2Samiyel 8:6 - Bible en Guidar

⁶ Davit aɗiyək prefeɗe aket mə Aram na Damas. Mə Aramɗe akkpaŋgaŋgək belemɗe na Davit, əkiyaŋ sənən nzalaka. Yawe apsənək əska wəla sən Davit a təki al pakə.

2Samiyel 8:6 ပူးပေါင်းရင်းမြစ်များ

2Samiyel 10:19

Milyeŋge nammba va Hadadezer awlanən na mə Israyelɗe askanənək wəleti, akayaŋgək əsler dit mə Israyelɗe gəm aɗɗaŋ sitinik wəza. Geslne armek mə Aramɗe dazzo əkõhgit mə Ammonɗe.

2Samiyel 23:14

Davit tay a təki nawɗam an moggoni, mbaraka gəla ngaɓa net mə Filistiɗe tay a Bet-Lehem.

2Samiyel 3:18

Ya kakaŋ pay nan dəgəɗə! Vi Yawe apelik aka wən na Davit na: Də va gawla naw Davit, nədawbit ɗiy naw mə Israyelɗe səvet mə Filistiɗe, səvet mezuwzelɗe net pakə.»

2Samiyel 5:10

Gagdak na Davit aɓayək abe abe, Daya Maŋgəlva Məzuɓappak na disiŋ tay dəndəni.

2Samiyel 7:9

Nəsawək də is a təki kəmbat pakə: nəzetik məzuzelɗe nok səbok pakə, wanəgilgin sləmok va ɗiy gugriɗ en naka dəlvafuŋ.

2Samiyel 8:14

Yaŋ aɗi deyeɗe na bərzləŋna-kivadələv a Edom; addəv Edom pakgəni aɗi deyeɗe nabərzləŋna-kivadələva, mə Edomɗe baymet akkpaŋgaŋgək məɗɗaŋ wəza na Davit. A təki Davit ambat pak Yawe tay əpsən əska wəla.

2Samiyel 8:2

Arbə sitik mə Mo'abɗe. Avoŋgitik sliriɓ afuŋ, awɗeketik gbimgbim də helege nawsla zəga, səddəv hoku pak na, ndən bay sula mbək taka madarani. Mə Mo'abɗe akkpaŋgaŋgək ka belemɗe nawfaɗaŋ nzalaka sən Davit.

2Samiyel 8:7

Davit amõhĩk gulomɗe na meleŋge net məzəlpaŋ na Hadadezer, akiyik a Yerusalem.

2Milyeŋge 1:1

Yaŋ Mo'ab aɓoŋ aka Israyel dərɓaga əmta na Akab.

2Milyeŋge 14:28

Madembərgit wəzeɗe na Yerobo'am, an agəɗə, də wəgay nan pak, akkpeŋgetik walaŋgəleɗe na Damas də Hamat, naka va na Yudaŋ sən Israyel, məvertiŋ addəv ɗerewel na Wəza net milyeŋge na Israyel ɓa sa?

2Milyeŋge 18:7

Yawe tay dəndən təki al pakə; An adaɗɗa pak tay ədaw ammbani. Aɓoŋguk aka məlĩ na Asiri, dəgəɗ sən wəza ɓa.

2Milyeŋge 3:4

Mesa, məlĩ na Mo'ab, məzgəl zəgeɗi yi; ama wəzva pak, tay əfaɗ nzalaka dit kirit timeŋgiɗ gabal səkatə, ndergeyẽɗ məs zeŋze gabal səkat sən məlĩ na Israyel.

1Alabaraɗe Də Mabərkiziti 18:13

Yaŋ aɗi deyeɗe na bərzləŋna-kivadələv aka Edom, mə Edomɗe baymet akkpaŋgaŋgək belemɗe na Davit. A təki Davit ambat pak Yawe tay əpsən əska wəla.

2Alabaraɗe Də Mabərkiziti 17:2

Aziyək vandayɗe net məzəlpaŋ a walaŋgəleɗe gugriɗ na korgu na Yuda pakə, aɗi deyeɗe na bərzləŋna-kivadələv aka dələv na Yuda vani, gəm a walaŋgəleɗe gugriɗ na Efrayim məs Asa afən amõhu.

Gəlyaɗe 140:7

Nənah sənək Yawe na: «Istə Maŋgəlva nawa!» Aprəm wəlaw də əkkam nawa Yawe.

Gəlyaɗe 60:10

Mo'ab, gefleŋ naslslay nawi. Wanəzgan hensek naw aka Edom. Aka Filisti nədaŋzla vaŋvəl nawgaya.

Wənməkkpaŋga 21:31

Kakyaki pələs pay nalpa; ya əska wəla na, ava Yawe yi.

1Samiyel 13:3

Yonatan abayək ŋgaɓa net məzəlpaŋ net mə Filistiɗe a Geba. Mə Filistiɗe aprəmənək wən nani. Sawlu affonək gozloro aka dələv nan pak dawnəh na: «Mə Ibriɗe dəprəməni.»

1Samiyel 14:1

Pay mbərən Yonatan wətən Sawlu aɓsən məndə gulom nan na: «Ade, dam aza ngaɓa net mə Filistiɗe dəda ndaka.» Dəzgə meŋ nan sən afən ɓa hara.

1Samiyel 14:15

Ɗiy na dibirgidik, na muyã, naddəv ngaɓa gəm məzetin ɗiy pak ageslne'eŋke, dəlvafuŋ aɓəlka; akkpaŋgək geslne səza Maŋgəlva.

1Samiyel 14:6

Yonatan anah sən məndə gulom nan nak na: «Ade, dam ŋgbu' aza ngaɓa net gẽyẽɗiŋki. Mbərən ɓa na Yawe wagay vimə. Zəga tay nawtak Yawe dapsəm əska wəla dit ɗiy diyɗa awaniɓa dit siɗikke ɓa.»