəh nani, kapsən Farawən Neko.

2Alabaraɗe Də Mabərkiziti 9:26

Askak wəlet milyeŋge baymet təŋ səza məlpa metiŋ, hã aka dələv net mə Filistiɗe gəm hã aket meŋge də Eziptə.

Ezra 4:20

Far lahəŋ na, milyeŋge məs gbogboŋɗe dəssoŋ a Yerusalem, ndəɗaŋ dəzəmaŋ məlĩ dəggar ki Efrat; ndəɗaŋ dədawtafnən zəga na makaryam, nzalaka, də an adawfaɗaŋ nawtoŋgo.

Nehemi 5:4

Tahəŋ dənahaŋ na: «Aket gulyeŋge dit megezlembirkeɗ nam mədawgəm koɓeɗ dəmən na nzalaka na məlyã.

Nehemi 9:37

Zəga na mabardaw naddəvən gbaŋkəŋ na, net milyeŋge məs kəɗi akami sən wən na mambray namə; tahəŋ əzəmaŋ məlĩ va aŋglaŋ akamə gəm aka zəga mamayã namə. Addəv əzəmsahã diyɗa mənani.

Gəlyaɗe 122:4

Adaki yi, mahəlfaɗe apeŋgeŋgi, mahəlfaɗe na Yawe, va məziwgin a Israyel, kawgagdakan iya na Yawe.

Isaya 14:12

Mbarmbari is ngərzla na ba pummo kəbət hã sə disiŋ di? Məzgok afuŋ is gurom məzet ɗiyi!

Isaya 22:2

Is walaŋgəla-metiŋgini məknəhən də geŋgere, də ənneke gəm də əzləra. Ɗiy nok ama masalam amtaŋ ɓa, ama əgay məbeyit ɓa.

Isaya 3:26

Asna, ɗiy naddəv walaŋgəla-metiŋ nok pak wanɗəsaŋgə, wassoŋ addəv gəlabaya, wasan seŋseŋgi, wasan gubok afuŋgu.

Isaya 49:21

Wakənah a mokrok na: Naway dəwe su eŋ vet di? Naw muɗakawi dit kirtuwa, ndarzlay nani, məkuwi aka balam, məgõhwi. Ya naway dəzgil eŋhiŋ di? Awla, naw məppawi takərguwa, ya eŋ net lahəŋ aŋgaŋgə di?

Isaya 50:5

Daya Yawe akol suwək sləmawa, nəɓoŋ sən ɓa, nəmndaw dərɓe ɓa.

Isaya 52:2

Attu' ologudum səzoko, asil asok tuŋgu Yerusalem apəl helege suloko is waŋ na Siyon mərməta.

Isaya 52:7

Miyə lalaw aket mossorgoɗe gugriɗe va təl mərbə alabara nenek di? Tay əprəman wən na zazaya, tay ərban alabara neneke na moggon məzuki əkõho. Tay ənah sən Siyon na: Maŋgəlva nok tay əzəm məlyã.

Isaya 54:4

Kəgeslne ɓa, karbəsuki wil ɓa, Kəzlzlaɓ ɓa, wil adukun ɓa, wakəzgət ki ərba wil nok naka gore, kəɗɗumon na ərba wil nok nassa gagəbay əmpa ɓa.

Yeremiya 31:7

Vi vaŋ Yawe anahə, məŋgəsl vaŋvəl nannek sən Yakob, mənnek babyak-babyak sən daya naket dəlveŋge, mərban ənnek nokum, məgagdakani, mənah na: Yawe, akõhgit ɗiy noko, madambirgit na Israyel.

Yeremiya 40:9

Gedaliya, wət Ahikam, wət Safan, asway sitike gəm sit ɗiy net dawnəh na: kədawgeslne'eŋ daɗɗa wəza sit mə Kaldiyeɗ ɓa; məssoŋ aka dəlvəŋka, məgəɗ wəza sən məlĩ na Babilon; wasan moggon azokum.

Yeremiya 42:2

anah sənən Yeremiya məskəleŋ na: Kamə, aprəm əkkam namə, akkaman Yawe Maŋgəlva nok ammbamə, ammbet ɗiy en dəndəwəɗaŋ pakə, vi siɗikke məpəl səza va məsam gbaŋ naka va horok adawləməŋka.

