2Timote 4:3 - Bible en Guidar

³ Vi pay wade məs aɓapən na ətaf əyak an salala ɓa, sləmet wahhereti. Ya wakkeletin mərbaŋzəga va aza əŋgla na gəɓa ziti.

Nouveau Testament en Guidar

³ Vi aba wəgrak na dəlva, angereŋ na wəpprəm wən an təstəs ɓa. Amma waweleŋ ɗəffan narban sit zəga an məs dəslə də əŋgla neti, vi kapprəm an məs nek aslmeti.

Bible en Guidar

³ Vi pay wade məs aɓapən na ətaf əyak an salala ɓa, sləmet wahhereti. Ya wakkeletin mərbaŋzəga va aza əŋgla na gəɓa ziti.

2Timote 4:3 ပူးပေါင်းရင်းမြစ်များ

1Milyeŋge 18:22

Eliya aɓsit ɗiy na: «Intə nəpəl məskəleŋ na Yawe matakərgu kaka'ə, məskəleŋɗe na Ba'al tahəŋ səkat poɗo də kaklaw sle'i.

1Milyeŋge 22:18

Məlĩ na Israyel aɓsən Yosafat na: «Nənoh suk ɓa! Nan aɗɗa kəleŋ moggon akaw məza an mbərayni ɓa ɓa!»

1Milyeŋge 22:8

Məlĩ na Israyel aɓsən Yosafat na: «Ɗəf maɓɓan taye'e nassohõn Yawe aman kəta, ya naw in tat əzel wən nani, vi aɗɗa kəleŋ akaw moggon ɓa abbər mbərayən ɓa. Mika wətən Yimla yi.» Yosafat amna: «Məlĩ anah vas ɓa!»

Əgilye 32:33

Yawe aɓsən Moyis na: «Naway dəgəɗ mambray azaw di? Anani yi nədavvuyon səddəv ɗerewel nawa.

Isaya 28:12

Ndən məs dənah sit na: Aŋ təki naffeti; məppan ɗəf məyan dəffeti. Aŋ təki nasso kiyuk foŋgoy. Dəŋgəm əprəmən ɓa.

Isaya 30:10

Tahəŋ ənah sitin, məzulaŋ na kədawlaŋ ɓa, sit məskəleŋɗe na «Kədaɗɗaŋ səmən kəleŋ an təstəs ɓa!» Məpel səm əpel neneke məssoŋ də ula nawmbəɗan ɗəfa.

Yeremiya 18:18

Aɓɗaŋ na: Mide mətuvur səm wən aka Yeremiya, mahenziŋ azəna vi məsdəlveŋge tahəŋ ɓa ɓa, əzga' vi məsmaɗɗula tay ɓa ɓa, əpel na Maŋgəlva vi məskəleŋɗe tahəŋ ɓa ɓa. Məndam sa akani, məraygən səm iya nani, əpel nan tay mədazga sləma akan ɓa.

Yeremiya 27:9

Ya nokum na kədaprəmən met məskəleŋɗe nokum ɓa, met məzulaŋ nokum ɓa, əssine nokum ɓa, məskaŋ helig ɓa gəm məɗɗaŋ sekeneɗ nokum ɓa, ndəɗaŋ məzupeleŋ sukumən dawnəh na: Kədaɗɗaŋ wəza sən məlĩ na Babilon ɓaŋki.

Yeremiya 29:8

Vi vaŋki an Yawe Məzuɓappak Maŋgəlva na Israyel anahə: Kədappetin məskəleŋɗe nokum dəssoŋ a waloŋkum gəm məskaŋ helig nokum əmbəɗokum ɓa, kədazgaŋ sləma aket əssineɗ nokum məs kədassineŋ ɓa.

Yeremiya 5:31

Məskəleŋɗe aɗɗaŋgək kəleŋ na uwawəna, məsdəlveŋge tahəŋ ətaf ərəh net kaka'ə, ɗiy naw tahəŋ ulanən lew a ma hereti. Ya mi kədaɗɗaŋ dərɓaga as di?

Mika 2:11

An ɗəf azbanək səmyã armak uwawəna, anahək na wanəgəɗ suk kəleŋ ka mbazla gəm ka zəga nawsa məhəsən! Wasan ka məgəɗ kəleŋ net ɗiyiŋki.

Luka 20:19

Yaŋ mərbaŋ-mahenziŋ dit deyeɗe net məsdəlveŋge akayaŋgək ərman Yesu daska'e ləŋgə, ya ageslne'eŋgək viyit ɗiyi, asənənka aketi apel wənməkkpaŋgaska.

Luka 6:26

Əray akokum, an ɗiy pak tay əpeleŋ moggon akokum, vi efiŋgiɗit vas anah sitin məskəleŋɗe məwaŋ wəna.

Yohanna 8:45

Ya naw, vi nədawpel gesiŋ, vini kawtafwən ɓa.

Wəza net Masləŋɗe 17:21

Ɗiy na Aten dit melekeɗ məs dəssoŋ aret pakə, tay an adaɗɗaŋ abbər ki əpele awaniɓa əprəm wən meleketen ɓa.

1Korintus 2:1

Aka ndaw anokumda na milmiŋgiɗwa, də gagdak na əsən əpele awaniɓa na maɗɗula nəmbat ərban sukum wən məɗama na Maŋgəlva ɓa.

1Korintus 2:4

Əpel nawdoɗ ki ɗəf də əsən tay addəv əpel naw də ərbawən naw ɓa, də ərba na Əmpəsa gəm də əɓap yi.

Galatiyen 4:16

Vasna nəkkpaŋgək məzuzel nokum vi nədawnah sukum gegesiŋ sa?

1Timote 1:10

viyit məkuhwaŋ a gizbe, məvunoŋ dit zel tusso, viyit məvəlaŋ belemɗe, dit məwaŋ tepelke, dit məswayaŋgə, dit məɗɗaŋ zəga maɓɓan nawraygən əyak an salala.

2Timote 1:13

Zəga narban suk tive, ndəni əpel salala məs kəprəm səmaw addəv ətafa gəm əŋgla addəv Kristu Yesu.

Zuda 1:18

Vi anah sukumənək na: Aba əgrak na dələv na: Ɗiy wamasaŋ akokum, wazbanən əsim zəga mbərayən neti.