2Timote 1:7 - Bible en Guidar

⁷ Vi Əmpəs na geslne Maŋgəlva apsəmək ɓa, Əmpəs na əɓapa na əŋgla gəm na ətak zə ɗəfi.

Nouveau Testament en Guidar

⁷ Maŋgəlva apsəmək Əmpəs nani məs aknah na makram də geslne ɓa, amma waknah makram də sembe də wəŋgla gəm də wəga zuko.

Bible en Guidar

⁷ Vi Əmpəs na geslne Maŋgəlva apsəmək ɓa, Əmpəs na əɓapa na əŋgla gəm na ətak zə ɗəfi.

2Timote 1:7 ပူးပေါင်းရင်းမြစ်များ

Gəlyaɗe 119:80

Kəta makraw dəsan təstəs-gərak aket əsərəkɗe noko, vi nədarba wil ɓa.

Wənməkkpaŋga 2:7

Ɗiy en təstəs na, tay əpsit əsən aka an naɗɗa. Tay va baray sit ɗiy en mekret barə.

Wənməkkpaŋga 8:14

Əsəɓa may əsla-zəɗəfa, zəgeɗ nawəŋgə, in adawyaŋ əsəna, gbogboŋ zəga nawi.

Isaya 11:2

Əmpəs na Daya wasan akani, Əmpəs na maɗɗula gəm na əsəna, Əmpəs napsa əsəɓa gəm napsən gbogboŋgo, Əmpəs nawsən Daya gəm nawgeslne' səni.

Mika 3:8

Ya naw dərəŋ na, əmpəs na Yawe aknahwək də gbogboŋgo, də təstəsə gəm də gurom nərban səngən əɓoŋ na Yakob gəm nərban səngən mambray na Israyel.

Zakarya 4:6

Yas azlani, aɓsu dawnəh na: Aŋ əpel na Yawe sən Zorobabeli, amna: Də gbogboŋgi ɓa, də wəɓapi ɓa'a, də əmpəs nawi dərəŋ Yawe Məzuɓappak anahə.

Luka 10:19

Yaŋ na, nəpsukumək gagdak nawdaw dəket dohõɗe dit hərziyeɗi, gəm aka əɓap na məzuzele pakə, sessel zəga tay nawgəɗ sukum ɓa.

Luka 15:17

Yaŋ atəŋ əɗɗum aka əssa nani, amna: Məɗɗaŋ wəza na əbba mbarwaŋ də zəga nawzəm ndoɗoɗ-ndoɗoɗ di, yaŋ naw in əmta aŋ sən mãya.

Luka 24:49

Wanəslən sukum an məs Afu aynan wən nani. Ya məssoŋ a walaŋgəla-metiŋ hã an əɓap sə disiŋ adek akokum kana.

Luka 8:35

Ɗiy agilyoŋguk vi kawla an dəgəɗə. Azzoŋguk aza Yesu, arəhənək ɗəf məs tuyeŋɗe agulyoŋ səkan nak tay tuŋgo ammba təl Yesu də lukut azani, tay də maɗɗulani. Geslne' armeke.

Yohanna 14:27

In tat əppan sukum zəzaya, in tat əpsukum zazay nawa, va dələv adapsukum nədapsukum ɓa. Mokrokum adazlzlaɓ ɓa, ageslne' ɓa.

Wəza net Masləŋɗe 1:8

Ya wakərəhaŋ gagdaka, an Zeŋgile Salala adek akokum, wakəssoŋ məpeleŋ wən naw a Yerusalem gəm a Yude baymani, a Samari gəm hã aket meŋge na dəlva.

Wəza net Masləŋɗe 10:38

Va Maŋgəlva aprikgin əɓap na Zeŋgile Salala aka Yesu na Nazaret, ndən məs dəbbal əɗɗa moggoni gəm əmbəlgit ɗiy en dəssoŋ belemɗe na tuya pakə, vi Maŋgəlva tay dəndəni.

Wəza net Masləŋɗe 20:24

Ya naw nawla zeŋgilew va zəga ɓa, abbər ki əgapgən ənza nawa gəm wəza naw məs nərah səza Daya Yesu: Ndəni ərban alabara nenek na mbəlembəle na Maŋgəlva.

Wəza net Masləŋɗe 21:13

Ya nan azlan na: Vimi kədawhəmaŋ gəm kədawzlagənən makraw di? Vi naw na, nəslak zuwa, vi kaɓrukwi kaka ɓa ya kamta'e a Yerusalem aka wən na Daya Yesu.

Wəza net Masləŋɗe 26:11

Ɗayɗay nədawzəmgit sahã addivit gəlaɗe nakkal net mə Yudeɗi, nəgəɗ sitik vavyak dəppanəngən ətaf neti. Sit herɗe naw aketi, nəsərək met hã in əzbet a walaŋgəleɗe gugriɗ na guwa.

Wəza net Masləŋɗe 26:25

Pol azlan na: Mətemu nan ɓa, məlĩ Festus! Wən gegesiŋ gəm də tiven nədawpele.

Wəza net Masləŋɗe 6:8

Etiyen, ɗəf məknahən də mbəlembəle gəm də əɓapa tay əɗɗa sekeneɗi gəm zəgəɗ gugriɗ naggət aket diyɗa aweleŋgit ɗiyi.

Wəza net Masləŋɗe 9:22

Ya Sawlu asokuk zən əmbat abe abe, agəɗ sitik gərəŋ sit mə Yudeɗ məs dəssoŋ də gəla a Damas də ərban sit na, Yesu ndəni Kristu.

Roma 5:5

Əga nawrəh zəga arbəsəm na wil ɓa, vi əŋgla na Maŋgəlva məpsəm dəza Zeŋgile Salala tay a makramə.

Roma 8:15

Vi əmpəs məs nakkpaŋgokum belemɗe əmpa kərahaŋ ka kawgeslne' ɓa, ya əmpəs nakkpaŋgokum kirtin Maŋgəlva kərahaŋgə, məs dəpsəm tive mədawyan na Abba, Afəni.

1Korintus 2:4

Əpel nawdoɗ ki ɗəf də əsən tay addəv əpel naw də ərbawən naw ɓa, də ərba na Əmpəsa gəm də əɓap yi.

Galatiyen 5:22

Ya uwa na Əmpəs na ndəni: Əŋgla, ənneke, zazaya, əɓəsa, ulasahã, əɗɗa moggoni, ətafa,

Kolosi 1:8

Ndəni dəboton səm wən na əŋgla nokum addəv Əmpəsa.

Ibriɗe 2:15

Vi kawkõhgit ɗiy mes dəssoŋ belemɗe sən geslne na əmta addəv pay nanziya na zeŋgilet pakə.

1Piyer 1:22

Kubburunək megenegenekum də əɓe' sən gegesiŋ vi kaŋgliw milmiŋgiɗkum məs dətafaŋgə məza muluvuluvu ɓa. Məŋglu zukum də mokrokum bar pay pakə.

1Yohanna 4:18

Geslne tay addəv əŋgla ɓa, əŋgla an gərrak azgan geslne, vi geslne tay sap də əzəm sahã. Ɗəf an də geslne, əŋgla tay gərrak addəvən ɓa.