Yeremiya 44:2

Vaŋ Yawe Məzuɓappak Maŋgəlva na Israyel anahə: Nokum kulanənək tatwãh nəki aka Yerusalem gəm aket walaŋgəleɗe na Yuda pakə, yeŋ pay dəpaŋ kiməskiya, ɗəf tay addivit ɓa.

Yeremiya 44:6

Ndəni herɗe naw gəm ədagədəv naw afyohoŋgu, azlenin walaŋgəleɗe na Yuda dit tiveɗ na Yerusalem akkpaŋgaŋ kiməskiya, mbəreyit va dəpaŋkəŋka.

Yeremiya 50:23

Mbari gədəma məzəŋgrof dəlvafuŋ akrap gəm aŋgəsl hoɓoɓ di? Mbari Babilon aray a weleŋgit dəlveŋge ɗar di?

Yeremiya 9:11

Naway ɗəf məsmaɗɗula naprəm gabba wənəs di? An Yawe apel sənək na dərban sit ɗiy na, vimi dələv azə, məɗi sən offo kpaŋ va kapta-muyã ɗəf awtoŋ dədak ɓa di?

Əɓuhma 1:19

Niyek ɗiy en dəŋgəlwəni, ya ambəɗawənka. Məsdəlveŋge dit ɗiy məsɓet naw amtaŋgək a walaŋgəla-metiŋ, aka adawkayaŋ zəga nawzəm net dəmbəlaŋgəni.

Əɓuhma 2:1

Aw haya, mbarmbar Daya aki slaybuwən kirit addəv ədagədəv nan aka Siyon di! Azganək lelew na Israyel sə disiŋ hã afuŋgu, dəɗɗum aka təki nawɗi tələn pay ədagədəv nan ɓa.

Əɓuhma 2:10

Ɗiy məsɓet na Siyon assoŋguk afuŋ gurom, ɓata'ɓata'ə. Aziyaŋgək burɗuk aka kiti. Tahəŋ də lukut na gəbay ezeti. Gorɗeŋge na Yerusalem kiyit təktək afuŋ. Aguloŋguk lukut na gəlabay azeti.

Əɓuhma 4:1

Haya! Meleŋge argã'ka, meleŋge saksak arayka, gərmeŋɗe na matuya atrayaŋgək aka wətəŋ net tiveɗ pakə.

Əɓuhma 5:16

Gagdak nam agrakka! Əray akamə haya vi məgəɗək mambraya!

Ezekiyel 26:16

Ɗiy gugriɗ nama pehe pak waprikeŋ səka mazaŋgeɗ na məlĩ neti, waggbuknin mukso'oɗe net dit lukutɗe net məbay sit gawla; geslne wagule kassoŋ afuŋgu, aɓətaŋ na də əkker ɓa, wazəmaŋ sahã aka wən noko.

Ezekiyel 26:2

«Wətən ɗəfa, adan Tir amas kəɗek kəɗek aka Yerusalem dawnəh na: Maddamba metiŋgin net ɗiy aŋgəslka! In nəpəl nawba, nan məbzluni yi!

Ezekiyel 5:5

Vaŋ Daya Yawe anahə: Yerusalem əŋki nəɗi addekit dəlveŋge na guwa, dəlveŋge kiyən tərwəslə.

Məsdəlveŋge 26:31

Wanəkkpaŋget walaŋgəleɗe nokum kiməskiya, wanəpzlu gəla nakkam nokum; məŋgən tursan nenek nokum affok na nek akaw ɓa;

Məsdəlveŋge 26:33

Wanətrayokum aret ɗiy nammba dəlva, wanəptu masalam akokum; dələv nokum wakkpaŋ muyã ɗarə gəm walaŋgəleɗe nokum kiməskiɗe.

Sefanya 2:15

Vaski walaŋgəla-metiŋ mənneken zən dəsan də gəla fendeŋgi, an dədawnəh a makran na: «Ina, intə kaka'ə!» Mbar akkpaŋ dələv məzan əmpa, ka bətəŋ net zəgeɗ nawra di? Məzutoŋ pak wafyoku, waɗɗa van weleki.

Hənhən 18:7

Va adattəman nek addəv gagdak nan gəm addəv ərəh nan diyɗaŋka, məwan əzəmsahã nan də wəska morkoyo nan gbaska, vi tay ənah a makran na: Aka mazaŋga na məlĩ nan va ma'aykə, gagəbay nan kpak ɓa, əmta arəhu na ɗah ɓa.