2Timote 2:24 - Bible en Guidar

²⁴ Ya dədah ɗəf məgəɗ wəza na Daya dəgaygən ɓa. Dəsan ɗəf məŋgluwən azet ɗiy pakə, məɓap ərban zəga sit ɗiyi, məɓəs wəna.

Nouveau Testament en Guidar

²⁴ Ɗəf məgəɗ wəza na Ɗəfdaya adawgay dit ɗii ɓa. Amma say dəsan ɗəf məŋgluwən azet ɗii pakə, məs dədawɓap wərban zəga sit ɗiiyi, məzuɓəs wənna.

Bible en Guidar

²⁴ Ya dədah ɗəf məgəɗ wəza na Daya dəgaygən ɓa. Dəsan ɗəf məŋgluwən azet ɗiy pakə, məɓap ərban zəga sit ɗiyi, məɓəs wəna.

2Timote 2:24 ပူးပေါင်းရင်းမြစ်များ

2Alabaraɗe Də Mabərkiziti 24:6

Ndəni məlĩ aya məsdələv Yoyada ki wəna, anah sən na: «Mə dəgəɗ kəsok zuk azet mə leviɗe ka nzalaka məs Moyis gawla na Yawe gəm əsap net mə Israyelɗe atawaŋ aket ɗiy ammba gizlirke məs ɗerewel na wənmiyna assan addəvən na, dəkinəngən an na Yuda gəm an na Yerusalem ɓa di?

Isaya 40:11

Wataɗ gazlaŋ nan va məzutaɗa adawtaɗ gazlaŋ nani, waslet kirit timeŋgiɗ də vani, wambu' a makrani. Walmet timeŋgiɗ məzəweɗgitin kirtit də maɗɗula.

Daniyel 6:20

Məlĩ asilik pumu, al də kakara ama vov net Ɓooliɗi.

Matiye 12:19

Agay na də ɗəf ɓa, aŋgəsl na vamvəl ɓa, ɗəf tay naprəm wəlan aket tiveɗ ɓa,

Yohanna 6:52

Əpelis asilgənək wəbay ma aweleŋgit mə Yudeɗ dawnəh na: Mbarmbari ɗəfəŋ adawɓap əpsəm gəɓa zən ka zəga nawzəm di?

Wəza net Masləŋɗe 15:2

Pol də Barnabas abayaŋgək ma dənɗaŋ diyɗa aka wənəs sawɓa. Vini aziwginin ka Pol gəm Barnabas dit ɗiy meɓɓet səret dəpeŋgeŋgin əmbat azet maslənɗe gəm ɗiy məsɓet a Yerusalem aka wən məs abayaŋ mas ka.

Wəza net Masləŋɗe 23:9

Geŋgere asilik gədakə, məzuvereŋ meɓɓet səret Farisaɗe tay əpeleŋ də gagay dawnəh na: Mbərayən təttaka tay mərah aza ɗəfəŋ ɓa, kuzuŋ maslay awaniɓa Əmpəs dəpel səni.

Wəza net Masləŋɗe 7:26

Ya vit pumpum nani, ade azet na tay əgayaŋgə, yaŋ adawslereti, amna: Ɗiyi, məlma kənanaŋgə, vimi kədaɗɗaŋ mbərayən aza zukum di?

2Korintus 10:1

Ya in Pol zək nawa, in tat əsɓokum də makra zazay gəm moggon na Kristu, in məs nədawɓegən kiyu an in tat də mənokum, ya ɓəl an ɓa' nan də mənokum.

2Korintus 10:4

Vi zəgeɗ nawgay nam na, na gəɓa zə ɗəfəŋ ɓa, əɓap net səza Maŋgəlva iyi, naɓzliw korguɗe. Ndəni mədawzet əɗɗumɗe,

2Korintus 6:4

Addəv zəga pak mənam tat ərban dərəŋ na, məɗɗaŋ wəza na Maŋgəlva mənan də əɓəs diyɗa addəv tatwãhã, addəv vavyakə, addəv geslne.

Galatiyen 5:22

Ya uwa na Əmpəs na ndəni: Əŋgla, ənneke, zazaya, əɓəsa, ulasahã, əɗɗa moggoni, ətafa,

Efesus 4:2

addəv əɓegən ki zukum, addəv zazaya gəm addəv əɓəsa. Məɓəs sən zukum də əŋgla,

Əmsak aka Mahenziŋ 34:5

Moyis, gawla na Yawe, amtək aka dələv na Mo'ab adaka, va Yawe aɗiman anahə.

