2Timote 1:18 - Bible en Guidar

¹⁸ Kəta Daya dəɗɗa dərahgən ulasahã na Daya akan pay nani. A Efesus agəɗ suwək wəza moggoni, nok kəsənək lewlewi.

Nouveau Testament en Guidar

¹⁸ Ɗəfdaya dəbaah səni dərah gən riba mogon səva Ɗəfdaya pay wəziya nani. A Efesus agəɗ suwək wəza mogoni, nok bo kəsənək wənnani.

Bible en Guidar

¹⁸ Kəta Daya dəɗɗa dərahgən ulasahã na Daya akan pay nani. A Efesus agəɗ suwək wəza moggoni, nok kəsənək lewlewi.

2Timote 1:18 ပူးပေါင်းရင်းမြစ်များ

1Milyeŋge 17:20

Yaŋ ahəm sən Yawe, amna: «Yawe Maŋgəlva nawa, mok aka əgəɗ sət mbərayən sət gagəbay məs nəde molhõyõ anatda kəŋ, kawbay wətət sa?»

Luka 1:72

Arbanək ulasahã nan aket efiŋgiɗmə, də əɗɗumon wənmiyna salala nani,

Luka 1:78

sən mbəlembəle na ulasahã na Maŋgəlva namə. Ndəndəni pay məzugilyen adawkasak akam hã sə disiŋ,

Luka 8:3

Yohanne, guluk na Huza gawla na məlĩ Herodə gəm Suzana dit gil meɓɓeti, məzəbbahaŋ sənən də arya neti.

Wəza net Masləŋɗe 18:19

Agapaŋgək a Efesus. Adaki kan Pol awɗak dət Piriskilla gəm də Akilas. Nan atoŋguk addəv gəla nakkal net Yudeɗi. Apelik dənɗaŋ.

Wəza net Masləŋɗe 18:21

Ya adan adaddani, anah sitik na: An Maŋgəlva aŋgəmək na, wanimil anokum da əmpa. Yas ambat sə Efesus də bəlay.

Wəza net Masləŋɗe 19:1

Aka Apollos tay a Korintus, Pol atoŋguk dəket dəlveŋge naket massorgoɗe aprik a Efesus. Arahək ɗiy na Maŋgəlva dəŋɗedəŋɗe adaka.

1Korintus 1:8

Ndəni nawziwgukum ɓəlɓəl hã gap əgrak nani, vi kədassoŋ də wən akokum pay Daya nam Yesu Kristu adazzan ɓa.

1Korintus 16:8

Ya wanəsaw a Efesus hã gap Pentekot.

1Korintus 3:13

wəza na ɗəf pak warbə. Vi pay nawtawwən warban appaka ta'ə, addəv offo adarba, offo wasla wəza na ɗəf pak va asani.

2Korintus 9:1

Aka an dəwəl sən əbbah sit ɗiy salala na, wəray tay nawver sukum ɓa.

Efesus 2:4

Ya Maŋgəlva tay də ulasahã diyɗa, vi memetiŋ na əŋgla nan məs aŋglumə,

1Tesaloniki 2:19

An mənokumtə ɓa na mi əga namə, ənnek awaniɓa mətərkiya na əkaɓ nam aba Daya nam Yesu pay əzza di?

1Timote 1:3

Nəkkomokuk kəsokgən a Efesus, aka nədawmbat a Makedoniya, vi kəɗigən wən nan sit ɗiy meɓɓet adaɗɗaŋ əyak temtemi.

2Timote 1:12

Vini nədawzəm sahãŋka. Ya wil aduwən na viyən ɓa, vi nəsənək ɗəf an nəɗi ətaf naw akani, nəsənək gesiŋ na tay də əɓap nawga zəga an məvay hã gap pay nawtaw wəna.

2Timote 1:16

Kəta Daya dəɗɗa moggon nan aka gəla na Onesiforus, vi asɓawən təl ɓaɓayə. Wil dədanən vi nəsaw aket ngiyamɗe ɓa.

2Timote 1:17

Adan agap a Rom na, akayawək zən soksoku, hã ndən gas ərəhwa.

2Timote 4:12

Nəslənək Tikikus a Efesus.

2Timote 4:8

Kakaŋ na mətərkiya na təstəs tay zaɓɓa viwa, məs Daya mətawwən an təstəs adapsu pay nani, suwi kaka ɓa, sit ɗiy en məs dəŋglunən əzza nan pakə'e yi.

Ibriɗe 6:10

Maŋgəlva mbərayni ɓa, azgət na ki wəza nokum ɓa gəm əŋgla məs kərbanən aka iya nan kəbbahaŋ sit ɗiy salala lahəŋka hã gap kakaŋkəŋka.

1Piyer 1:10

Əkõh vanəski məskəleŋɗe akayanən gabbani, akosonəni, aɗɗaŋ kəleŋ aka wən na mbəlembəle məɗiyən ammbokum.

Hənhən 2:1

Aver sən maslay na gəla na Maŋgəlva na Efesus na: Aŋki məs dərme ngərzleɗ buhul aza van dəzəŋ, məs dədadaw a weleŋgit zəgeɗ nawɗi lalamɗe na meleŋge buhul adawpele: