2Timote 1:8 - Bible en Guidar

⁸ Wil adawdukun dawpel wən na Daya nam ɓa, awaniɓa dawpel akaw in məfərsəna vinəŋ ɓa. Ya dərəŋ na azəm sahã də in aka batam Alabara Neneke də əppan zuk aka əɓap na Maŋgəlva.

Nouveau Testament en Guidar

⁸ Wil adawdukun daɗɗa saydawa aka Ɗəfdaya ɓa, walla daɗɗa saydawa akaw innəŋ mədaŋgay vinəŋ ɓa. Say nok dərəŋ na agəm hara bonoy noko, vi labara nenek va məs Maŋgəlva apsuko.

Bible en Guidar

⁸ Wil adawdukun dawpel wən na Daya nam ɓa, awaniɓa dawpel akaw in məfərsəna vinəŋ ɓa. Ya dərəŋ na azəm sahã də in aka batam Alabara Neneke də əppan zuk aka əɓap na Maŋgəlva.

2Timote 1:8 ပူးပေါင်းရင်းမြစ်များ

Gəlyaɗe 119:46

Wanəpel wən na an kəziwgin temtem abet milyeŋge, wil aduwən na ɓa.

Gəlyaɗe 19:7

Sə metteɓ ma disiŋ agili, ndən kpaŋ a metteɓ man mbərən, zəga tay nawkõh səma əzla nan ɓa.

Isaya 51:7

Məprəmwa, mənokum məs kəsənnən təstəsə, ɗiy məs mahenziŋ naw a mekreti kəgeslne'eŋ sən əzel na ɗəf titir ɓa, may əvviren zukum sən əra net ɓa.

Isaya 8:20

Məzlan sit na: Məprəm mahenziŋ gəm əpel na Maŋgəlva. An kənah sitin vas ɓa, ɗəf tay nawla bapummo səmmbet ɓa.

Markus 8:38

Vi vaski, ɗəf məs wil adanən viwa gəm vi əpel naw a walaŋ sayit ɗiy məpolkoyeɗ gəm məs mambrayɗeŋki, asna Wətən Ɗəf arəmsən na wil pay adazzan də gagdak na Afən dit maslayɗe en salala ɓa.

Luka 9:26

Vi an wil adanənək ɗəf viwa awaniɓa vi əpel nawa, Wətən Ɗəf wagəɗ wil aka wən nan pay adazzan addəv gagdak nani, an na Afəni gəm net maslayɗe en salala.

Yohanna 15:27

Nokum, mənokumtə miziwwe, vi far də wətəŋ nani mənokum tat də iyna.

Yohanna 19:35

Ɗəf məs dula apelik wən nani, əpel nan van gesiŋgi, vi asənək na an adawpel van gesiŋgi, vi nokum pak kətafaŋgəni.

Wəza net Masləŋɗe 5:41

Yaŋ net agilyoŋ səbet ɗiy gugriɗ də ənneken ziti, vi agapaŋgək nawzelet aka iya na Yesu.

Roma 1:16

Wil aduwən na aka Alabara Nenek ɓa, əɓap na Maŋgəlva yi vi əkõh na ɗəf məs dətaf pakə, anet mə Yudeɗ daabəŋ asna Gərekɗe.

Roma 16:25

Məgagdakan səm Maŋgəlva, tay də gbogboŋ nawziwgukum ɓəlɓəl addəv ətafa va Alabara nenek məs nədarban aka Yesu Kristu, aslək də ərba na wən məɗama dəsan haɗamma lahəŋ farə.

Roma 8:36

Va məverin na: Aka wən noki adawbaymən ɗayɗayə, tay uləmən va timeŋgiɗ nawtaw wəleti.

Roma 9:33

Va məverin na: Awle, a Siyon nədawɗi gərəm nawtaŋgbaygit ɗiyi, milɓe məzləb ɗəfa. Ɗəf məs dətaf pak, arbə na wil ɓa.

1Korintus 1:6

va əpel məpel aka Kristu asan ɓəlɓəl awalaŋkum.

2Korintus 6:7

də əpel an gesiŋ, də əɓap na Maŋgəlva, dit zəgeɗ na təstəs en nawgaya gəm en nawga kizəmə.

Efesus 3:1

Intə Pol, məfərsəna na Yesu Kristu aka batamkum munokum ɗiy-ɗarə.

Efesus 3:13

In tat əkkamokum əmpa na, kədavirenən zukum vi sahã an nədawzəm vikuməŋ ɓa: Gagdak nokumi.

Efesus 4:1

In tat əhhaɗokum, in mə fərsəna aka wən na Daya kədawaŋgən va an dəslə aza iya an məyukum,

Efesus 4:17

An nədawnah gəm nədawpel sukum akan də iya na Daya yaŋ kana, kədawdawaŋ va ədaw net ɗiy-ɗar məs əɗɗum net adawket a təki ɗarəŋ ɓa.