Filipi 2:14

Məɗɗa zəga pak məza də wərwər gəm əŋzla ma ɓa.

Filipi 2:3

Kədaɗɗaŋ zəga də əɗɗum na əgaya awaniɓa də əgagdakan zukum ɗar ɓa, ya məɓe'gən ki zukum də ula ɗiy meɓɓet daykikum.

Kolosi 3:13

Məɓəs sən sən zukum. An ɗəf taka sərokum tay də wən aka ɗəf maɓɓani, məgəɗ mbəlembəle a walaŋ zukum; va Daya agəɗ sukum mbəlembəle, nokum pak məgəɗ vaska.

1Tesaloniki 2:7

Gesiŋ waməɓap ərban gagdak nam sukum vi maslənɗe na Kristu manan kəta, ya məvoŋgənək kiyəm a waloŋkum, va met kirin tədazga sləma aket kirtəta.

1Timote 6:11

Ya is ɗəf na Maŋgəlva azar səza zəga vaska. Akayan təstəsə, geslne na Maŋgəlva, ətafa, əŋgla, əɓəsa gəm mokrok zazaya.

Titus 1:1

Intə Pol, məgəɗ wəza na Maŋgəlva, maslən na Yesu Kristu, vi kawki məweleɗe na Maŋgəlva aka ətafa gəm aka əsən gesiŋ gərak va dəslə də geslne' na Maŋgəlva,

Titus 1:7

Vi aslək məzutaɗa net məkristuɗe dəsangən məza də wən akan ɓa, vi ndəni məzudawgən wəza na Maŋgəlva. Adawsan ɗəf məzukaɓ ɓa, mədəgədəv ɓa, dəppan kiyən sən mbazla ɓa, məŋgəl əgay ɓa, məs mamayã na ərəh net wil ɓa.

Titus 1:9

dəsan ɗəf məs dəppan kiyən sən əpel məs dəslə də ətafa va mərbani vi dəɓapgən əmpəsit ɓəɓəl sit ɗiy də əɗɗa əyak moggoni gəm dətakgən met məbayaŋ ma.

Titus 3:2

Adawpeleŋ mbərayən aka ɗəf ɓa, adawgayaŋ ɓa, dəssoŋ də maɗɗula, dərbanən əssa zay net abet ɗiy pakə.

Yakob 1:1

Ɗereweləŋka, in Yakob nəvere, intə məgəɗ wəza na Maŋgəlva də na Daya Yesu Kristu. Nəsɗetik mahəlfaɗe kəlaw kiyit sula məs dətrayaŋ ammba dələv pakə.

Yakob 3:17

Ya maɗɗula an nawsən zəga məs dəde sə disiŋ, nan salalayi. Nan tay əki əssa zay də ɓatɓatə, də bayna, awɗeket ɗiy ɓa, awa tepelke aket ɗiy ɓa.

Yakob 4:2

Mokum tay aka wərah zəga, ya kawrəhaŋ ɓa, vini kan kədawzaɓanən zukum kawbay ɗiyi, munokum tatəɗɗa kotoroku. Munokum tat əkayaŋ zəga, ya kərəhaŋ ɓa. Vini kan kədawgayaŋgə, kədazlbaŋ vi kərəhaŋ an məs kəŋglaŋ ɓa, vi kəssohõnən ava Maŋgəlva ɓa.

Yosuwa 1:1

Dərɓaga əmta na Moyis gawla na Yawe, Yawe van aɓsən Yosuwa wətən Nun məbbaha na Moyis dawnəh na:

1Piyer 3:8

Əbay man na: Məssoŋ də maɗɗula taka, wəɗɗum taka, məssoŋ də əŋgla na məlma, mulaŋ sahã aka zukum, məza əgagdakan zukum ɓa.

Zuda 1:3

Bayneŋgiɗwa, nəgayək də wən na əver sukum ɗerewel aka wən na əkõh məs məsap akani, nulaka ətər wəray nawver sukum, vi kasɓokum addəv əgay ammba ətaf mərban sit ɗiy salala təl taka kaka'ə.