2Timote 4:1 - Bible en Guidar

¹ In tat əkkomok aba Maŋgəlva də aba Kristu Yesu məs dədatawwən aket ɗiy mederet dit mimtiti gəm də iya na ərba nani gəm əzəm məlĩ nani.

Nouveau Testament en Guidar

¹ Intatə komoko aba Maŋgəlva də Zezu Krestu məs dəda taw kita aket ɗii mimtiti dit mederet pakə. Wade gesiŋ vi kawziwgin məlĩ nani. Vini kan nənah suk na:

Bible en Guidar

¹ In tat əkkomok aba Maŋgəlva də aba Kristu Yesu məs dədatawwən aket ɗiy mederet dit mimtiti gəm də iya na ərba nani gəm əzəm məlĩ nani.

2Timote 4:1 ပူးပေါင်းရင်းမြစ်များ

Gəlyaɗe 50:6

Disiŋ warban təstəs nani, vi Maŋgəlva yi mətawwəna! Əziwe

Gəlyaɗe 96:13

aba Yawe, vi tay əzzani, vi tay əzzan ətawwən aka dəlvafuŋ. Watawwən aka dəlvafuŋ də təstəsə, gəm aket ɗiy də moggon nani.

Gəlyaɗe 98:9

aba Yawe, vi tay əzzan kawtaw wən aka dəlvafuŋ. Watawwən aka dələv də təstəsə gəm aket ɗiy tam də tiveni.

Matiye 16:27

Vi Wətən Ɗəf wade addəv gagdak na Afən dit maslayɗe nani, wafaɗsən ɗəf pak aza wəza nani.

Luka 19:12

Yaŋ anah kan na: ɗəf məs zeŋvit ɗiy gagdakɗe ambatək aka dələv faraɗa kawrəh məlĩ adaka, gəm kawmilyeni.

Luka 19:15

Adan amndan səza arah məlyã ya anah dəyen sənin belemɗe məs apsit suley na təbəz babar naka, vi dəsəngən an arahaŋ də əman veti.

Luka 23:42

Yaŋ amna: Yesu aɗɗum akawa pay kədawtoŋ addəv məlĩ noko.

Wəza net Masləŋɗe 10:42

Ya aɗi səmək wən nan mətəlgən ma nan azet ɗiy gəm karban sit na ndəni məs Maŋgəlva awel mətawwən aket ɗiy medereti gəm mimtiti.

Wəza net Masləŋɗe 17:31

Vi aɗiyək pay nawtawwən aka dəlvafuŋ pak də təstəs, də ɗəf məs aweli, dədah nawtaf net ɗiy pakə, asilgənək səka əmta.

Roma 2:16

pay an Maŋgəlva adataw wən də Yesu Kristu aka an dəsan məɗɗa net ɗiyi, va aza Alabara nenek nawa.

Kolosi 3:4

Kristu wi zeŋgilokum, an arbanək zəni, nokum pak wakərbanən zukum dəndən addəv gagdaka.

2Tesaloniki 2:8

As kan na, ɗəf mbərayən nak warban zəni, Daya Yesu wabay də əmpəs na mani, wazan də gagdak na əzza nani.

1Timote 5:21

In tat əkkamok aba Maŋgəlva də aba Yesu Kristu dit maslayɗe məs məwelti, arme zəgeɗis məza də əɗɗum mbərəŋ aket ɓa, məza əŋgəl sən ɗəf maɓɓan dayki mbərən ɓa.

2Timote 1:10

arbək kakaŋ də əzza na məzukõhgəm Kristu Yesu. Ndəni dəzan əmta, dəwiɗgən zeŋgile gəm əssa faɗ də Alabara Nenek,

2Timote 2:14

Aɗɗumon wənəska, asəɓ sit ɗiy na pay aba Maŋgəlva na, adaŋzlaŋ ma aka əpel ɓa, tay an adawtər abbər əreygit məzəprəmini.

2Timote 4:18

Daya wakõhgu səza wəza mbərayən pakə, wakõhgu vi kawku addəv məlĩ nan a disiŋ. Gagdak nani va sayit ɗiy amə pakə. Amin.

2Timote 4:8

Kakaŋ na mətərkiya na təstəs tay zaɓɓa viwa, məs Daya mətawwən an təstəs adapsu pay nani, suwi kaka ɓa, sit ɗiy en məs dəŋglunən əzza nan pakə'e yi.

Titus 2:13

də əɗɗum əga neneke gəm ərba na gagdak na Maŋgəlva metiŋ gəm na Məzukõhgəm Yesu Kristu,

1Piyer 1:7

Vi ətaf nokum məs məslan dəsan na sləma dayki meleŋge məs dəsan zəga nawray məslan də offoŋ dərahgən əɗikiya, gagdaka gəm sləma pay Yesus Kristu adarban zəni.

1Piyer 4:5

Ya waŋɗanən an məs adaɗɗaŋ pak aba Maŋgəlva məs dəsla zən nawtawwən aket ɗiy mederet dit mimtiti.

1Piyer 5:4

Pay məzutaɗa an daya adazzan na, wakərəhaŋ mətərkiya an də gagdaka, məza awray ɓa.

2Piyer 1:11

Vi vaski tive nawtoŋ addəv məlĩ an faɗ na Daya nam gəm na Məzukõhgəm Yesu Kristu adawsan sukum viŋgi.

2Piyer 1:17

Vi arahək əɗikiya gəm gagdak səza Maŋgəlva Afəni. Maŋgəlva afən gagdak apel sənək dawnəh na: Aŋki Wətu an nəŋgələ, in tat ənneken zu dəndən sawɓa.

1Yohanna 2:28

Ya kakaŋ kan na, kirin nawa, məssoŋ addəvən, vi va pay arban zən pak na məsamgən fendeŋgi, wil adawzargəmən səzan ɓa' pay nazza nan ɓa.

Hənhən 1:7

Awla tay əzan aka slaybuwna, ɗiy pak wawlanəni, gəm ɗiy məs dəmpanən zlaŋ wawlanəni. Ɗiy naka dəlvafuŋ pak waskaŋ morkoyo aka wən nani. Vaski wagəɗ vaska.