Filipi 1:7

Aslək azaw nəɗɗumgən akokum pak vaska. Nəɗikumuk a makraw munokum pakə, addivit ngiyamɗe nawa, addəv əsok zu narban Alabara Nenek dəsangən ɓəlɓələ, kərəhaŋgək mbəlembəle məs Maŋgəlva avayə.

Filipi 3:10

Ka nəsəngən Kristu də əɓap na əsilye nan səka əmta, nəsapgən dəndən addəv əzəmsahã nani, nəsawgən va ndən addəv əmta nani.

Filipi 4:13

Də gbogboŋ nan addəv zəga pak vi Kristu tay əvay əɓapa.

Kolosi 1:11

Kəssoŋgən də əɓap addəv zəga pak va aza əɓap na gagdak nani, vi kəmpanəngən təlkum əɓəsən də ənneke,

Kolosi 1:24

Kakaŋ in tat ənnek addəv tatwãh naw vikum, in tat əknahan tatwãh na Kristu an dəpəl addəv gəɓa zuwa ammba gəɓa zəni, ana əsap net məzutafaŋgə,

1Tesaloniki 3:4

Vi vaski aka məsam anokumda, mənah sukumuk daabəŋ nan na, nam kawzəmgəmi sahã, vaski agəɗə, kəsənənək lewlewi.

1Timote 2:6

məs dəppan kizən ka zəga nawmet ɗiy pakə. Aski əpel məs dərbə də pay məs məziwgini.

2Timote 1:10

arbək kakaŋ də əzza na məzukõhgəm Kristu Yesu. Ndəni dəzan əmta, dəwiɗgən zeŋgile gəm əssa faɗ də Alabara Nenek,

2Timote 1:12

Vini nədawzəm sahãŋka. Ya wil aduwən na viyən ɓa, vi nəsənək ɗəf an nəɗi ətaf naw akani, nəsənək gesiŋ na tay də əɓap nawga zəga an məvay hã gap pay nawtaw wəna.

2Timote 1:16

Kəta Daya dəɗɗa moggon nan aka gəla na Onesiforus, vi asɓawən təl ɓaɓayə. Wil dədanən vi nəsaw aket ngiyamɗe ɓa.

2Timote 2:3

Aɓəs hara əzəm sahã noko, va məzəlpa na Yesu Kristu an gesiŋ.

2Timote 2:8

Aɗɗumon wən na Yesu Kristu dəsil səret ɗiy mimtiti, səza mahəlfa na Davit iyi, va aza Alabara Nenek məs nədarba,

2Timote 2:9

məs nədawzəm sahã aka wən nan hã minaw dit ngiyamɗe va ɗəf mbərayni, ya əpel na Maŋgəlva minani dit ngiyamɗe ɓa.

2Timote 4:17

Ya Daya tay də iyna, avayək gbogboŋgo, vi nəpelgən wən nan gərakə, ɗiy-ɗar dəprəməngən baymeti. Ndəni dəkõhgu səma ɓoolu.

2Timote 4:5

Ya nok na asok də maɗɗula aza zəga pakə. Aɓəs əzəm sahã, aɗɗa wəza narban Alabara Neneke, aɗɗa wəza nok lewlewi.

1Piyer 1:5

mənokum məs əɓap na Maŋgəlva adawga də ətaf vi əkõh məs dəsan go'o aza ərban zən də pay naggraka.

1Yohanna 4:14

Ya nam mulaka, mənam tat ənəh na, Afən aslənək wətən ka məkõhgəni.

Zuda 1:24

Sən Maŋgəlva nawɓap əgukum məza ətaŋgbãy ɓa, gəm nawziwgukum aba gagdak nan məza də heslepe ɓa də ənneke,

Hənhən 1:2

Yohanna van apelik aka an awəl pakə: Əpel na Maŋgəlva yi gesiŋ, Yesu Kristu dəpele.

Hənhən 1:9

Intə Yohanna, məlmukum gəm makkoyokum addəv əzəmsãhã, addəv əzəm məlyã gəm addəv əsok zə ɗəf addəv əsap də Yesu. Məɗiwi aka mətuwəra məs adawyaŋ na Patmos, vi nədarban wən na Maŋgəlva gəm gegesiŋ məs Yesu arbani.

Hənhən 12:11

Ya milmiŋgiɗəm veti, askanənək wəlan dit mbel nat Ndagayãkə gəm də əpel məs apeleŋ akani. Dəŋgluwən ənziya egge net hã gala ndəɗaŋ nawgeslne' sən əmta ɓa.

Hənhən 19:10

Yaŋ nəkduk ammba tələn kawgagdakani, yaŋ anah su na: Kəɗɗa vas ɓa! Naw pak məgəɗ wəza nan va noko gəm va milmiŋgiɗim məs dərmanən əpel na Yesu. Maŋgəlva yi kədawgagdakani, vi gegesiŋ məs Yesu arbani ndəni əmpəs dəgəɗ kəleŋgə.