2Timote 2:25 - Bible en Guidar

²⁵ Adahək dərbangən zəga sit ɗiy məzupeleŋ akan mbərayən də maɗɗula. Kuzuŋ Maŋgəlva wabbah sit nawɗi marava gəm nawsən gegesiŋ gərakə,

Nouveau Testament en Guidar

²⁵ Say dərban gən zəga də kuket sit ɗii məzu peleŋ mbrayen akani. Kuzuŋ Maŋgəlva wabaah siti dətubiyaŋ gəni dəpprəmən gən gabba goŋga.

Bible en Guidar

²⁵ Adahək dərbangən zəga sit ɗiy məzupeleŋ akan mbərayən də maɗɗula. Kuzuŋ Maŋgəlva wabbah sit nawɗi marava gəm nawsən gegesiŋ gərakə,

2Timote 2:25 ပူးပေါင်းရင်းမြစ်များ

Yeremiya 31:33

Vi aŋki wənmiyna məs nədawziwgin dit ɗiy na Israyel dərɓaga payəska Yawe aɗiymani: Wanəɗi mahenziŋ addivti, wanəver a mekreti, wanəsaw Maŋgəlva neti, net wassoŋ ɗiy nawa.

Ezekiyel 11:19

Wanəpsit mekret an təstəsə, əmpəs meleketen nədapsit addivti, wanəgdəh mekret na gərəm səzeti, wanəpsit mekret na sluwa,

Ezekiyel 12:3

Ya noko, wətən ɗəfa! Aynet zəgeɗ nasme noko, asim də kapay ama hereti, kəsimgən sə təki kəsok a təki maɓɓan ama hereti; kuzuŋ wawlanən na ɗiy məɓoŋtiŋ soko?

Ezekiyel 36:26

Wanəpsukum mokrokum meleketeni gəm əmpəs meleketen nədawɗi addəvkum; wanəkdəh makra na gərəm səzokum, wanəpsukum makra na sluwa.

Ezekiyel 36:31

Wakəɗɗumonən ədaw nokum mbərayən də zəga naɗɗa nokum tay moggon ɓaŋka. Kənanən na nek ɓa vi heslepe nokum gəm zəga daryaw nokum.

Zakarya 12:10

Wanəknəh zev Davit gəm ɗiy na Yerusalem də əmpəs moggon gəm nakkama. Wawlaŋ azawa, in ɗəf məs ambokoŋ naka. Waɓuhnən met ammban va adawɓuhoŋ ma ammba wiyən karmalay. Waskaŋ morkoyo ammban va adaskaŋ morkoyo ammba uwa maddaabəŋ.

Matiye 11:29

Məslan zuk naw akokum, məyak azawa, vi zay nani, makraw barə, wakərahaŋ əffet na zeŋgilokum.

Matiye 21:32

Yohanna adeke arban sukumək tive an moggoni kətafnən ɓa. Mətafaŋ nzalaka dit gil məpolkoyeɗ dərəŋ atafnənka. Dərɓaga kulanən vas zlaŋ kəddəɗanən əɗɗum nokum vi kawtafən ɓa.

Markus 1:15

Amna: Pay agapka, məlĩ na Maŋgəlva go'oyi, məɗimarava, mətaf Wən Neneke.

Yohanna 5:34

Naw səza ɗəf nədawrəh an nawpel akan ɓa, nədawpel as na vi nokum kəkõhoŋgəni.

Wəza net Masləŋɗe 11:18

Adan aprəmən wənəska, ndəɗaŋ ɓatə, agagdakanən Maŋgəlva, aɓɗaŋ na: Vaski yi'e Maŋgəlva apsit tive sit ɗiy-ɗar dəɗiyaŋgən marava dərəhaŋgən zeŋgile!

Wəza net Masləŋɗe 2:38

Piyer azlan sitike: Məɗiy marava, mətaf baptem də iya na Yesu Kristu navvuyon mambray nokum, asna wakərahaŋ Zeŋgile Salala.

Wəza net Masləŋɗe 20:21

Nəpel sitik mə Yudeɗi dit Gərekɗe pak dəɗiyaŋgən marava aba Maŋgəlva, dətafəngən Daya nam Yesu.

Wəza net Masləŋɗe 5:21

Aprəmənka, atoŋgoŋguk pum addəv Gəla na Maŋgəlva, əyegetin ɗiyi. Adan daya net məsdəlveŋge agap dit ɗiy nambani, ayanənək əkkala net ɗiy gugriɗe gəm əkkal net ɗiy məsɓet na Israyel pakə, yaŋ aslənaŋ a fərsəna vi kawki sit maslənɗe.

Wəza net Masləŋɗe 5:31

Anani Maŋgəlva agagdakan də van dəzəŋ ka Daya gəm məkõhgit ɗiyi. Vi kapsən əɗi marava gəm əskoɓ mambray sən Israyel.

Wəza net Masləŋɗe 8:22

Aɗi marava kan aka əɗɗa zəga ɗar nokəska, akkaman Daya, kuzuŋ əɗɗum daryaw na mokrok wavvuy soko.

Galatiyen 6:1

Məlmiŋgiɗwa, an məggbati aka ɗəf daɗɗa heslepe awandi pakə, munokum məs də Əmpəsa, məki zev ɗəf vas aka tive də makra na zazayə. Asla zuko, vi kədawtoŋ addəv ərak ɓa.

1Timote 2:4

məs dəŋgəl na ɗiy pak dəkõhoŋgəni, dərəhaŋgən əsən gegesiŋ.

1Timote 6:11

Ya is ɗəf na Maŋgəlva azar səza zəga vaska. Akayan təstəsə, geslne na Maŋgəlva, ətafa, əŋgla, əɓəsa gəm mokrok zazaya.

2Timote 3:7

Pay pak gil vet tahəŋ əkayaŋgə, ya aɓap na əgapaŋ aza əsən gegesiŋ kpak ɓa.

Titus 1:1

Intə Pol, məgəɗ wəza na Maŋgəlva, maslən na Yesu Kristu, vi kawki məweleɗe na Maŋgəlva aka ətafa gəm aka əsən gesiŋ gərak va dəslə də geslne' na Maŋgəlva,

Titus 3:2

Adawpeleŋ mbərayən aka ɗəf ɓa, adawgayaŋ ɓa, dəssoŋ də maɗɗula, dərbanən əssa zay net abet ɗiy pakə.

Yakob 1:17

Zəga moggon dədawrəhəm pakə gəm əvəl moggon pak sə disiŋ ade, səza Maŋgəlva, məs dəzəmiɗ əkasakɗe. Maŋgəlva nan addəɗ ɓa, akkpaŋ ɓa, guzli tay azan ɓa.

1Piyer 3:15

Ya Məgagdakan Kristu a makrokum ka Daya nokum. Pay pak məssoŋ məsla zukum nawzlan sit ɗiy məs dədassohokumən aka əga nokum.

1Yohanna 5:16

An ɗəf awlak məlmən əɗɗa mambraya, ya mambray nawkan aka əmtay ɓa, dəkkamə, Maŋgəlva wapsən zeŋgile. Sit ɗiy məɗɗaŋ mambray məs nawka ɗəf aka əmtay ɓa, mambray maɓɓan tay nawka ɗəf aka əmta, aka aski nənah na dəkkamə ɓa.